Mashimikila a mu Baibolo:

• 1Mf 19:1-18—Ngauzhi Elaija byo bamumanyikilenga, walombele kwi Yehoba kufuma panshi ya muchima kabiji Yehoba wamutundaikile ne kumutekenesha

• By 7:9-15—Yosefwa byo bamumanyikilenga ku bakolojanji, Yehoba watwajijile kwikala wa kishinka kwi aye, wamukwashishe ne kumwingijisha kukwasha kisemi kyanji

Mashimikila a mu Baibolo:

• 2Mf 18:17-35—Labashake waambilangako mfumu wa Asilya waambijile Yehoba mwenga ne kwendeleka bantu baikalanga mu Yelusalema

• Luk 22:63-65; 23:35-37—Yesu bamwambijile mwenga ne kumwendeleka ku bantu bamumanyikilenga kimye kyo bamukwachile ne kimye kyo ajinga pa kichi kya lumanamo

Mashimikila a mu Baibolo:

• By 7:57–8:1—Setepena byo bamwipayilenga ku kiombe kya bantu pajinga ne Saulo wa ku Talasusa. Setepena walombele kwi Yehoba kulekelako mambo bantu bamwipayilenga

• By 16:22-34—Nangwa kya kuba mutumwa Paulo bamupumine ne kumukula maulu mu bikulu, waubijile lusa muota. Akino kyalengejile uno mwanamulume ne kisemi kyanji kyonse kwikala bena Kilishitu

Mashimikila a mu Baibolo:

• 2Mo 32:1-22—Mfumu Senakelibu byo aletele nzhita yabaya ya bashilikale kuba’mba balukuke muzhi wa Yelusalema, mfumu wa kishinka aye Hezekiya waketekejiletu mwi Yehoba ne kukosesha bantu. Kabiji Hezekiya bamupesheshe bingi

• Heb 12:1-3—Bantu bamanyikilenga Yesu bakebelenga’mba omvwe bumvu. Bino aye wakaine kabiji kechi waswishishe ano makatazho kumulefula nangwa pachechetu ne

Mashimikila a mu Baibolo:

• Yob 1:6-22; 2:1-10—Yoba kechi wayukile’mba Satana ye wamumanyikilenga ne. Nangwa byonkabyo, aye watwajijile kwikala wa kishinka kwi Yehoba. Akino kyamwesheshe’mba Satana wa bubela kabiji Yoba watumbijikile Yehoba

• Da 1:6, 7; 3:8-30—Hananiya, Mishela ne Azaliya (Shadalaka, Meshaka ne Abedenego) basajilepo kwibepaya kukila kubula kukookela Yehoba. Na mambo akino, mfumu Nebukaneza watotele Yehoba pa meso a bantu

Mashimikila a mu Baibolo:

• By 11:19-21—Bena Kilishitu bapalañenejilemo batwajijile na kusapwila mambo awama mu mapunzha apusana pusana

• Fp 1:12, 13—Mutumwa Paulo wasekejile na mambo a kuba’mba kukaswa kwanji kwalengejile mwingilo wa kusapwila mambo awama kukoma

Mashimikila a mu Baibolo:

• By 19:24-29—Bantu balenganga bankishi mu Efisesa batendekele kumanyika bena Kilishitu na mambo a byo basapwijilenga, mambo balangulukilenga’mba bino byambo bisakwibalengela kuleka kwikala na mali

•  Nga 1:13, 14—Paulo (Saulo) saka akyangye kwikala mwina Kilishitu wanemekele bingi bupopweshi bwa Bayudea. Onkao mambo, wamanyikanga bena Kilishitu