Kumanyikwa
Mambo ka bena Kilishitu o bafwainwa kuketekela kumanyikwa?
Mambo ka o twafwainwa kulombanga kwi Yehoba kwitukosesha inge tubena kumanyikwa?
Sl 55:22; 2Ko 12:9, 10; 2Ti 4:16-18; Heb 13:6
-
Mashimikila a mu Baibolo:
-
1Mf 19:1-18—Ngauzhi Elaija byo bamumanyikilenga, walombele kwi Yehoba kufuma panshi ya muchima kabiji Yehoba wamutundaikile ne kumutekenesha
-
By 7:9-15—Yosefwa byo bamumanyikilenga ku bakolojanji, Yehoba watwajijile kwikala wa kishinka kwi aye, wamukwashishe ne kumwingijisha kukwasha kisemi kyanji
-
Mu ñanyi mashinda amo mwafwainwa kwishila kumanyikwa?
Myendeleko
2Mo 36:16; Mat 5:11; By 19:9; 1Pe 4:4
-
Mashimikila a mu Baibolo:
-
2Mf 18:17-35—Labashake waambilangako mfumu wa Asilya waambijile Yehoba mwenga ne kwendeleka bantu baikalanga mu Yelusalema
-
Luk 22:63-65; 23:35-37—Yesu bamwambijile mwenga ne kumwendeleka ku bantu bamumanyikilenga kimye kyo bamukwachile ne kimye kyo ajinga pa kichi kya lumanamo
-
Kumanyikwa kufuma ku ba mu kisemi
Inge betukasa ne kwitutotolwesha kuba mitonyi
Kwitukozha
Kulukukwa ku mabumba a bantu
Lufu
Bena Kilishitu bafwainwa kuba byepi inge babena kwibamanyika?
Mat 5:44; By 16:25; 1Ko 4:12, 13; 1Pe 2:23
-
Mashimikila a mu Baibolo:
-
By 7:57–8:1—Setepena byo bamwipayilenga ku kiombe kya bantu pajinga ne Saulo wa ku Talasusa. Setepena walombele kwi Yehoba kulekelako mambo bantu bamwipayilenga
-
By 16:22-34—Nangwa kya kuba mutumwa Paulo bamupumine ne kumukula maulu mu bikulu, waubijile lusa muota. Akino kyalengejile uno mwanamulume ne kisemi kyanji kyonse kwikala bena Kilishitu
-
Ñanyi bintu byamwekejile bena Kilishitu bamo batanshi?
Twafwainwa kumvwa byepi ku muchima inge babena kwitumanyika?
Kuyuka’mba Lesa ukafumyapo makatazho onse kwafwainwa kwitukosesha byepi inge babena kwitumanyika?
Mambo ka o twafwainwa kubujila kuswisha bantu betumanyika kwitulengela kumvwa bumvu, kwakamwa nangwa kulefulwa? Kabiji mambo ka o tukaina kusankilapo kwingijila Yehoba?
Sl 56:1-4; By 4:18-20; 2Ti 1:8, 12
-
Mashimikila a mu Baibolo:
-
2Mo 32:1-22—Mfumu Senakelibu byo aletele nzhita yabaya ya bashilikale kuba’mba balukuke muzhi wa Yelusalema, mfumu wa kishinka aye Hezekiya waketekejiletu mwi Yehoba ne kukosesha bantu. Kabiji Hezekiya bamupesheshe bingi
-
Heb 12:1-3—Bantu bamanyikilenga Yesu bakebelenga’mba omvwe bumvu. Bino aye wakaine kabiji kechi waswishishe ano makatazho kumulefula nangwa pachechetu ne
-
Ñanyi bintu byawama bifumamo inge babena kwitumanyika?
Inge twachinchika makatazho o tupitamo kutokesha Yehoba ku muchima ne kupana lukumo ku jizhina janji
-
Mashimikila a mu Baibolo:
-
Yob 1:6-22; 2:1-10—Yoba kechi wayukile’mba Satana ye wamumanyikilenga ne. Nangwa byonkabyo, aye watwajijile kwikala wa kishinka kwi Yehoba. Akino kyamwesheshe’mba Satana wa bubela kabiji Yoba watumbijikile Yehoba
-
Da 1:6, 7; 3:8-30—Hananiya, Mishela ne Azaliya (Shadalaka, Meshaka ne Abedenego) basajilepo kwibepaya kukila kubula kukookela Yehoba. Na mambo akino, mfumu Nebukaneza watotele Yehoba pa meso a bantu
-
Kumanyikwa kwakonsha kulengela bantu kufunda pe Yehoba
-
Mashimikila a mu Baibolo:
-
By 11:19-21—Bena Kilishitu bapalañenejilemo batwajijile na kusapwila mambo awama mu mapunzha apusana pusana
-
Fp 1:12, 13—Mutumwa Paulo wasekejile na mambo a kuba’mba kukaswa kwanji kwalengejile mwingilo wa kusapwila mambo awama kukoma
-
Inge twachinchika lumanamo, tukosesha bena Kilishitu bakwetu
Bañanyi javula bamanyika bakalume ba Yehoba?
Ye 26:11; Mak 3:6; Yoa 11:47, 48, 53; By 25:1-3
-
Mashimikila a mu Baibolo:
-
By 19:24-29—Bantu balenganga bankishi mu Efisesa batendekele kumanyika bena Kilishitu na mambo a byo basapwijilenga, mambo balangulukilenga’mba bino byambo bisakwibalengela kuleka kwikala na mali
-
Nga 1:13, 14—Paulo (Saulo) saka akyangye kwikala mwina Kilishitu wanemekele bingi bupopweshi bwa Bayudea. Onkao mambo, wamanyikanga bena Kilishitu
-
Ñanyi mwine umanyika bakalume ba Yehoba?