Ukpokpo
Vbọzẹ nọ na khẹke ne Ivbi Otu e Kristi rẹn wẹẹ, ẹ i mwẹ a ma zẹ iran kpokpo?
Vbe a ghaa zẹ ima kpokpo, vbọzẹ nọ na khẹke ne ima gualọ iyobọ vbe obọ e Jehova?
Psm 55:22; 2 Kọr 12:9, 10; 2 Tim 4:16-18; Hib 13:6
-
Igiemwi ni rre Baibol ni gha sẹtin ru iyobọ nuẹn:
-
1 Ọba 19:1-18—Vbe ẹghẹ na na gha zẹ akhasẹ ighẹ Ẹlaija kpokpo, ọ keghi fannọ otọ ẹko ẹre ma e Jehova vbe erhunmwu; e Jehova keghi rhie ifuẹko kevbe igiọdu nẹẹn
-
Iwinna 7:9-15—Etiẹn e Josẹf kegha zẹ e Josẹf kpokpo, sokpan, e Jehova ma fi iyeke gbe ẹre, ọ keghi ru iyobọ nẹẹn, ọ na vbe loo ẹre ya miẹn ẹgbẹe ọre fan
-
De odẹ eso na ya zẹ ima kpokpo?
A sẹtin ya unu kpamisikan ku ima
2 Krọ 36:16; Mat 5:11; Iwinna 19:9; 1 Pit 4:4
-
Igiemwi ni rre Baibol ni gha sẹtin ru iyobọ nuẹn:
-
2 Ọba 18:17-35—E Rabsiaka nọ ghaa re ọmunu ọghe ọba ọghe Asiria kegha kpamisikan ku e Jehova, ọ na vbe gha zaan emwa ni rre Jerusalẹm
-
Luk 22:63-65; 23:35-37—Vbe ẹghẹ ne eghian ya mu e Jesu kevbe ẹghẹ nọ ya gha rre uhunmwu erhan irrioya, iran na gha rhovbiẹ ọre, iran na vbe gha yae gbogiẹ
-
Ẹgbẹe sẹtin gha gbe ima odan
A sẹtin mu ima khui, a sẹtin vbe wẹẹ, ne ima do zẹ enunu ima vbe odaro avbe arriọba
Emwa sẹtin ya ugbemwẹ yan ima
Ẹbu emwa ni gbe olighi sẹtin mu okhọn rre
A sẹtin vbe do ima izigha
De emwi nọ khẹke ne Ivbi Otu e Kristi ru, vbe a ghaa zẹ iran kpokpo?
Mat 5:44; Iwinna 16:25; 1 Kọr 4:12, 13; 1 Pit 2:23
-
Igiemwi ni rre Baibol ni gha sẹtin ru iyobọ nuẹn:
-
Iwinna 7:57–8:1—Vbe ẹghẹ ne ẹbu emwa ya gha filo okuta gbe Stivin ne iran gbe ẹre rua, e Stivin keghi rinmwian Osanobua nọ tohan emwa ni zẹ irẹn kpokpo; ọkpa vbe iran na kegha re Sọl nọ ke Tasọs rre
-
Iwinna 16:22-34—Agharhemiẹn wẹẹ, a ya ugbemwẹ yan ukọ e Pọl kevbe wẹẹ, a vbe gbalọ ọre owẹ mu ike erhan nọkhua, e Pọl na ye ya obọ esi mu eseghan nọ rre evba; ọna keghi ya eseghan nii kevbe igiowa ẹre khian emwa iyayi
-
De emwi nọ sunu daa etẹn eso ni ghaa rrọọ vbe ẹghẹ ọghe avbe ukọ?
De aro nọ khẹke ne ima ya gha ghee ukpokpo?
A ghaa zẹ ima kpokpo, de vbene avbe afiangbe ne ima ya aro yi ya ru iyobọ ne ima hẹ?
Vbe ya ghee Fil 3:8, 10, 11; Arhie 2:10
Adeghẹ emwa na gha zẹ ima kpokpo, vbọzẹ ne ima i na gi ekhue ra ohan mu ima? Vbọzẹ ne ima i na vbe kue ne ọni gbe ima orhiọn mu otọ, ra nọ ya ima sẹ e Jehova rae?
Psm 56:1-4; Iwinna 4:18-20; 2 Tim 1:8, 12
-
Igiemwi ni rre Baibol ni gha sẹtin ru iyobọ nuẹn:
-
2 Krọ 32:1-22—Vbe ẹghẹ ne Ọba e Sẹnakẹrib kevbe ọkhọngborrie ivbiyokuo ẹre ya mu okuo rre, Ọba e Hẹzẹkaia keghi mu ẹtin yan e Jehova, ọ na vbe gha rhie igiọdu ne emwa rẹn; e Jehova keghi fiangbe ẹre yọ
-
Hib 12:1-3—Avbe eghian ni ghaa zẹ e Jesu kpokpo kegha hoo ne iran ru e Jesu emwi oya, sokpan, Jesu na rhie ekhue hin aro rre, ọ ma gi ọni gbe ẹre orhiọn mu otọ
-
Adeghẹ a na gha zẹ ima kpokpo, de afiangbe eso na gha sẹtin miẹn vbọ?
