Ngewa syĩ Mbivilianĩ itonya kũũtethya:

• 1Asu 19:​1-18—Yĩla mwathani Eliya wathĩnawʼa, nĩwamũtulũĩle Yeova ngoo yake, na Yeova amũlũlũmĩĩlya na amũkiakisya

• Mek 7:​9-15—Yosevu nĩwathĩniwʼe nĩ ana-a-inyia, ĩndĩ Yeova nĩwaendeeie kwĩthĩwa e mũĩkĩĩku kwake, amwovosya, na ĩtina esa kũmũtũmĩa kwovosya mũsyĩ woo

Ngewa syĩ Mbivilianĩ itonya kũũtethya:

• 2Asu 18:​17-35—Lavisake, ũla waneenaa kwondũ wa mũsumbĩ wa Asuli nĩwamũumie Yeova na aneenea naĩ andũ make ala mekalaa Yelusaleme

• Luk 22:​63-65; 23:​35-37—Andũ ala mamũthĩnasya Yesũ nĩmamũumie na mamũthekeea yĩla wakwatiwe na e mũtĩnĩ wa mathĩna

Ngewa syĩ Mbivilianĩ itonya kũũtethya:

• Mek 7:57–8:1—Sitivini atanamba kũawa nĩ nguthu ya andũ yathatĩte, nĩwamũkũlilye Ngai amewʼĩe tei andũ asu mamũthĩnasya, na ũmwe woo aĩ Saulo wa Taliso

• Mek 16:​22-34—O na kau mũtũmwa Vaulo nĩwakũniwe na ooveewa maaũ make katĩ wa mbwaũ ilĩ ngito, nĩwamwonisye ũseo mũsikalĩ wa yela, na kĩu kyatuma mũndũũme ũsu na andũ onthe ma mũsyĩ wake matwĩka etĩkĩli

Ngewa syĩ Mbivilianĩ itonya kũũtethya:

• 2Mav 32:​1-22—Yĩla Mũsumbĩ Senakelivu wavithũkĩie Yelusaleme na nguthu nene ya asikalĩ, Mũsumbĩ Esekia, ũla waĩ mũĩkĩĩku, nĩwamwĩkwatisye Yeova na alũlũmĩĩlya andũ make, na nũndũ wa ũu, nĩwaathimiwe mũno

• Avl 12:​1-3—Ala mathĩnasya Yesũ nĩmendaa kũmwĩkĩĩthya nthoni, ĩndĩ ndaaĩtĩkĩlya ndeto syoo itume atũlĩka ngoo

 Ngewa syĩ Mbivilianĩ itonya kũũtethya:

• Yovu 1:​6-22; 2:​1-10—O na kau Yovu ndeesĩ kana Satani nĩwe wamũetee mathĩna ala waĩ namo, Yovu nĩwalũmanisye na Yeova na kĩu kyatuma ĩsyĩtwa ya Ngai yĩtaĩwa, na oonanyʼa kana Satani nĩ mũkengani

• Nda 1:​6, 7; 3:​8-30—Aanania, Misaeli, na Asalia (Satalaki, Mesaki, na Aveti-neko) maĩ aĩkĩĩku na nĩmatwʼĩte vyũ kũmwĩwʼa Yeova, o na kau kĩu kyesaa kũtuma makwʼa kĩkwʼũ kĩ woo mũno, na ũu nĩwatumie Mũsumbĩ Nevukatilesa ũla wathaithaa ngai sya ũvũngũ amũtaĩa Yeova mbee wa andũ

Ngewa syĩ Mbivilianĩ itonya kũũtethya:

• Mek 11:​19-21—Aklĩsto ala manyaĩĩkie nũndũ wa kũthĩnwʼa nĩmaendeeie kũnyaĩĩkya ũvoo mũseo isionĩ mbingĩ

• Avi 1:​12, 13—Mũtũmwa Vaulo nĩwatanie kũmanya kana andũ aingĩ nĩmeemanyĩisye ũvoo mũseo moona ũndũ woomĩĩisye yĩla waĩ mwove

Ngewa syĩ Mbivilianĩ itonya kũũtethya:

• Mek 19:​24-29—Andũ ala maseũvasya mathembo Eveso kwondũ wa Alitemi, moonaa ũvoo ũla Aklĩsto matavanasya ũtonya kũmanangĩa viasala, na kwoou mambĩĩa kũthĩnyʼa Aklĩsto

• Aka 1:​13, 14—Vaulo (Saulo), ũla waĩ na kĩthito kingĩ ndĩninĩ ya Ayuti, nĩwathĩnisye kĩkundi mũno atanamba kũtwĩka Mũklĩsto