Kucuziwa
U mulandu ci uno Aina Klistu yalinzile ukwenekelwa ukucuziwa?
U mulandu ci uno tulinzile ukulenga amaka kuli Yeova lino yakutucuzya?
Masa. 55:22; 2 Kol. 12:9, 10; 2 Tim. 4:16-18; Aeb. 13:6
-
Malyasi aalembwa muli Baibo angamwazwa:
-
1 Yamw. 19:1-18—Lino kasesema Eliya akucuziwa wapepa kuli Yeova ukuti amwazwa nupya Yeova wamukomelezya nu kumuteekezya
-
Mili. 7:9-15—Nanti cakuti Jozefu yakumucuzya uku ina yakwe, Yeova watwalilila ukuya uwa cisinka kuli aliwe, wamupususya, nupya wamuomvya ukupususya ulupwa lwakwe
-
Iinzila ci zimwi zino tukacuziwilwamo?
Amazwi aipe
2 Mila. 36:16; Mate. 5:11; Mili. 19:9; 1 Pet. 4:4
-
Malyasi aalembwa muli Baibo angamwazwa:
-
2 Yamw. 18:17-35—Labusyeki aakalandilako umwene wa ku Asilya wasaalula Yeova nu kutumfya antu amu Yelusalemu
-
Luka 22:63-65; 23:35-37—Aakucuzya Yesu yakumutuka nu kumutumfya lino iyamulema na lino ali pa cimuti cakucuziwilwapo
-
Lino amu lupwa yakutucuzya
Lino yatulema nu kututwala uku vilye
Kutuuma
Lino amaumba ya antu ankalwe yatuzanza
Kukoma
I vyani vino Aina Klistu yalinzile ukucita lino yakuyacuzya?
Mate. 5:44; Mili. 16:25; 1 Kol. 4:12, 13; 1 Pet. 2:23
-
Malyasi aalembwa muli Baibo angamwazwa:
-
Mili. 7:57–8:1—Lino iumba lya yantu ankalwe lyakomanga Sitivini pano pali na Saulo uwa ku Tasi, Sitivini walenzile kuli Yeova ukuti ayuvwile uluse
-
Mili. 16:22-34—Nanti cakuti umutumwa Paulo yamumile nu kumuyepa, wali ni cikuuku kuli kalinda wa cifungo na cii calenzile kalinda wa cifungo pamwi nu lupwa lwakwe yaye Aina Klistu
-
I vyani vimwi ivyacitikile Aina Klistu akutandikilapo?
Uzye tulinzile ukulayuvwa uli ndi cakuti yakutucuzya?
Uzye upaalilo wa ku nkoleelo ukatukomya uli lino yakutucuzya?
Mate. 10:28, 29; Aeb. 11:35-40
Loliniko na Filipi 3:8, 10, 11; Kuso. 2:10
U mulandu ci uno tusilekela ukucuziwa kwalenga twauvwa insonyi, kutiina, kutoovoka, nanti ukuta ukuombela Yeova?
Masa. 56:1-4; Mili. 4:18-20; 2 Tim. 1:8, 12
-
Malyasi aalembwa muli Baibo angamwazwa:
-
2 Mila. 32:1-22—Lino Umwene Senakelibu watuma iumba lya asilika uku kuzanza antu amu Yelusalemu, Umwene uwa cisinka Hezekiya wataila Yeova nu kukomelezya antu; nupya Yeova wamulambula
-
Aeb. 12:1-3—Aacuzyanga Yesu yalondanga ukumuvwisya insonyi, lelo atalesile vino yacitanga ukumutoovola
-
I visuma ci ivingacitika lino tukucuziwa?
Ndi cakuti tukuzizimizya intazi, tukazanzya Yeova nu kulenga izina lyakwe ukucindikwa
-
Malyasi aalembwa muli Baibo angamwazwa:
-
Yobo 1:6-22; 2:1-10—Yobo atamanyile ukuti a Satana uwamucuzyanga, lelo watwalilile ukuya uwa cisinka kuli Yeova, na cii calangilile ukuti Satana uwa ufi nupya Yobo wacindike Yeova
-
Dan. 1:6, 7; 3:8-30—Pa mulandu wakuti Hananiya, Misyaeli, na Azaliya (Syadilaki, Mesyaki, na Abedinego) yaipeelisye ukuti yangafwilapo ukucila ukukanauvwila Yeova, calenzile ukuti Umwene Nebukadineza amanye ukuti Yeova ali Leza uwa Papelapela
-
Nga tukucuziwa cingalenga antu aingi yasambilile pali Yeova
Luka 21:12, 13; Mili. 8:1, 4
-
Malyasi aalembwa muli Baibo angamwazwa:
-
Mili. 11:19-21—Aina Klistu atiyasalangana pa mulandu nu kucuziwa yatwalilila ukusimikila ilyasi lisuma nu mu ncende na zyuze izingi
-
Filipi 1:12, 13—Umutumwa Paulo wali ni nsansa ukumanya ukuti antu aingi yasambilile ilyasi lisuma pa mulandu wakuti wali umu cifungo
-
Ndi cakuti tukuzizimizya lino yakutucuzya tungakomelezya Aina Klistu yanji
Aaweni akacuzya sana aomvi yakwe Yeova?
Yele. 26:11; Mako 3:6; Yoa. 11:47, 48, 53; Mili. 25:1-3
-
Malyasi aalembwa muli Baibo angamwazwa:
-
Mili. 19:24-29—Yayo aapanganga utumatempele twakwe Atemi yalolanga ukuti ilyasi lisuma lino Aina Klistu yasimikilanga lyalenganga uculuzi wao ukuwelela pansi, fwandi yatandike ukucuzya Aina Klistu
-
Gala. 1:13, 14—Lino umutumwa Paulo (Saulo) atatala waya Umwina Klistu, wali umu upefi wa Ciyuda, na cii calenzile ukuti apate sana Aina Klistu nupya wayacuzyanga
-
Aweni akalenga yacuzya aomvi yakwe Yeova?