Ukpokpoma
Fikieme Ileleikristi a re ro rẹro nọ a ti kpokpo ai?
Nọ a te bi kpokpo omai, fikieme ma rẹ rọ lẹ se Jihova re o fiobọhọ kẹ omai?
Ol 55:22; 2Kọ 12:9, 10; 2Ti 4:16-18; Hib 13:6
-
Iriruo Ebaibol nọ e sai fiobọhọ kẹ owhẹ:
-
1Iv 19:1-18—Evaọ okenọ a je kpokpo Elaejah ọruẹaro na, o horie eva riẹ kẹ Jihova, ọ tẹ tuduhọ iẹe awọ jẹ sasa iẹe oma
-
Iru 7:9-15—Inievo Josẹf a je kpokpo iei, rekọ Jihova ọ nyasiọ iẹe ba ha, o siwi rie. Ọ tẹ jẹ rọ Josẹf siwi ahwo uviuwou riẹ
-
Idhere jọ vẹ a sai ro kpokpo omai?
A sae la omai eka hayo se omai ẹkoko
2Ir 36:16; Mt 5:11; Iru 19:9; 1Pi 4:4
-
Iriruo Ebaibol nọ e sai fiobọhọ kẹ owhẹ:
-
2Iv 18:17-35—Rabshakẹ nọ ọ jọ ọtota ovie Asiria ọ jẹ la Jihova eka, ọ tẹ jẹ poviẹ ahwo Jerusalẹm
-
Luk 22:63-65; 23:35-37—Ahwo nọ a je kpokpo Jesu a jẹ lae eka je sei ẹkoko evaọ okenọ a mu ei gbe okenọ a tehe iẹe fihọ ure-oja na
-
Ahwo uviuwou mai a sai kpokpo omai
A sai mu omai jẹ rehọ omai ziọ aro ahwo egọmeti
A sai kpe omai ukpe igbabọ
Otu ugbarugba a sae wọ ohọre bru omai ze
A sai kpe omai no
Eme Ileleikristi a re ru nọ a te bi kpokpo ai?
Mt 5:44; Iru 16:25; 1Kọ 4:12, 13; 1Pi 2:23
-
Iriruo Ebaibol nọ e sai fiobọhọ kẹ owhẹ:
-
Iru 7:57–8:1—Dede nọ Stivin nọ ọ jọ olele Jesu o te uwhu no evaọ okenọ ahwo ugbarugba a jẹ rọ itho fi ei, ọ lẹ se Ọghẹnẹ re ọ re ohrọ ewegrẹ riẹ na, yọ Sọl ohwo Tasọs na ọ jọ usu rai
-
Iru 16:22-34—O make rọnọ a kpe Pọl jẹ kare awọ riẹ fihọ ewẹ-ekpala ekarọ, o dhesẹ uwowou kẹ oriekarọ na, yọ onana u ru nọ oriekarọ na avọ uviuwou riẹ soso a ro kurẹriẹ
-
Eme ọ via kẹ Ileleikristi ikpe-udhusoi ọsosuọ jọ?
Ẹvẹ u fo nọ ma re rri ukpokpoma?
Nọ a te bi kpokpo omai, ẹvẹ ẹruore nọ ma wo kpahe obaro na ọ sae rọ bọ omai ga?
Nọ a te bi kpokpo omai, fikieme ma gbẹ kuvẹ hẹ re oma o vuọ omai hayo re ozọ u mu omai hayo re oma o lọhọ omai? Kọ fikieme ma gbẹ rọ siọ Jihova ba ẹgọ họ?
Ol 56:1-4; Iru 4:18-20; 2Ti 1:8, 12
-
Iriruo Ebaibol nọ e sai fiobọhọ kẹ owhẹ:
-
2Ir 32:1-22—Okenọ Senakẹrib ovie na ọ rehọ egbaẹmo buobu ze te họre Jerusalẹm, Hẹzikaya ovie na o fievahọ Jihova jẹ bọ ahwo na ga, yọ Jihova ọ ghale riẹ gaga fiki onana
-
Hib 12:1-3—Ewegrẹ a jẹ gwọlọ ru oma vuọ Jesu, rekọ ọ daezọ omovuọ họ, yọ ọ kuvẹ vievie he re oyena u ru oma lọhọ iẹe no
-
Ewoma vẹ ọ rẹ sai no ukpokpoma ze?
Nọ ma te thihakọ odawọ, u re ru eva were Jihova jẹ wha orro se odẹ riẹ
-
Iriruo Ebaibol nọ e sai fiobọhọ kẹ owhẹ:
-
Job 1:6-22; 2:1-10—O make rọnọ Job ọ riẹ nọ Setan họ ọnọ ọ be wha ebẹbẹ riẹ ze he, ọ rọwo kiukeku Jihova ha, ọ tẹ rọ ere wha orro se Jihova je dhesẹ Setan fihọ ọtọrue
-
Da 1:6, 7; 3:8-30—Hananaya, Mishẹl, gbe Azaraya (nọ a re je se Shedrak, Mishak, gbe Abẹdnigo) a rọwo nọ a re whu uwhu oja viukpenọ a rẹ ghẹmeeyo kẹ Jihova. Onana u ru nọ Nebukadneza ovie na nọ ọ jọ ọgẹdhọ o ro jiri Jihova evaọ iraro ahwo kpobi
-
Ukpokpoma o sai rovie uvẹ fihọ nọ ma rẹ rọ vuẹ amọfa kpahe Jihova
-
Iriruo Ebaibol nọ e sai fiobọhọ kẹ owhẹ:
-
Iru 11:19-21—Ileleikristi nọ e vahabọ fiki ukpokpoma a gbẹ jẹ ta usi uwoma na evaọ obonọ a dhẹ kpohọ kpobi
-
Fil 1:12, 13—Eva e were Pọl ukọ na inọ uwou-odi nọ a fi rie họ u rovie uvẹ fihọ nọ ahwo buobu a ro yo usi uwoma na
-
Ma te thihakọ evaọ okenọ a te bi kpokpo omai, o sae bọ amọfa nọ ma gbẹ be gọ Ọghẹnẹ ga
Amono họ ahwo nọ a be mae whae ze nọ a bi ro kpokpo Isẹri Jihova?
Jer 26:11; Mak 3:6; Jọ 11:47, 48, 53; Iru 25:1-3
-
Iriruo Ebaibol nọ e sai fiobọhọ kẹ owhẹ:
-
Iru 19:24-29—Ahwo nọ a jẹ hai ru imiwou ẹdhọ Atẹmis evaọ Ẹfisọs a rri rie nọ usi uwoma nọ Ileleikristi a jẹ ta inọ ẹdhọgọ o woma ha ọ te raha eki ku ae, fikiere a te mu Ileleikristi na họ ekpokpo
-
Gal 1:13, 14—Taure Pọl (nọ a je se Sọl vẹre) o te ti kurẹriẹ zihe ruọ Oleleikristi, ajọwha nọ o wo kẹ egagọ ahwo Ju u ru nọ o je ro kpokpo Ileleikristi
-
Ono ọ be whae ze nọ a bi ro kpokpo Isẹri Jihova?