Achinangolo
Ana ni magongo gane gapi gagamtendekasisye Yehofa kuti atandisye ulombela?
Ana achinangolo akusosekwa ŵawoneje mwamtuli ŵanache ŵawo?
Sal 127:3-5; 128:3
Alolesoni mtwe wakuti “Ŵanache; Ŵachinyamata”
-
Ngani syakwe m’Baibulo:
-
Gen 33:4, 5—Yakobo jwawonaga ŵanache ŵakwe kuti ali mtuka wakutyochela kwa Yehofa
-
Eks 1:15, 16, 22; 2:1-4; 6:20—Amulamu ni Yokibedi ŵaliji achinangolo ŵa Mose, mwamti jemanjaji ŵayikene pakuŵika umi wawo pangosi kuti amchenjele Mose
-
Ana achinangolo akwete udindo wamtuli pa ŵanache ŵawo?
De 6:6, 7; 11:18, 19; Mis 22:6; 2Ak 12:14; 1Ti 5:8
-
Ngani syakwe m’Baibulo:
-
1Sa 1:1-4—Elikana ŵalijigalilaga liŵasa lyakwe kunyumba ja Mlungu ku Shilo, nambosoni jwalolechesyaga kuti mwanache jwakwe jwalijose akujigala mbali pakumtumichila Yehofa
-
Luk 2:39, 41—Yosefe ni Maliya ŵajigalaga ŵanache ŵawo kutyochela ku Nasaleti kwawula nawo ku Yelusalemu kukutenda chisangalalo cha Pasika
-
Ana ni umbone wamtuli wakusapata achinangolo ligongo lyakwajiganya ŵanache ŵawo kumjogopa Yehofa?
Mis 1:8, 9; 22:6
Alolesoni 2Ti 3:14, 15
-
Ngani syakwe m’Baibulo:
-
1Sa 2:18-21, 26; 3:19—Achinangolo ŵa Samuele ŵampeleche mwanache jwawoju kuti akatumichileje ku chitenti cha Mlungu. Achinangoloŵa ŵamjendelaga mnyamataju ndaŵi ni ndaŵi soni kumpa yakusosechela ya paumi mwamti jwakusile nikuŵa jwakulimba mwausimu
-
Luk 2:51, 52—Yesu ŵapikanilaga achinangolo ŵakwe atamose kuti ŵaliji ŵangali umlama
-
Ana achinangolo mpaka apate kwapi malangiso gambone gakwakamuchisya pakwalela ŵanache ŵawo?
De 6:4-9; Aef 6:4; 2Ti 3:14-17
Alolesoni Sal 127:1; Mis 16:3
-
Ngani syakwe m’Baibulo:
-
Ŵak 13:2-8—Panyuma pakusalilidwa kuti ŵamkwakwe chaŵeleche mwanache mwakusimonjesya, Manowa jwaŵendile malangiso gakuti chigamkamuchisye kumlela chenene mwanachejo
-
Sal 78:3-8—Yehofa akusasaka kuti achinangolo ŵajiganyeje ŵanache ŵawo yalijiganyisye m’Baibulo
-
Ligongo chichi mwanache mpaka asagule kuleka kumtumichila Yehofa, atamose yili mkuti akulile mliŵasa lyakumjogopa Mlungu?
Ese 18:1-13, 20
-
Ngani syakwe m’Baibulo:
-
Gen 6:1-5; Yud 6—Malayika gejinji gasagwile kumjimuchila Mlungu atamose kuti gatemi ni jwalakwe kwa yaka yejinji kwinani
-
1Sa 8:1-3—Atamose kuti Samuele jwaliji jwakulochesya jwachilungamo soni jwakulupichika, nambo ŵanache ŵakwe ŵasagwile kuŵa ŵangakulupichika
-
Ana ni ndaŵi japi jele achinangolo akusosekwa kutanda kwajiganya ŵanache ŵawo yakwamba Mlungu?
