Skip to content

Skip to table of contents

Hū ki Loto (opens new window)
Fekumi ʻi he JW.ORG

Mātuʻa

Mātuʻa

Ko e hā ha ngaahi ʻuhinga ʻe niʻihi naʻe fakatupu ai ʻe Sihova ʻa e nofo malí?

Sēn. 1:​27, 28; 2:​18, 20-24

ʻOku totonu ke fēfē ʻa e vakai ʻa e ngaahi mātuʻá ki heʻenau fānaú?

Saame 127:​3-5; 128:3

Sio foki ki he “Fānau; Toʻutupu”

  • Talanoa Fakatohitapu mahuʻinga:

    • Sēn. 33:​4, 5—ʻOku vakai ʻa Sēkope ki heʻene fānaú ko ha tāpuaki meia Sihova

    • ʻEki. 1:​15, 16, 22; 2:​1-4; 6:20—ʻOku hoko ʻa ʻAmilami mo Siokāpesi ko e ongo mātuʻa ʻa Mōsese, pea ʻokú na tuku ʻena moʻuí ke ʻi ha tuʻunga fakatuʻutāmaki ke maluʻi ia

Ko e hā ʻa e fatongia ʻo e ngaahi mātuʻá ki heʻenau fānaú?

Teu. 6:​6, 7; 11:​18, 19; Pal. 22:6; 2 Kol. 12:14; 1 Tīm. 5:8

  • Talanoa Fakatohitapu mahuʻinga:

    • 1 Sām. 1:​1-4—ʻOku ʻomai ʻe ʻElikena hono fāmilí ki he ngaahi kātoanga ʻi Sailó, ʻo fakapapauʻi ʻoku malava ke kau ki ai ʻa e kiʻi tama taki taha

    • Luke 2:​39, 41—ʻOku fononga maʻu pē ʻa Siosifa mo Mele mo ʻena fānaú mei Nāsaleti ki Selusalema ki he kātoanga ʻo e Pāsová

Ko e hā ʻa e ngaahi ʻaonga hono akoʻi ʻa e fānaú ʻi he ngaahi founga ʻa Sihová?

Pal. 1:​8, 9; 22:6

Sio foki ki he 2 Tīm. 3:​14, 15

  • Talanoa Fakatohitapu mahuʻinga:

    • 1 Sām. 2:​18-21, 26; 3:19—ʻOku foaki atu ʻe he ongo mātuʻa ʻa Sāmiuelá ʻena kiʻi tamá ke ngāue ʻi he tāpanekalé, ka ʻokú na ʻaʻahi maʻu pē kiate ia pea tokoni ke tokonaki ʻene ngaahi fiemaʻú; ʻokú ne tupu hake ʻo hoko ko ha tangata fakalaumālie tuʻu-ki-muʻa

    • Luke 2:​51, 52—ʻOku anganofo ai pē ʻa Sīsū ki heʻene ongo mātuʻá neongo ʻena taʻehaohaoá

ʻE lava ke maʻu mei fē ʻe he ngaahi mātuʻá ha tataki ki hono ʻohake ʻenau fānaú?

Teu. 6:​4-9; ʻEf. 6:4; 2 Tīm. 3:​14-17

Sio foki ki he Saame 127:1; Pal. 16:3

  • Talanoa Fakatohitapu mahuʻinga:

    • Fkm. 13:​2-8—Hili hono fakahaaʻi ange kia Mānoa ʻe fanauʻi fakaemana ʻe hono uaifí ha tama tangata, ʻoku kole ʻe Mānoa ha tataki lahi ange fekauʻaki mo e founga ke ʻohake ai ʻa e kiʻi tamá

    • Saame 78:​3-8—ʻOku loto ʻa Sihova ke vahevahe ʻe he ngaahi mātuʻá ʻa e ʻilo Fakatohitapu ʻoku nau maʻú

Neongo kapau ʻe tupu hake ha kiʻi tama ʻi ha fāmili ʻoku ʻofa ki he ʻOtuá, ko e hā ʻe kei lava nai ai ke ne tafoki mei he tauhi kia Sihová?

ʻIsi. 18:​1-13, 20

  • Talanoa Fakatohitapu mahuʻinga:

    • Sēn. 6:​1-5; Sute 6—Neongo hono fakamoleki ʻa e ngaahi taʻu taʻefaʻalaua ʻi hēvani mo Sihova, ko e tokolahi ʻi he ngaahi foha laumālie ʻo e ʻOtuá naʻa nau fili ke angatuʻu

    • 1 Sām. 8:​1-3—Neongo ko Sāmiuelá ko ha palōfita faitōnunga mo māʻoniʻoni, ko hono ongo fohá naʻá na hoko ʻo taʻefaitotonu mo kākā

Ko fē ʻa e taimi ʻoku totonu ke kamata akoʻi ai ʻe he ngaahi mātuʻá ʻenau fānaú ki he ngaahi founga ʻa e ʻOtuá?

2 Tīm. 3:15

  • Talanoa Fakatohitapu mahuʻinga:

    • Teu. 29:​10-12, 29; 31:12; ʻĒsela 10:1—ʻOku fakakau ʻa e fānaú ʻi he ngaahi fakatahataha fakalotú ke ako fekauʻaki mo e ngaahi founga ʻa Sihová

    • Luke 2:​41-52—Ko Siosifa mo Mele ʻokú na ʻave maʻu pē ʻena fānaú, kau ai ʻa Sīsū, ki he kātoanga ʻo e Pāsová ʻi he temipale ʻi Selusalemá

Ko e faʻifaʻitakiʻanga ʻa hai ʻoku totonu ke muimui ai ʻa e mātuʻá ʻi heʻene haʻu ki hono maluʻi ʻenau fānaú mei he faʻahinga te nau fai nai ha kovi kiate kinautolú?

