Falinque nütram Biblia mu:

• 1Re 19:1-18. Inantucungelu Elías llellipufi ta Jehová com piuque mu, feimu yafültucungei.

• Hch 7:9-15. José tañi pu peñi caiñetueyu, huelu Chau Jehová quisucünulafi, montulfi ca adniefi ñi montulafiel com tañi pu che.

Falinque nütram Biblia mu:

• 2Re 18:17-35. Asiria ñi lonco ülmen niei quiñe huerquen, rabsaqué pingei, quisu huesa dungufi ta Chau Jehová ca ayentufi tati pu che Jerusalén mu.

• Lu 22:63-65; 23:35-37. Jesús presulelu ca pültrülelu orcon mamüll meu, tañi pu caiñe lucatueyu ca ayentueyu.

Falinque nütram Biblia mu:

• Hch 7:57–8:1. Fentren che trahuluhui ñi langümafiel Esteban. Epe lalu, ngillatufi ta Chau Dios ñi cutranpiuqueyeafiel engün. Feiti troquiñche meu mülefui Saulo.

• Hch 16:22-34. Pablo hulelcangei ca trapelcünungei, huelu cüme femfi ti soltaucülelu carcel meu. Feimu ti huentru ca com tañi pu che poyefingün ta Chau Dios.

Falinque nütram Biblia mu:

• 2Cr 32:1-22. Quiñe nehuen-ngechi lonco ülmen caiñetufi ta Ezequías, huelu quisu recüluhui Chau Jehová mu ca yafültucufi tañi pu che. Tañi feyentun mu cümelcangei.

• Heb 12:1-3. Jesús tañi pu caiñe cüpa yehuelcaeyu, huelu quisu eluulai ñi huesa duamal.

Falinque nütram Biblia mu:

• Job 1:6-22; 2:1-10. Job rupalu huesaque dungu mu ca quimnolu Huecüfü ñi femmequeteu, turpu culpantuculafi ta Chau Dios. Femngechi püramyefi ta Chau Dios ca pengeli ñi coilatufengen Huecüfü.

•  Da 1:6, 7; 3:8-30. Hananías, Misael ca Azarías (Sadrac, Mesac ca Abednego) püntütripalaingün Chau Jehová mu, eluucülefuingün ñi cutrancahun mu langümngeal. Tañi femün mu engün, ti lonco ülmen Nabucodonosor poyequefui rume coilaque dios, püramyefi ta Chau Jehová caquelu che ñi adquiñ meu.

Falinque nütram Biblia mu:

• Hch 11:19-21. Tañi inantucungen mu pu cristiano fillque mapu mu puhuingün, fei üye mu amuldunguingün.

• Flp 1:12, 13. Pablo tañi presuntucungen mu doi fentren che quimürpui ti cümeque dungu. Pablo quimlu, müna ayühui.

Falinque nütram Biblia mu:

• Hch 19:24-29. Éfeso huaria meu deumangequefui pichique adentun ñi poyengeal ti diosa Ártemis. Pu cristiano quimeltuqueingün ñi cümenon tüfa, feimu caiñetungeingün.

• Gál 1:13, 14. Petu ñi cristianongenon Saulo, pingequefui ta Pablo. Com piuque mu conquefui pu judio ñi feyentun meu, feimu inantucuquefui pu cristiano.