တၢ်မၤအၢမၤနး
ဘၣ်မနုၤအဃိ ခရံာ်ဖိတဖၣ် တူၢ်ဘၣ်တၢ်မၤအၢမၤနးလဲၣ်.
ဖဲပတူၢ်ဘၣ် တၢ်မၤအၢမၤနးအခါ ဘၣ်မနုၤအဃိ ပကဘၣ်ဃ့ ယဟိဝၤယွၤ လၢအကဟ့ၣ်ပှၤ တၢ်ဂံၢ်တၢ်ဘါလဲၣ်.
စံး ၅၅:၂၂; ၂ ကရံၣ် ၁၂:၉, ၁၀; ၂ တံၤ ၄:၁၆-၁၈; ဧ့ၤ ၁၃:၆
-
တၢ်အဒိအတဲာ်လၢ လံာ်စီဆှံပူၤ–
-
၁ စီၤပၤ ၁၉:၁-၁၈—ဖဲစီၤအ့ၤလံယၤ တူၢ်ဘၣ်တၢ်မၤအၢမၤနးအခါ အတဲဖျါထီၣ် အတၢ်တူၢ်ဘၣ်လၢ ယဟိဝၤယွၤ အအိၣ်. ဒီးယဟိဝၤယွၤ ဟ့ၣ်ဂံၢ်ဟ့ၣ်ဘါအီၤ ဒီးမၤမုာ်ထီၣ်အသး.
-
မၤတၢ် ၇:၉-၁၅—စီၤယိၤသး အကၠီတဖၣ်န့ၣ် မၤအၢမၤနးအီၤ ဘၣ်ဆၣ် ယဟိဝၤယွၤ တီဒီးအီၤ ဒီးမၤပူၤဖျဲးအီၤ. ဒီးယဟိဝၤယွၤ သူဝဲစီၤယိၤသး ဒ်သိး အကမၤပူၤဖျဲး အဟံၣ်ဖိဃီဖိအဂီၢ်.
-
တၢ်မၤအၢမၤနးတနီၤန့ၣ် မ့ၢ်မနုၤလဲၣ်.
ပှၤတနီၤန့ၣ် ဒုၣ်ဒွဲၣ်စံးအၢပှၤ
၂ ကွဲး ၃၆:၁၆; မး ၅:၁၁; မၤတၢ် ၁၉:၉; ၁ ပ့း ၄:၄
-
တၢ်အဒိအတဲာ်လၢ လံာ်စီဆှံပူၤ–
-
၂ စီၤပၤ ၁၈:၁၇-၃၅—ကီၢ်အၤၡူၢ် အစီၤပၤ အပှၤစိာ်စပံးထံအခိၣ်တဂၤ လၢအမ့ၢ် ရၤဘၡါက့ၤန့ၣ် အတဲအၢတဲသီ ယဟိဝၤယွၤအဂ့ၢ် ဒီးတဲဟးဂီၤဝဲ ပှၤယရူၤၡလ့ၣ်ဖိအသး.
-
လူၤ ၂၂:၆၃-၆၅; ၂၃:၃၅-၃၇—ဖဲပှၤဖီၣ်ဃာ်ယ့ၣ်ၡူး ဒီးဖဲအအိၣ်လၢ သ့ၣ်တၢၣ်လိၤအခါ ပှၤမၤအၢမၤသီတၢ်တဖၣ်န့ၣ် တဲအၢတဲသီ ယ့ၣ်ၡူးဒီးမၤမဲာ်ဆှးအီၤ.
-
ဖဲပဟံၣ်ဖိဃီဖိထီဒါပှၤအခါ
ဖဲပှၤဖီၣ်ပှၤ ဒီးလဲၤကိးပှၤလၢ ပဒိၣ်တဖၣ်အအိၣ်အခါ
ဖဲပှၤမၤဒၢၣ်မၤဆါပှၤအခါ
ဖဲပှၤဂီၢ်မုၢ်ထီဒါပှၤအခါ
ဖဲပှၤကမၤသံပှၤအခါ
ဖဲခရံာ်ဖိတဖၣ် တူၢ်ဘၣ်တၢ်မၤအၢမၤနးအခါ အဝဲသ့ၣ် ကြၢးမၤဝဲဒ်လဲၣ်.
