Àpẹẹrẹ inú Bíbélì:

• Jẹ 33:4, 5—Jékọ́bù gbà pé ẹ̀bùn pàtàkì làwọn ọmọ tí Jèhófà fún òun

• Ẹk 1:15, 16, 22; 2:1-4; 6:20—Ámúrámù àti Jókébédì ni bàbá àti ìyá Mósè, àwọn méjèèjì múra tán láti kú torí kí wọ́n lè dáàbò bo ọmọ wọn

Àpẹẹrẹ inú Bíbélì:

• 1Sa 1:1-4—Ẹlikénà máa ń kó gbogbo ìdílé ẹ̀ lọ síbi àjọyọ̀ tí wọ́n ń ṣe ní Ṣílò, ó sì máa ń rí i pé gbogbo àwọn ọmọ òun ló ń kópa nínú ìjọsìn Jèhófà níbẹ̀

• Lk 2:39, 41—Jósẹ́fù àti Màríà sábà máa ń rìnrìn àjò lọ sí Jerúsálẹ́mù kí wọ́n lè lọ ṣe àjọyọ̀ Ìrékọjá, wọ́n sì máa ń mú àwọn ọmọ wọn dání

Àpẹẹrẹ inú Bíbélì:

• 1Sa 2:18-21, 26; 3:19—Àwọn òbí Sámúẹ́lì mú un lọ sí àgọ́ ìjọsìn kó lè máa ṣiṣẹ́ sin Jèhófà níbẹ̀, àmọ́ wọ́n máa ń bẹ̀ ẹ́ wò déédéé kí wọ́n lè pèsè àwọn nǹkan tó nílò fún un. Nígbà tọ́mọ náà wá dàgbà, ó nífẹ̀ẹ́ Jèhófà

• Lk 2:51, 52—Jésù ń gbọ́ràn sáwọn òbí ẹ̀ lẹ́nu, bó tiẹ̀ jẹ́ pé aláìpé ni wọ́n

Àpẹẹrẹ inú Bíbélì:

• Ond 13:2-8—Lẹ́yìn tí áńgẹ́lì kan sọ fún Mánóà pé Jèhófà máa mú kí ìyàwó ẹ̀ bí ọmọkùnrin kan, Mánóà bẹ Jèhófà pé kó jẹ́ káwọn mọ bí wọ́n ṣe máa tọ́ ọmọ náà

• Sm 78:3-8—Jèhófà fẹ́ káwọn òbí máa kọ́ àwọn ọmọ wọn láwọn nǹkan táwọn fúnra wọn ti kọ́ látinú Bíbélì

 Àpẹẹrẹ inú Bíbélì:

• Jẹ 6:1-5; Jud 6—Àìmọye ọdún làwọn áńgẹ́lì fi wà pẹ̀lú Jèhófà lọ́run, síbẹ̀ ọ̀pọ̀ lára wọn yàn láti ṣọ̀tẹ̀ sí i

• 1Sa 8:1-3—Bó tiẹ̀ jẹ́ pé adúróṣinṣin àti olódodo ni wòlíì Sámúẹ́lì, àwọn ọmọ ẹ̀ ya aláìṣòótọ́, wọ́n sì ń hùwà ìbàjẹ́

Àpẹẹrẹ inú Bíbélì:

• Di 29:10-12, 29; 31:12; Ẹsr 10:1—Táwọn ọmọ Ísírẹ́lì bá kóra jọ láti jọ́sìn, wọ́n máa ń mú àwọn ọmọ wọn dání káwọn náà lè kẹ́kọ̀ọ́

• Lk 2:41-52—Jósẹ́fù àti Màríà sábà máa ń rìnrìn àjò lọ sí Jerúsálẹ́mù kí wọ́n lè lọ ṣe àjọyọ̀ Ìrékọjá, wọ́n sì máa ń mú Jésù àtàwọn àbúrò ẹ̀ dání

Àpẹẹrẹ inú Bíbélì:

• Sm 32:1-5—Òótọ́ ni pé Dáfídì jìyà ohun tó ṣe nígbà tó dẹ́ṣẹ̀, síbẹ̀ ara tù ú nígbà tó mọ̀ pé Jèhófà máa ń dárí ji àwọn tó bá ronú pìwà dà tọkàntọkàn

• Jon 4:1-11—Wòlíì Jónà fìbínú sọ̀rọ̀ sí Jèhófà, síbẹ̀ Jèhófà fi sùúrù kọ́ ọ lẹ́kọ̀ọ́ nípa àánú