Olonjali
Asunga api a vetiya Yehova oku sovola olohuela?
Olonjali vi sukila oku tenda ndati omãla vavo?
Talavo okasapi “Omãla; Amalẽhe”
-
Ovolandu Embimbiliya a kuete esilivilo lialua:
-
Eft 33:4, 5—Yakoba wa tendele omãla vaye ndombanjaile ya tunda ku Yehova.
-
Etu 1:15, 16, 22; 2:1-4; 6:20—Amirama kuenda Yokevede, va linga olonjali via Mose kuenda ovo va kapa kohele omuenyo wavo oco vo teyuile.
-
Nye olonjali vi sukila oku lingila omãla vavo?
Esn 6:6, 7; 11:18, 19; Olo 22:6; 2Ko 12:14; 1Ti 5:8
-
Ovolandu Embimbiliya a kuete esilivilo lialua:
Onima yipi yi tunda koku pindisa omãla volonjila via Yehova?
Talavo 2Ti 3:14, 15.
-
Ovolandu Embimbiliya a kuete esilivilo lialua:
-
1Sa 2:18-21, 26; 3:19—Olonjali via Samuele vio weca oco a vumbe vo Tavernakulu, pole, unyamo lunyamo via enda oku u nyula kuenda oku u kuatisa kovina a sukilile; eye wa linga ulume umue wa solele Yehova kuenda wo vumba lekolelo.
-
Luk 2:51, 52—Yesu wamamako oku pokola kolonjali viaye ndaño okuti ka via lipuile.
-
Pi olonjali vi pondola oku sanga olonumbi vioku pindisa omãla vavo?
Esn 6:4-9; Efs 6:4; 2Ti 3:14-17
-
Ovolandu Embimbiliya a kuete esilivilo lialua:
-
Olg 13:2-8—Noke liungelo oku vangula la Manoa okuti Yehova o ka va sumũlũisa kuenda ukãi waye o ka cita omõla, eye wa pinga ku Yehova olonumbi vioku tata omõla waco.
-
Os 78:3-8—Yehova o yongola okuti olonjali vi pindisa omãla vavo lovina via siata oku lilongisa Vembimbiliya.
-
Ndaño okuti omõla umue o kulila vepata limue okuti li sole Suku, momo lie pamue a nõlelapo oku siapo oku vumba Yehova?
-
Ovolandu Embimbiliya a kuete esilivilo lialua:
-
Eft 6:1-5; Yuda 6—Ndaño okuti omãla va Yehova kilu va kala laye anyamo alua, va nõlapo oku u sinĩla.
-
1Sa 8:1-3—Samuele ndaño wa kala uprofeto umue ukuekolelo kuenda ukuesunga, omãla vaye ka va kaile vakuacili kuenda va kala vakuavitukiko.
-
Otembo yipi olonjali vi sukila oku fetika oku longisa olonumbi via Suku komãla vavo?
-
Ovolandu Embimbiliya a kuete esilivilo lialua:
-
Esn 29:10-12, 29; 31:12; Eser 10:1—Va Isareli eci va enda oku lilongisa catiamẽla ku Yehova, ovo va enda oku kongelamo omãla oco va lilongisevo.
-
Luk 2:41-52—Yosefe kuenda Maria va kuatele ocituwa coku ambata omãla vavo, oku kongelamo Yesu, poku enda kocipito co Paskoa konembele ko Yerusalãi.
-
Ongangu yelie olonjali vi sukila oku kuama catiamẽla koku teyuila omãla vavo ku vana va yongola oku va linga cimue cĩvi?
-
Ovolandu Embimbiliya a kuete esilivilo lialua:
-
Etu 19:4; Esn 32:11, 12—Yehova wa lisokisa eye muẽle longonga okuti yambata, yi teyuila kuenda yi tata omãla vaye.
-
Isa 49:15—Yehova o likuminya oku tata kuenda oku teyuila afendeli vaye lonjila yimue okuti, ya velapo ocisola onjali yi nyamisa yi kuetele oñaña yaye.
-
Mat 2:1-16—Satana wa seteka oku ponda Yesu eci a kala oñaña poku songuila olonoño viokutundilo ku Soma Herode wa kala ongangala, pole, Yehova wa teyuila omõlaye poku sapuila Yosefe oco a ilukile Kegito lepata liaye.
-
Mat 23:37—Yesu wa sokisa onjongole yaye yoku kuatisa omanu ndeci osanji yongotiya kuenda oku teyuila omãla vayo vemẽhi liavava ayo.
-
Momo lie olonjali vi sukilila oku longisa omãla vavo catiamẽla koku lipekela?
-
Ovolandu Embimbiliya a kuete esilivilo lialua:
-
Ovs 15:2, 3, 16, 18, 19; Esn 31:10-13—Ocihandeleko ca eciwile ku Mose, ci lombolola ciwa ocisimĩlo ca Yehova catiamẽla koku lipekela kuenda eye o yongola okuti, omãla va kũlĩha ocisimĩlo caye.
-
Os 139:13-16—Daviti wa pandula calua Yehova omo lionjila ndomo a lulika etimba liomunu, lepondolo lioku cita omãla.
-
Olo 2:10-15—Ukũlĩhĩso kuenda olondunge vi tunda ku Yehova, vi pondola oku tu teyuila ku vana va sole oku linga eci cĩvi kuenda kolohembi.
-
Momo lie olonjali vi sukilila oku pindisa omãla vavo locisola?
Olo 13:24; 29:17; Yer 30:11; Efs 6:4
Talavo Os 25:8; 145:9; Kol 3:21.
-
Ovolandu Embimbiliya a kuete esilivilo lialua:
-
Os 32:1-5—Ndaño Soma Daviti wa yeva evalo li tunda kepindiso lia Yehova, eye wa yeva ekavuluko poku lilongisa okuti, Yehova ecela vana va likekembela lutima wosi omo liakandu avo.
-
Yon 4:1-11—Uprofeto Yona ndaño wa vangula lukãlu kuenda ka lekisile esumbilo ku Yehova, Yehova wa vangula laye lumbombe kuenda lepandi kuenje ca longisa Yona catiamẽla kohemba ya Yehova.
-
Momo lie tu popela okuti epindiso onjila yimue yolonjali oku lekisa ocisola komãla vavo?
Talavo Olo 15:32; Esi 3:19.
Ove o ka ci Sola
OMASULI!
Oco Epata li Kuate Esanju—Ongangu
Nda o yongola okuti omãla vove va pokola kueci o popia, ovilinga viove vi sukila oku likuata lolondaka viove.
UTALA WONDAVULULI
Bible Questions Answered
UTALA WONDAVULULI WELILONGISO
Alonjali, Pindisi Omõla Vene Tunde Vutila
Otembo yipi epindiso liomãla li fetika? Nye ca kongela vepindiso liaco?
KOKUETU
Pinga Oco o Nyuliwe
Sapeli eci catiamẽla kosapi yimue Yembimbiliya, ale lilongisa ovina vikuavo viatiamẽla Kolombangi Via Yehova.
