Kunzunziwa
Ndaŵa yanji Akhilisitu ofunikila kuyembekezela kunzunziwa?
Keno tunzunziwa, ndaŵa yanji tufunikila kudalila Yehova kuti atiyavye?
Sl 55:22; 2Ak 12:9, 10; 2Ti 4:16-18; Ahe 13:6
-
Visanzo va m’Baibolo vingakuyavyeni:
-
1Mf 19:1-18—Penzenzunziwa mneneli Eliya epemphela kwa Yehova ndipo elimbikisiwa notonthojewa.
-
Mac 7:9-15—Yosefe penzenzunziwa nenekwake, Yehova enkhala mphela wokhulupilika kuli yove, emupulumusha komasoti emukatishila ntchito kuti apulumushe banja yake.
-
Kansi vinzunzo viyakine ni votyani?
Mawu aipa
2Mb 36:16; Mt 5:11; Mac 19:9; 1Pe 4:4
-
Visanzo va m’Baibolo vingakuyavyeni:
-
2Mf 18:17-35—Rabisake wapavuli pa mfumu ya Asuri enyoza Yehova nonyozasoti ŵanthu ŵa ku Yerusalemu.
-
Lu 22:63-65; 23:35-37—Adani a Yesu emunyoza penze emangiwa komasoti penze pa chimuti chotamanilapo
-
Kushushiwa nenekwasu
Kumangiwa komasoti kupelekewa kuli akulu-akulu a boma
Kunzunziwa mwakuthupi
Vochita va ŵanthu
Kupaiwa
Kansi Akhilisitu ofunikila kuchita chinji akonzunziwa?
Mt 5:44; Mac 16:25; 1Ak 4:12, 13; 1Pe 2:23
-
Visanzo va m’Baibolo vingakuyavyeni:
-
Mac 7:57-8:1—Olo kuti enze esala patontho kufwa chifukwa cha chiwawa, wophunzila Sitefano esenga Mulungu kuti aŵachitile chifundo ŵala ŵanthu enzemunzunza, kupamikijapo Saulo wa ku Tariso.
-
Mac 16:22-34—Olo kuti ntumwi Paulo ekwapuliwa noikiwa mu goli yove ewamila ntima opanamila djeli vamene ivi vichitisha kuti mwanalume wamene uyo komasoti banja yake yonse ankhale okhulupilila.
-
Kansi nchinji chichitikila Akhilisitu ayakine a m’nthawe ya atumwi?
Kansi tufunika kumvwa tyani tikonzunziwa?
Mac 5:41; Afi 1:27-29; Ahe 11:24-26
Kansi chiyembekezo chasu cha kusogolo chutilimbikisa tyani pa nthawe yatunzunziwa?
Mt 10:28, 29; Ahe 11:35-40
Ndaŵa yanji tulolalini kuti kunzunziwa kukotichitisha nsoni, wowa, olo kutifokesha, ndipo ndaŵa yanji tufunikalini kuleka kutumikila Yehova?
Sl 56:1-4; Mac 4:18-20; 2Ti 1:8, 12
-
Visanzo va m’Baibolo vingakuyavyeni:
-
2Mb 32:1-22—Mfumu Senakerubi peileta gulu ikulu ya nkhondo kuti iukile Yerusalemu, Mfumu yokhulupilika Hezekiya edalila Yehova komasoti etang’isha ŵanthu ŵake pavuli pake epasiwa vinthu viweme ngako.
-
Ahe 12:1-3—Ŵanthu eyeja-yeja kuti amuchitishe nsoni Yesu koma yove aliyelole kuti kunzunziwa kwake kumufokeshe.
-
Kansi kunzunziwa kungankhale na ubwino wotyani?
Keno tupilila patuyesewa tukondelesha Yehova ndipo zina yake yulemekezewa.
1Pe 2:19, 20; 4:12-16
-
Visanzo va m’Baibolo vingakuyavyeni:
-
Yob 1:6-22; 2:1-10—Olo kuti Yobu enzeziŵalini kuti Satana niye ochitisha mavuto ŵenzekumana nawo, enkhala mphela wokhulupilika kwa Yehova tetyo elemekeza Mulungu nosimikijila kuti Satana ni wawenye.
-
Da 1:6, 7; 3:8-30—Chifukwa chakuti Hananiya, Misaeli, na azariya (Shadireki, Misheki, na Abedinego) elolela kufwa mmalo mokana kumvwila Yehova, vamene vichitisha kuti Mfumu Nebukadinezara alemekeza Yehova ndipo evomeleja kuti niye Mulungu wa mmululu.
-
Kunzunziwa kungachitishe kuti ŵanthu ayakine aphunzile za Yehova.
-
Visanzo va m’Baibolo vingakuyavyeni:
-
Mac 11:19-21—Akhilisitu a nthawe yakuvuli emwajikana chifukwa cha kunzunziwa ndipo ivi vichitisha kuti apitilije kulalikila uthenga uweme mmadela anyinji.
-
Afi 1:12, 13—Ntumwi Paulo ekondwela kuti kumangiwa kwake kwipitisha pasogolo ntchito ya uthenga uweme.
-
Kupilila kwasu patunzunziwa kungalimbikise okhulupilila ayasu
Kansi asogoleli achipembezo komasoti andale nthawe zinyinji ochita tyani ponzunza ŵanthu okhulupilika?
Yer 26:11; Mk 3:6; Yoh 11:47, 48, 53; Mac 25:1-3
-
Visanzo va m’Baibolo vingakuyavyeni:
-
Mac 19:24-29—Ku Efeso ŵanthu amene enzepanga mafano enzeganiza kuti uthenga wenzelalikila Akhilisitu uŵaluzishe mwayi wa ndalama, tetyo enzenzunza Akhilisitu amene awo.
-
Aga 1:13, 14—Akaliye nkhala Mkhilisitu Paulo (Saulo) enzelimbikisiwa chifukwa chakuti enzechita luweme mu chipembezo cha Chiyuda, tetyo vichitisha kuti akotamanisha mpingo Wachikhilisitu.
-
Kansi niŵani wamene ochitisha kuti atumiki a Yehova akonzunziwa?
1Pe 5:8; Chv 12:17