Ọ keghi ya ẹko rhiẹnrhiẹn e Jehova vbe ima ghaa zin egbe edanmwẹ, erriọ ẹre ọ vbe ya rhie uyi ye eni ẹnrẹn
-
Igiemwi ni rre Baibol ni gha sẹtin ru iyobọ nuẹn:
-
Job 1:6-22; 2:1-10—Agharhemiẹn wẹẹ, e Job ma rẹn wẹẹ, Setan ẹre ọ si ọlọghọmwa hia ne irẹn ghaa la gberra, e Job ma fi iyeke gbe Jehova; ọna keghi rhie uyi gie Jehova, ọ na vbe rhie ẹre ma wẹẹ, ọhọnhoghe ẹre Setan khin
-
Dan 1:6, 7; 3:8-30—E Hananaia, Misiẹl, kevbe Azaraia (ọni ọre Siedrak, Misiak, kevbe Abẹdnigo) keghi mu egbe ne iran ya wu vbe uwu ogidi erhẹn, ne iran gha te ya he ẹmwẹ ye Jehova obọ; rhunmwuda ọna, Ọba e Nebukiadneza nọ ghaa re ọmwa igẹbọ, keghi rhie urhomwẹ gie Jehova sirra emwa
-
A ghaa zẹ ima kpokpo, ẹkpotọ sẹtin kie ne emwa nibun ya do rẹn vbekpa e Jehova
Luk 21:12, 13; Iwinna 8:1, 4
-
Igiemwi ni rre Baibol ni gha sẹtin ru iyobọ nuẹn:
-
Iwinna 11:19-21—Ukpokpo keghi ya Ivbi Otu e Kristi lẹẹ gha rrie ehe ughughan, erriọ ẹre iyẹn nọ maan ghi ya gha vẹwae khian
-
Fil 1:12, 13—Ukọ e Pọl kegha ghọghọ wẹẹ, na na mu irẹn ye eghan keghi kie ẹkpotọ ne emwa nibun ya họn iyẹn nọ maan
-
Ma ghaa zin egbe ukpokpo, ọ gha sẹtin rhie igiọdu ne etẹn ne ima gba ga
De vbene avbe ọkaolotu ugamwẹ kevbe iran ni rre ukpo ọdakha ya hie erhẹn yọ vbe iyeke, na mieke na gha zẹ eguọmwadia e Jehova kpokpo?
Jer 26:11; Mak 3:6; Jọn 11:47, 48, 53; Iwinna 25:1-3
-
Igiemwi ni rre Baibol ni gha sẹtin ru iyobọ nuẹn:
-
Iwinna 19:24-29—Emwa ni ghaa manọ aro ẹbọ ọghe Atẹmis vbe Ẹfisọs kegha ghee ẹre wẹẹ, te Ivbi Otu e Kristi do mu ẹki iran rhia, rhunmwuda ne iran na gha ma emwa ẹre wẹẹ, ne iran lẹẹ ne igẹbọ; rhunmwuda ọni, iran na suẹn gha zẹ Ivbi Otu e Kristi kpokpo
-
Gal 1:13, 14—A te miẹn wẹẹ e Pọl (Sọl) khian Ovbi Otu e Kristi, ọ keghi mu ugamwẹ ọghe Ivbi e Ju yan uhunmwu, rhunmwuda ọni, ọ kegha zẹ Ivbi Otu e Kristi kpokpo
-
De ọmwa nọ si ẹre na na zẹ eguọmwadia e Jehova kpokpo?
You May Also Like
IRUẸMWI NI RRE UWU E BAIBOL
Iran Ma Gbe Uhunmwu Kotọ
Siẹdrak, Mesiak kevbe Abẹdnigo wẹẹ iran i khian gbe uhunmwu kotọ rre ne amazẹ igoru ọghe Nebukiadnẹza.
IRUẸMWI NI RRE UWU E BAIBOL
Odibo Ọghe Jehova Keghi Gbogba Ga E Hẹzekaia
Avbe eghian ọghe Juda keghi kha wẹẹ e Jehova i khian sẹtin gbogba ga emwa rẹn, sokpan ohoghe ẹre iran tae!
IRUẸMWI NI RRE UWU E BAIBOL
Eseghan Keghi Khian Ovbiotu E Kristi
De vbene orhiọn dan, ugbohiotọ kevbe agbada ya dekaan okha na hẹ?
NỌ DEKAAN IMA
Tama Ima Ne Ima Do Gu Ruẹ Gha Ruẹ E Baibol Vbe Ọghe Ọhẹ
Gha ruẹ e Baibol vbe ẹghẹ kevbe ehe nọ gha yẹẹ ruẹ.
