Omahepeko
Omolwashike Aakriste ye na okukala ya tegelela omahepeko?
Mat 10:22; Joh 15:19-21; 16:2, 3; 2Tim 3:12
Omolwashike tu na okupula Jehova e tu pe oonkondo, uuna tatu hepekwa?
Eps 55:22; 2Kor 12:9, 10; 2Tim 4:16-18; Heb 13:6
Iiholelwa yopaMbiimbeli mbyoka tayi vulu oku ku kwathela:
1Aak 19:1-18 — Sho omuhunganeki Elia a li ta hepekwa, okwa li a mbumbulile Jehova omutima gwe, nokwa li a tsuwa omukumo nokuhekelekwa
Iil 7:9-15 — Nonando Josef okwa li a hepekwa kaamwahe, Jehova ine mu etha nokwa li wo e mu gamene noku mu longitha a hupithe aantu yaandjawo
Omahepeko ohaga kala ga kwatela mo iinima yini?
Okuulwa nayi
2Ondjal 36:16; Mat 5:11; Iil 19:9; 1Pet 4:4
Iiholelwa yopaMbiimbeli mbyoka tayi vulu oku ku kwathela:
2Aak 18:17-35 — Elenga ekuluntu lyomukwaniilwa gwaAssur, olya li lya sheke Jehova nokupopya nondhino naantu yomuJerusalem
Luk 22:63-65; 23:35-37 — Aahepeki yaJesus oye mu sheke noku mu nyenkela, sho ya li ye mu langela naasho a li komuti gwomahepeko
Okupatanekwa kaakwanezimo
Okukwatwa po nokweetwa kiipala yaapanguli tu hokololithwe
Mat 10:18; Mark 1:14; Luk 20:20; 21:12; Iil 5:18; 8:3; Eh 2:10
Okuhepekwa palutu
Mat 27:29, 30; Joh 19:1; Iil 5:40; 16:22, 23; 2Kor 11:23-25
Uuna twa ponokelwa kongundu yaantu
Luk 4:28, 29; Iil 14:19; 17:5
Okudhipagwa
Mat 24:9; Iil 12:1, 2
Aakriste oye na okwiihumbata ngiini, uuna taya hepekwa?
Mat 5:44; Iil 16:25; 1Kor 4:12, 13; 1Pet 2:23
Iiholelwa yopaMbiimbeli mbyoka tayi vulu oku ku kwathela:
Iil 7:57–8:1 — Nonando omulongwa Stefanus okwa li e li pokudhipagwa kongundu yaantu ya geya ndjoka ye mu ponokele, okwa pula Kalunga a sile ohenda aahepeki ye, mwa kwatelwa Saulus gwokuTarsus
Iil 16:22-34 — Nonando omuyapostoli Paulus okwa li a dhengwa nokutulwa meti, okwa li a ulukile omulangeli gwondholongo olukeno, shono sha inyengitha omulangeli pamwe naanegumbo ye ayehe ya ninge Aakriste
Oshike sha li sha ningilwa Aakriste yamwe yomethelemumvo lyotango?
Iil 7:52, 54, 60
Otu na okukala tu uvitile ngiini omahepeko?
Iil 5:41; Fil 1:27-29; Heb 11:24-26
Etegameno lyetu li ko nasha nonakuyiwa ohali tu koleke ngiini, uuna tatu hepekwa?
Mat 10:28, 29; Heb 11:35-40
Tala wo omanyolo taga landula: Fil 3:8, 10, 11; Eh 2:10
Omolwashike kaatu na okweetha aahepeki yetu, ye tu ningithe tu kale twa sa ohoni, twa tila, twa teka omukumo, nomolwashike kaatu na okweetha po okulongela Jehova?
Eps 56:1-4; Iil 4:18-20; 2Tim 1:8, 12
Iiholelwa yopaMbiimbeli mbyoka tayi vulu oku ku kwathela:
2Ondjal 32:1-22 — Sho omukwaniilwa Sennakerib a li a hala okuponokela Jerusalem netangakwiita lye enankondo, omukwaniilwa Hiskia okwa li a inekela muJehova nokutsa oshigwana omukumo, nokwa li a yambekwa sho a ningi ngaaka
Heb 12:1-3 — Aahepeki yaJesus oya li ya kambadhala oku mu sitha ohoni, ihe ka li nando a pitike oshinima shoka shi mu teye omukumo
Uuwanawa wuni tawu vulu oku tu zila momahepeko?
Eidhidhimiko lyetu ohali nyanyudha Jehova nokusimanekitha edhina lye
1Pet 2:19, 20; 4:12-16
Iiholelwa yopaMbiimbeli mbyoka tayi vulu oku ku kwathela:
Job 1:6-22; 2:1-10 — Nonando Job ka li e shi kutya Satana oye te mu hepeke, okwa kala omudhiginini kuJehova, oshinima shono sha li sha simanekitha Jehova nosha ulike kutya Satana omufundja
Dan 1:6, 7; 3:8-30 — Molwaashoka Hanania, Mishael naAzaria (Shadrak, Meshak naAbednego) oya li ya halelela okusa pehala lyokwaavulika kuJehova, omukwaniilwa Nebukadnezzar okwa li a simaneke montaneho Jehova Kalunga, Omukombandambanda
Uuna aantu ye wete sho tatu hepekwa, otaya vulu okwiilonga kombinga yaJehova
Luk 21:12, 13; Iil 8:1, 4
Iiholelwa yopaMbiimbeli mbyoka tayi vulu oku ku kwathela:
Iil 11:19-21 — Aakriste mboka ya li ya halakanithwa omolwomahepeko, oya tsikile okutaandelitha onkundana ombwanawa komahala ogendji
Fil 1:12, 13 — Omuyapostoli Paulus okwa li a nyanyukwa, sho okutulwa kwe mondholongo kwa ningitha aantu oyendji yi ilonge onkundana ombwanawa
Okwiidhidhimikila kwetu omahepeko, otaku vulu okukoleka ooitaali ooyakwetu
Fil 1:14; 2Tes 1:4
Aawiliki yomalongelokalunga noyopapolitika, otaya dhana onkandangala yini mokuhepeka oshigwana shaJehova?
Jer 26:11; Mark 3:6; Joh 11:47, 48, 53; Iil 25:1-3
Iiholelwa yopaMbiimbeli mbyoka tayi vulu oku ku kwathela:
Iil 19:24-29 — Mboka ya li haya hongo iihongwathano yaArtemis muEfeso, oya li ya tala ko etumwalaka lyAakriste li li einda kongeshefa yawo, onkee oye ya hepeke
Gal 1:13, 14 — Manga Paulus (Saulus) inaa ninga Omukriste, okwa li e uvitile elongelokalunga lyOshijuda uuntsa, onkee okwa li a hepeke Aakriste
Olye e li konima yomahepeko ngoka taga ningilwa oshigwana shaJehova?
1Pet 5:8; Eh 12:17