တၢ်အဒိအတဲာ်လၢ လံာ်စီဆှံပူၤ–

• ၁ စီၤပၤ ၁၉:၁-၁၈—ဖဲစီၤအ့ၤလံယၤ တူၢ်ဘၣ်တၢ်မၤအၢမၤနးအခါ အတဲဖျါထီၣ် အတၢ်တူၢ်ဘၣ်လၢ ယဟိဝၤယွၤ အအိၣ်. ဒီးယဟိဝၤယွၤ ဟ့ၣ်ဂံၢ်ဟ့ၣ်ဘါအီၤ ဒီးမၤမုာ်ထီၣ်အသး.

• မၤတၢ် ၇:၉-၁၅—စီၤယိၤသး အကၠီတဖၣ်န့ၣ် မၤအၢမၤနးအီၤ ဘၣ်ဆၣ် ယဟိဝၤယွၤ တီဒီးအီၤ ဒီးမၤပူၤဖျဲးအီၤ. ဒီးယဟိဝၤယွၤ သူဝဲစီၤယိၤသး ဒ်သိး အကမၤပူၤဖျဲး အဟံၣ်ဖိဃီဖိအဂီၢ်.

တၢ်အဒိအတဲာ်လၢ လံာ်စီဆှံပူၤ–

• ၂ စီၤပၤ ၁၈:၁၇-၃၅—ကီၢ်အၤၡူၢ် အစီၤပၤ အပှၤစိာ်စပံးထံအခိၣ်တဂၤ လၢအမ့ၢ် ရၤဘၡါက့ၤန့ၣ် အတဲအၢတဲသီ ယဟိဝၤယွၤအဂ့ၢ် ဒီးတဲဟးဂီၤဝဲ ပှၤယရူၤၡလ့ၣ်ဖိအသး.

• လူၤ ၂၂:၆၃-၆၅; ၂၃:၃၅-၃၇—ဖဲပှၤဖီၣ်ဃာ်ယ့ၣ်ၡူး ဒီးဖဲအအိၣ်လၢ သ့ၣ်တၢၣ်လိၤအခါ ပှၤမၤအၢမၤသီတၢ်တဖၣ်န့ၣ် တဲအၢတဲသီ ယ့ၣ်ၡူးဒီးမၤမဲာ်ဆှးအီၤ.

တၢ်အဒိအတဲာ်လၢ လံာ်စီဆှံပူၤ–

• မၤတၢ် ၇:၅၇–၈:၁—ဖဲပှၤမၤအၢမၤနးဝဲ စီၤစတ့းဖၣ် ဒီးဘူးထီၣ်လၢ စီၤစတ့းဖၣ် ကသံအခါ အဝဲဃ့ကညး ယဟိဝၤယွၤ. အဃ့ဝဲလၢ ယဟိဝၤယွၤ ကပာ်ဖျါထီၣ် တၢ်သးကညီၤလၢ အဝဲသ့ၣ်အဖီခိၣ် ဃုာ်ဒီး စီၤစီလူး လၢအဟဲလၢ ဝ့ၢ်တၢ်စူးတဂၤန့ၣ် အဖီခိၣ်.

• မၤတၢ် ၁၆:၂၂-၃၄—တၢ်မၢဖိပီလူးန့ၣ် ပှၤတီၢ်အီၤ ဒီးပှၤကျီၤတံၢ်ဃာ်အခီၣ်လၢ သ့ၣ်ကျီၤ. ဘၣ်ဆၣ် တၢ်မၢဖိပီလူး ပာ်ဖျါထီၣ် တၢ်သူၣ်ဂ့ၤသးဝါလၢ ပှၤခိးဃိာ်ဖိတဂၤန့ၣ် အဖီခိၣ်အဃိ ပှၤခိးဃိာ်ဖိတဂၤန့ၣ် ဒီးပှၤလၢအအိၣ်ဟံၣ် တဖျၢၣ်ဃီဒီးအီၤ ကိးဂၤဒဲးန့ၣ် အဝဲသ့ၣ်ကဲထီၣ်ပှၤလၢ အစူၢ်က့ၤနာ်က့ၤတၢ်.

တၢ်အဒိအတဲာ်လၢ လံာ်စီဆှံပူၤ–

• ၂ ကွဲး ၃၂:၁-၂၂—ဖဲစီၤပၤစၤနဃ့ရံာ် ဒီးအသုးမုၢ်တဖၣ် ကဟဲဒုးဝဲ ဝ့ၢ်ယရူၤၡလ့ၣ်အခါ စီၤပၤဃံးစကံယၤ လၢအအိၣ်ဒီးတၢ်သးတီန့ၣ် သန့ၤအသးလၢ ယဟိဝၤယွၤ ဒီးဒုးဆူၣ်ထီၣ်ဝဲ ပှၤဂီၢ်မုၢ်တဖၣ်အသး. အဃိ ယဟိဝၤယွၤ ဆိၣ်ဂ့ၤဝဲ စီၤပၤဃံးစကံယၤ ဒိၣ်ဒိၣ်မုၢ်မုၢ်.