  • Talanoa Fakatohitapu mahuʻinga:

    • ʻEki. 19:4; Teu. 32:​11, 12—ʻOku fakahoa ʻe Sihova ʻa ia tonu ki ha ʻīkale ʻokú ne fua, maluʻi mo tauhi hono fāngangá

    • ʻAi. 49:15—ʻOku talaʻofa ʻe Sihova ke tokangaʻi mo maluʻi ʻene kau sevānití ʻi ha founga ʻoku lahi ange ia ʻi he manavaʻofa ʻoku fakahāhā ʻe ha faʻē toutama ki heʻene pēpeé

    • Māt. 2:​1-16—ʻOku feinga ʻa Sētane ke ne tāmateʻi ʻa e kiʻi pēpē ko Sīsuú ʻaki ʻene taki ʻa e kau vavalo panganí kia Tuʻi Hēlota fulikivanu, ka ʻoku maluʻi ʻe Sihova ʻa Hono fohá ʻaki hono fakahinohinoʻi ʻa Siosifa ke ne hiki mo hono fāmilí ki ʻIsipite

    • Māt. 23:37—ʻOku fakahoa ʻe Sīsū ʻene holi ke ne tokoniʻi hono kakaí ki he founga ʻoku ʻōʻōfaki mo maluʻi ai ʻe ha motuʻa moa ʻa hono fāngangá ʻi hono lalo kapakaú

Ko e hā ʻoku totonu ai ki he mātuʻá ke akoʻi ʻenau fānaú ki he ngaahi meʻa ʻoku fekauʻaki mo e fehokotaki fakasinó?

  • Talanoa Fakatohitapu mahuʻinga:

    • Liv. 15:​2, 3, 16, 18, 19; Teu. 31:​10-13—ʻOku lave fakahangatonu ʻa e Lao ʻa Mōsesé ki he ngaahi meʻa fekauʻaki mo e fehokotaki fakasinó, pea ʻoku fakahinohino ʻe Sihova ke ʻi ai ʻa e fānaú ʻi he taimi ʻoku lau leʻo-lahi ai ʻa e Laó

    • Saame 139:​13-16—Ko e tokotaha-tohi-saame ko Tēvitá ʻokú ne fakahīkihikiʻi ʻa Sihova ki he tisaini fakaofo ʻo e sino ʻo e tangatá, kau ai mo e malava ke fakafanaú

    • Pal. 2:​10-15—Ko e ʻilo mo e poto meia Sihová ʻe lava ke ne maluʻi kitautolu mei he faʻahinga ʻoku nau mioʻi mo kākaá

Ko e hā ʻoku totonu ke fakahoko ai ʻa e akonakí ʻi ha founga anga-ʻofá?

Pal. 13:24; 29:17; Sel. 30:11; ʻEf. 6:4

Sio foki ki he Saame 25:8; 145:9; Kol. 3:21

  • Talanoa Fakatohitapu mahuʻinga:

    • Saame 32:​1-5—Neongo ʻoku ongoʻi ʻe Tuʻi Tēvita ʻa e mamafa ʻo e akonaki ʻa Sihová, ʻokú ne fiemālie ʻi hono ʻiloʻi ʻoku fakamolemoleʻi ʻe Sihova ʻa e faʻahinga ʻoku nau fakatomala moʻoni mei heʻenau ngaahi angahalá

    • Siona 4:​1-11—ʻOku lea ʻita mo taʻefakaʻapaʻapa ʻa e palōfita ko Sioná kia Sihova; neongo ia, ʻoku anga-kātaki ʻa Sihova ʻo akoʻi kiate ia ʻa e mēsí

Ko e hā ʻoku lava ke vakai ai ki he akonakí ko ha fakahāhā ʻo e ʻofá?

Pal. 3:​11, 12; 13:24

Sio foki ki he Pal. 15:32; Fkh. 3:19

 

Te Ke Fie Vakai Foki ki Heni

‘Ā HAKE!

Fāmili Lavameʻa​—Faʻifaʻitakiʻanga

Kapau ʻokú ke loto ke aʻu hoʻo ngaahi leá ki he loto hoʻo fānaú, kuo pau ke fehoanaki ia mo hoʻo ngaahi ngāué.

KO E TAUA LE‘O

Founga Hono Liliu ‘e he Fānaú ha Nofo Mali

FEKAUʻAKI MO KIMAUTOLU

Kole ha ʻAʻahi

Lāulea ki ha fehuʻi Fakatohitapu pe ako lahi ange fekauʻaki mo e Kau Fakamoʻoni ʻa Sihová.

NGAAHI KONGA TOHI TAPU KI HE MOʻUI FAKA-KALISITIANÉ

Mātuʻa

Faka-Tonga
Mātuʻa
https://assetsnffrgf-a.akamaihd.net/assets/ct/f62df3bf2a/images/syn_placeholder_sqr.png
scl p. 77-79
DOWNLOAD
Mātuʻa
Ngaahi founga ke download ai ha tohi Ngaahi Konga Tohi Tapu ki he Moʻui Faka-Kalisitiané