Halimbawa sa Bibliya:

• 1Ha 19:​1-18—Kan pinepersegir, udok sa pusong namibi si propeta Elias ki Jehova asin nag-ako siya nin pampakusog asin pagranga

• Gi 7:​9-15—Pinersegir si Jose kan saiyang mga tugang, pero dai siya pinabayaan ni Jehova, ilinigtas siya, asin ginamit para iligtas an saiyang pamilya

Halimbawa sa Bibliya:

• 2Ha 18:​17-35—An tagapagtaram kan hadi kan Asiria, an Rabsake, ininsulto si Jehova asin tinuya an mga taga Jerusalem

• Lu 22:​63-65; 23:​35-37—Ininsulto asin tinuya si Jesus kan mga nagpepersegir saiya mantang binabantayan siya kan mga ini asin mantang nakapako siya sa hariging pasakitan

Halimbawa sa Bibliya:

• Gi 7:57–8:1—Dawa magagadan na huli sa pag-atake kan sururog na grupo nin mga tawo, hinagad sa Diyos kan disipulong si Esteban na patawadon an mga nagpepersegir sa saiya, kaiba na si Saulo na taga Tarso

• Gi 16:​22-34—Dawa binugbog si apostol Pablo asin ibinugtak sa pandog, nagpahiling siya nin kabuutan sa guwardiya sa presuhan kaya dahil diyan nagin Kristiyano an guwardiya pati na an bilog niyang pamilya

Halimbawa sa Bibliya:

• 2Cr 32:​1-22—Kan mapaatubang sa huma nin pag-atake kan makusog na hukbo ni Hading Senakerib, an maimbod na si Hading Hezekias nagtiwala ki Jehova asin pinakusog niya an banwaan; binalusan nanggad siya

• Heb 12:​1-3—Pinurbaran kan mga nagkokontra na ipasupog si Jesus, pero dai niya inintindi an kasusupgan, asin dai niya tinugutan na paluyahon siya kaiyan

Halimbawa sa Bibliya:

• Job 1:​6-22; 2:​1-10—Dawa dai aram ni Job na si Satanas an dahilan kan grabeng pagbalo saiya, nagdanay siyang maimbod ki Jehova, kaya napatunayan niya na putikon si Satanas asin natawan niya nin onra si Jehova

• Da 1:​6, 7; 3:​8-30—Andam an mga maimbod na si Hananias, Misael, asin Azarias (Sadrac, Mesac, asin Abednego) na atubangon an makatatakot na kagadanan kisa suwayon si Jehova; bilang resulta, pinamuraway si Jehova kan paganong hading si Nabucodonosor sa atubangan nin mga tawo

Halimbawa sa Bibliya:

• Gi 11:​19-21—An mga Kristiyano na nagkasuruway-suway huli sa persekusyon padagos na ibinalangibog an maugmang bareta sa dakul na lugar

• Flp 1:​12, 13—Ugmahon si apostol Pablo na an pagkapreso niya nagin sarong oportunidad lugod para maglakop an maugmang bareta

Halimbawa sa Bibliya:

• Gi 19:​24-29—Sa Efeso, inisip kan mga paragibo nin mga surusantuwaryo ni Artemis na sarong huma sa negosyo ninda an mensahe kan mga Kristiyano laban sa idolatriya, kaya pinersegir ninda an mga Kristiyano

• Ga 1:​13, 14—Bago nagin Kristiyano si Pablo (Saulo), maiguton siya sa Judaismo, kaya pinersegir niya an kongregasyon