Ngerekano irĩ thĩinĩ wa Bibilia:

• 1Ath 19:​1-18—Rĩrĩa mũnabii Elija aanyariragwo, nĩ aaitũrũrĩire Jehova ngoro yake, na Jehova akĩmwĩkĩra hinya na akĩmũhooreria

• Atũ 7:​9-15—Jusufu nĩ aanyaririrũo nĩ ariũ a ithe ĩndĩ Jehova ndaamũtiganĩirie, nĩ aamũhonokirie na akĩmũhũthĩra kũhonokia famĩlĩ yao

Ngerekano irĩ thĩinĩ wa Bibilia:

• 2Ath 18:​17-35—Rabishake, ũrĩa watũmĩtwo nĩ Mũthamaki wa Ashuri, nĩ aarumire Jehova na akĩnyũrũria andũ a Jerusalemu

• Lu 22:​63-65; 23:​35-37—Andũ arĩa maanyariraga Jesu nĩ maamũrumire na makĩmũnyũrũria rĩrĩa aanyitirũo na rĩrĩa aarĩ mũtĩ-inĩ wa kũnyarirĩrũo

Ngerekano irĩ thĩinĩ wa Bibilia:

• Atũ 7:57–8:1—Thutha wa Stefano gũtharĩkĩrũo nĩ mũingĩ, arĩ hakuhĩ gũkua nĩ aahoire Ngai ohere andũ arĩa maamũnyariraga, na ũmwe wao aarĩ Saulu wa kuuma Tariso

• Atũ 16:​22-34—O na gũtuĩka mũtũmwo Paulo nĩ aahũũrĩtwo na akohererũo ndungu-inĩ, nĩ oonirie mũrangĩri wa njera tha, ũndũ ũrĩa watũmire mũrangĩri ũcio na nyũmba yake yothe matuĩke etĩkia

Ngerekano irĩ thĩinĩ wa Bibilia:

• 2Ma 32:​1-22—Rĩrĩa Mũthamaki Hezekia ookĩrĩirũo nĩ mbũtũ nene ya Mũthamaki Senakeribu, nĩ eehokire Jehova na agĩkĩra andũ hinya, nake akĩrathimwo

• Ahi 12:​1-3—Arĩa maanyariraga Jesu nĩ maageririe kũmũconorithia, no we ndaamakirio nĩ gũconorithio na ndaarekire ũndũ ũcio ũmũũrage ngoro

Ngerekano irĩ thĩinĩ wa Bibilia:

• Ayu 1:​6-22; 2:​1-10—O na gũtuĩka Ayubu ndaamenyaga atĩ Shaitani nĩwe wamũnyariraga, nĩ aathiire na mbere gũkorũo arĩ mwĩhokeku harĩ Jehova, kwoguo akĩgoocithia Jehova na akĩonania atĩ Shaitani nĩ mũheenania

• Da 1:​6, 7; 3:​8-30—Hanania, Mishaeli, na Azaria, (Shadraka, Meshaki, na Abedinego) maathuurire gũkua handũ ha kuuna watho wa Jehova, na ũndũ ũcio ũgĩtũma Mũthamaki Nebukadineza agooce Jehova mbere ya mũingĩ

Ngerekano irĩ thĩinĩ wa Bibilia:

• Atũ 11:​19-21—Akristiano arĩa maahurunjũkĩte nĩ ũndũ wa kũnyarirũo, nĩ maathiire na mbere kũhunjia ũhoro ũrĩa mwega kũndũ kũingĩ

• Afi 1:​12, 13—Mũtũmwo Paulo nĩ aakenaga tondũ kuohwo gwake nĩ gwatũmĩte ũhoro ũrĩa mwega ũthereme

Ngerekano irĩ thĩinĩ wa Bibilia:

• Atũ 19:​24-29—Andũ amwe arĩa maathondekaga mĩhianano itũũra-inĩ rĩa Efeso, nĩ maanyaririre Akristiano tondũ moonaga ta ndũmĩrĩri ya Akristiano acio ĩgũtũma biacara ciao ithũke

• Ga 1:​13, 14—Paulo (Saulu) atanatuĩka Mũkristiano nĩ aanyitĩrĩire ndini ya Kĩyahudi mũno nginya akanyarira Akristiano