-
Ngani syakwe m’Baibulo:
-
De 29:10-12, 29; 31:12; Esa 10:1—Pamisongano ja Chiklistu, ŵanache akusosekwasoni asimanikwejepo kuti alijiganyeje yakwamba Yehofa
-
Luk 2:41-52—Chaka chilichose Yosefe ni Maliya ŵajigalaga ŵanache ŵawo kupwatikapo Yesu ku chisangalalo cha Pasika ku nyumba ja Mlungu ku Yelusalemu
-
Ana ni yisyasyo yapi yele achinangolo akusosekwa kuya pangani jakwachenjela ŵanache ŵawo ku yindu yampaka yajonanje?
-
Ngani syakwe m’Baibulo:
-
Eks 19:4; De 32:11, 12—Yehofa akulilandanichisya ni chimbanga chakolanjidwa kuti ngwasi, chachikusanyakula, kuchenjela, soni kusamalila ŵanache ŵakwe
-
Yes 49:15—Yehofa akusasala kuti akusiŵasamalila soni kwachenjela ŵakutumichila ŵakwe kupunda mwakusatendela nangolo pakumsamalila mwanache jwakwe mwachinonyelo
-
Mat 2:1-16—Satana jwalinjilelinjile kuti amwulaje Yesu ali mwanache mwakwalongolela ŵakulupilila ndondwa kuti ajawule kwa mwenye jwakusakala jujwaliji Helodi, nambo Yehofa ŵamchenjele Mwanache jwakwe mwakumsalila Yosefe kuti atilile ni liŵasa lyakwe ku Iguputo
-
Mat 23:37—Yesu jwalandenye kusachilila kwakwe kwachenjela ŵandu ŵakwe mpela mwajikusatendela nguku jekongwe pakutusonganganya soni kutuchenjela tuŵanache twakwe ni mapapiko gakwe
-
Ligongo chichi achinangolo akusosekwa kwajiganya ŵanache ŵawo ngani syakwamba yagonana?
-
Ngani syakwe m’Baibulo:
-
Le 15:2, 3, 16, 18, 19; De 31:10-13—Chilamusi cha Mose chasalaga mwangapita mumbali ngani syakwamba yagonana mwamti Yehofa ŵalamwile kuti ŵanache asimanikwejepo pasikuŵalanjidwa nganisi
-
Sal 139:13-16—Jwamasalimo Daudi jwamyamichile Yehofa ligongo lya yaŵatite pakumpanganya mundu soni kumpa machili gakuti aŵelecheje ŵanache
-
Mis 2:10-15—Kumanyilila yindu soni lunda lwakutyochela kwa Yehofa mpaka yitukamuchisye soni kutuchenjela kwa ŵandu ŵakusakala
-
Ligongo chichi achinangolo akusosekwa kwajamuka ŵanache ŵawo mwachinonyelo?
Mis 13:24; 29:17; Yel 30:11; Aef 6:4
Alolesoni Sal 25:8; 145:9; Akl 3:21
-
Ngani syakwe m’Baibulo:
-
Sal 32:1-5—Atamose kuti Mwenye Daudi ŵapochele chilango kutyochela kwa Yehofa, nambo jwalakwe mtima wakwe watemi mmalo pajwamanyilile kuti Yehofa akusamkululuchila mundu jwagalawiche mtima yisyesyene
-
Yon 4:1-11—Jwakulochesya Yona jwaŵechete mwakupya mtima soni mwangali ulemu kwa Yehofa, nambope Yehofa mwakuwusimana mtima ŵamjiganyisye jwalakwe ya ndamo ja chanasa
-
Ligongo chichi chamuko lili litala lyakulochesya chinonyelo?
Mis 3:11, 12; 13:24
Alolesoni Mis 15:32; Chw 3:19
You May Also Like
AJIMUCHE!
Chisyasyo Chambone Chikusakamuchisya Maŵasa Kuŵa Gakusangalala
Naga akusasaka kuti yakusaŵecheta kwa ŵanache ŵawo yayicheje pamtima, yikusosekwa kuti yiŵeje yakamulana ni chisyasyo chawo.