မး ၅:၄၄; မၤတၢ် ၁၆:၂၅; ၁ ကရံၣ် ၄:၁၂, ၁၃; ၁ ပ့း ၂:၂၃
-
တၢ်အဒိအတဲာ်လၢ လံာ်စီဆှံပူၤ–
-
မၤတၢ် ၇:၅၇–၈:၁—ဖဲပှၤမၤအၢမၤနးဝဲ စီၤစတ့းဖၣ် ဒီးဘူးထီၣ်လၢ စီၤစတ့းဖၣ် ကသံအခါ အဝဲဃ့ကညး ယဟိဝၤယွၤ. အဃ့ဝဲလၢ ယဟိဝၤယွၤ ကပာ်ဖျါထီၣ် တၢ်သးကညီၤလၢ အဝဲသ့ၣ်အဖီခိၣ် ဃုာ်ဒီး စီၤစီလူး လၢအဟဲလၢ ဝ့ၢ်တၢ်စူးတဂၤန့ၣ် အဖီခိၣ်.
-
မၤတၢ် ၁၆:၂၂-၃၄—တၢ်မၢဖိပီလူးန့ၣ် ပှၤတီၢ်အီၤ ဒီးပှၤကျီၤတံၢ်ဃာ်အခီၣ်လၢ သ့ၣ်ကျီၤ. ဘၣ်ဆၣ် တၢ်မၢဖိပီလူး ပာ်ဖျါထီၣ် တၢ်သူၣ်ဂ့ၤသးဝါလၢ ပှၤခိးဃိာ်ဖိတဂၤန့ၣ် အဖီခိၣ်အဃိ ပှၤခိးဃိာ်ဖိတဂၤန့ၣ် ဒီးပှၤလၢအအိၣ်ဟံၣ် တဖျၢၣ်ဃီဒီးအီၤ ကိးဂၤဒဲးန့ၣ် အဝဲသ့ၣ်ကဲထီၣ်ပှၤလၢ အစူၢ်က့ၤနာ်က့ၤတၢ်.
-
တၢ်ကဲထီၣ်အသးဒီး ခရံာ်ဖိလၢတၢ်မၢဖိတဖၣ် အစိၤဒ်လဲၣ်.
ဖဲပှၤမၤအၢမၤနးပှၤအခါ ပကြၢးအိၣ်ဒီးတၢ်ထံၣ်ဒ်လဲၣ်.
ဖဲပတူၢ်ဘၣ် တၢ်မၤနးမၤဖှီၣ်အခါ ပတၢ်မုၢ်လၢ်လၢ အဘၣ်ဃးဒီး ခါဆူညါန့ၣ် အကဲထီၣ်တၢ်ဂံၢ်တၢ်ဘါ လၢပဂီၢ်ဒ်လဲၣ်.
ကွၢ်စ့ၢ်ကီး ဖံလံး ၃:၈, ၁၀, ၁၁; လီၣ် ၂:၁၀
ဘၣ်မနုၤအဃိ ပတပျဲလၢ ပှၤမၤအၢမၤနးတၢ်တဖၣ် မၤမဲာ်ဆှးပှၤ, မၤပျံၤပှၤ ဒီးမၤလီၤစၢ်ပသးဘၣ်လဲၣ်. ဒီးဘၣ်မနုၤအဃိ ပတကြၢး ပတုာ်မၤ ယဟိဝၤယွၤ အတၢ်မၤဘၣ်လဲၣ်.