• ဧ့ၤ ၁၂:၁-၃—ပှၤလၢအမၤအၢမၤနးတၢ်တဖၣ်န့ၣ် ဂုာ်ကျဲးစၢး မၤမဲာ်ဆှးဝဲ ယ့ၣ်ၡူး. ဘၣ်ဆၣ် ယ့ၣ်ၡူးတပျဲဝဲလၢ တၢ်သ့ၣ်တဖၣ်န့ၣ် ကမၤလီၤစၢ်အသးဘၣ်.

တၢ်အဒိအတဲာ်လၢ လံာ်စီဆှံပူၤ–

• ဘး ၁:၆-၂၂; ၂:၁-၁၀—တၢ်ကီတၢ်ခဲလၢ စီၤယိၤဘး ထံၣ်ဘၣ်ဝဲတဖၣ်အံၤန့ၣ် အတသ့ၣ်ညါဝဲလၢ မုၣ်ကီၤလံၢ် ဒုးအိၣ်ထီၣ်ဝဲဘၣ်. ဘၣ်ဆၣ် စီၤယိၤဘး ဆဲးတီဒီး ယဟိဝၤယွၤအဃိ ယဟိဝၤယွၤ အမံၤဘၣ်တၢ်မၤလၤကပီၤအီၤ ဒီးစီၤယိၤဘး ပာ်ဖျါထီၣ်ဝဲလၢ မုၣ်ကီၤလံၢ် မ့ၢ်ပှၤလၢအလံၣ်တၢ်.

• ဒၤ ၁:၆, ၇; ၃:၈-၃၀—စီၤဃနၤနယၤ, စီၤမံၡအ့လး ဒီး စီၤဧစၤရယၤ (စီၤၡၤဒရး, စီၤမ့ၤၡး ဒီးစီၤဧဘ့ၤဒနကိၤ) လၢအအိၣ်ဒီးတၢ်သးတီန့ၣ် အဝဲသ့ၣ် မ့ၢ်ဘၣ်သံဘၣ်ဆၣ် အပာ်လီၤသးလၢ ကဒိကနၣ် ယဟိဝၤယွၤအကလုၢ်. အဃိ စီၤပၤနဘူၤကးန့စၢ် လၢအတမ့ၢ် ပှၤလၢအဘူၣ်ထီၣ်ဘါထီၣ် ယဟိဝၤယွၤဘၣ်န့ၣ် အမၤလၤကပီၤဝဲ ယဟိဝၤယွၤ လၢပှၤဂီၢ်မုၢ်အမဲာ်ညါ.

တၢ်အဒိအတဲာ်လၢ လံာ်စီဆှံပူၤ–

• မၤတၢ် ၁၁:၁၉-၂၁—ဖဲတၢ်မၤအၢမၤနး အိၣ်ထီၣ်အခါ ခရံာ်ဖိတဖၣ် ဟးအိၣ်ပြံပြါလၢ တၢ်လီၢ်အဂၤအဃိ တၢ်သးခုကစီၣ် ရၤလီၤအသးအါထီၣ်ဝဲ.

• ဖံလံး ၁:၁၂, ၁၃—စီၤပီလူး အိၣ်ဘၣ်လၢဃိာ်ပူၤသနာ်က့ အမၤစၢၤဘၣ် ပှၤဂၤလၢကသ့ၣ်ညါထီၣ် တၢ်မ့ၢ်တၢ်တီအဃိ အသးခုညါ.

တၢ်အဒိအတဲာ်လၢ လံာ်စီဆှံပူၤ–

• မၤတၢ် ၁၉:၂၄-၂၉—လၢအ့းဖ့းစူးအပူၤ ပှၤလၢအပိာ်ဆါဝဲ နီၢ်အၢ်တ့းမံၤ အတၢ်ဂီၤန့ၣ် အဝဲသ့ၣ်ဆိကမိၣ်ဝဲလၢ တၢ်လၢခရံာ်ဖိတဖၣ် စံၣ်တဲၤတဲလီၤဝဲန့ၣ် ကမၤဘၣ်ဒိအဝဲသ့ၣ် အတၢ်ဃုကျိၣ်ဃုစ့ အကျိၤအကျဲ. အဃိ အဝဲသ့ၣ် မၤအၢမၤနးဝဲ ခရံာ်ဖိတဖၣ်.

• ကလၤ ၁:၁၃, ၁၄—တချုးလၢ စီၤပီလူး (စီၤစီလူး) ကဲထီၣ်ခရံာ်ဖိဒံးဘၣ်န့ၣ် အသးဆူၣ်လၢ ပှၤယူဒၤဖိအတၢ်ဘူၣ်တၢ်ဘါ အဃိ အဝဲမၤနးမၤဖှီၣ်ဝဲ ခရံာ်ဖိတဖၣ်.