စံး ၅၆:၁-၄; မၤတၢ် ၄:၁၈-၂၀; ၂ တံၤ ၁:၈, ၁၂
-
တၢ်အဒိအတဲာ်လၢ လံာ်စီဆှံပူၤ–
-
၂ ကွဲး ၃၂:၁-၂၂—ဖဲစီၤပၤစၤနဃ့ရံာ် ဒီးအသုးမုၢ်တဖၣ် ကဟဲဒုးဝဲ ဝ့ၢ်ယရူၤၡလ့ၣ်အခါ စီၤပၤဃံးစကံယၤ လၢအအိၣ်ဒီးတၢ်သးတီန့ၣ် သန့ၤအသးလၢ ယဟိဝၤယွၤ ဒီးဒုးဆူၣ်ထီၣ်ဝဲ ပှၤဂီၢ်မုၢ်တဖၣ်အသး. အဃိ ယဟိဝၤယွၤ ဆိၣ်ဂ့ၤဝဲ စီၤပၤဃံးစကံယၤ ဒိၣ်ဒိၣ်မုၢ်မုၢ်.
-
ဧ့ၤ ၁၂:၁-၃—ပှၤလၢအမၤအၢမၤနးတၢ်တဖၣ်န့ၣ် ဂုာ်ကျဲးစၢး မၤမဲာ်ဆှးဝဲ ယ့ၣ်ၡူး. ဘၣ်ဆၣ် ယ့ၣ်ၡူးတပျဲဝဲလၢ တၢ်သ့ၣ်တဖၣ်န့ၣ် ကမၤလီၤစၢ်အသးဘၣ်.
-
တၢ်မၤနးမၤဖှီၣ်န့ၣ် ဒုးအိၣ်ထီၣ်တၢ်မနုၤလဲၣ်.
ဖဲပထံၣ်ဘၣ်ဒီး တၢ်မၤကွၢ်အခါ ပမ့ၢ်အိၣ်ဒီး တၢ်တူၢ်န့ၢ်ခီၣ်ကဲန့ၣ် ကမၤသးခု ယဟိဝၤယွၤအသး ဒီးအမံၤကဘၣ် တၢ်မၤလၤကပီၤအီၤ.
-
တၢ်အဒိအတဲာ်လၢ လံာ်စီဆှံပူၤ–
-
ဘး ၁:၆-၂၂; ၂:၁-၁၀—တၢ်ကီတၢ်ခဲလၢ စီၤယိၤဘး ထံၣ်ဘၣ်ဝဲတဖၣ်အံၤန့ၣ် အတသ့ၣ်ညါဝဲလၢ မုၣ်ကီၤလံၢ် ဒုးအိၣ်ထီၣ်ဝဲဘၣ်. ဘၣ်ဆၣ် စီၤယိၤဘး ဆဲးတီဒီး ယဟိဝၤယွၤအဃိ ယဟိဝၤယွၤ အမံၤဘၣ်တၢ်မၤလၤကပီၤအီၤ ဒီးစီၤယိၤဘး ပာ်ဖျါထီၣ်ဝဲလၢ မုၣ်ကီၤလံၢ် မ့ၢ်ပှၤလၢအလံၣ်တၢ်.
-
ဒၤ ၁:၆, ၇; ၃:၈-၃၀—စီၤဃနၤနယၤ, စီၤမံၡအ့လး ဒီး စီၤဧစၤရယၤ (စီၤၡၤဒရး, စီၤမ့ၤၡး ဒီးစီၤဧဘ့ၤဒနကိၤ) လၢအအိၣ်ဒီးတၢ်သးတီန့ၣ် အဝဲသ့ၣ် မ့ၢ်ဘၣ်သံဘၣ်ဆၣ် အပာ်လီၤသးလၢ ကဒိကနၣ် ယဟိဝၤယွၤအကလုၢ်. အဃိ စီၤပၤနဘူၤကးန့စၢ် လၢအတမ့ၢ် ပှၤလၢအဘူၣ်ထီၣ်ဘါထီၣ် ယဟိဝၤယွၤဘၣ်န့ၣ် အမၤလၤကပီၤဝဲ ယဟိဝၤယွၤ လၢပှၤဂီၢ်မုၢ်အမဲာ်ညါ.
-
ခီဖျိလၢ ပတူၢ်ဘၣ်တၢ်မၤအၢမၤနးအဃိ ဘၣ်သ့ၣ်သ့ၣ် ပှၤတနီၤ ကအဲၣ်ဒိးမၤလိ ယဟိဝၤယွၤအဂ့ၢ်.
-
တၢ်အဒိအတဲာ်လၢ လံာ်စီဆှံပူၤ–
-
မၤတၢ် ၁၁:၁၉-၂၁—ဖဲတၢ်မၤအၢမၤနး အိၣ်ထီၣ်အခါ ခရံာ်ဖိတဖၣ် ဟးအိၣ်ပြံပြါလၢ တၢ်လီၢ်အဂၤအဃိ တၢ်သးခုကစီၣ် ရၤလီၤအသးအါထီၣ်ဝဲ.
-
ဖံလံး ၁:၁၂, ၁၃—စီၤပီလူး အိၣ်ဘၣ်လၢဃိာ်ပူၤသနာ်က့ အမၤစၢၤဘၣ် ပှၤဂၤလၢကသ့ၣ်ညါထီၣ် တၢ်မ့ၢ်တၢ်တီအဃိ အသးခုညါ.
-
ဖဲပှၤမၤအၢမၤနးပှၤအခါ ပမ့ၢ်အိၣ်ဒီး တၢ်တူၢ်န့ၢ်ခီၣ်ကဲန့ၣ် ကကဲထီၣ် တၢ်ဟ့ၣ်ဂံၢ်ဟ့ၣ်ဘါလၢ ပဒီပုၢ်ဝဲၢ်မုၣ်ခွါတဖၣ်အဂီၢ်.
တၢ်ဘူၣ်တၢ်ဘါခိၣ်နၢ်တဖၣ် ဒီးပဒိၣ်တဖၣ် ပၣ်ဃုာ်လၢ တၢ်မၤအၢမၤနး ကစၢ်ယွၤအပှၤဂီၢ်မုၢ် အကျါဒ်လဲၣ်.
ယံး ၂၆:၁၁; မၢ် ၃:၆; ယိၤ ၁၁:၄၇, ၄၈, ၅၃; မၤတၢ် ၂၅:၁-၃
-
တၢ်အဒိအတဲာ်လၢ လံာ်စီဆှံပူၤ–
-
မၤတၢ် ၁၉:၂၄-၂၉—လၢအ့းဖ့းစူးအပူၤ ပှၤလၢအပိာ်ဆါဝဲ နီၢ်အၢ်တ့းမံၤ အတၢ်ဂီၤန့ၣ် အဝဲသ့ၣ်ဆိကမိၣ်ဝဲလၢ တၢ်လၢခရံာ်ဖိတဖၣ် စံၣ်တဲၤတဲလီၤဝဲန့ၣ် ကမၤဘၣ်ဒိအဝဲသ့ၣ် အတၢ်ဃုကျိၣ်ဃုစ့ အကျိၤအကျဲ. အဃိ အဝဲသ့ၣ် မၤအၢမၤနးဝဲ ခရံာ်ဖိတဖၣ်.
-
ကလၤ ၁:၁၃, ၁၄—တချုးလၢ စီၤပီလူး (စီၤစီလူး) ကဲထီၣ်ခရံာ်ဖိဒံးဘၣ်န့ၣ် အသးဆူၣ်လၢ ပှၤယူဒၤဖိအတၢ်ဘူၣ်တၢ်ဘါ အဃိ အဝဲမၤနးမၤဖှီၣ်ဝဲ ခရံာ်ဖိတဖၣ်.
-
မတဂၤ တီခိၣ်ရိၤမဲတၢ်လၢ ပှၤကမၤအၢမၤနး ယဟိဝၤယွၤ အပှၤဂီၢ်မုၢ်တဖၣ်လဲၣ်.