Mehlala ya batho ba ka Beibeleng yeo e ka go thušago:

• 1Dik 19:​1-18—Ge moporofeta Eliya a tlaišwa, o ntšhetša Jehofa sa mafahleng gomme Jehofa o a mo kgothatša le go mo homotša

• Dit 7:​9-15—Josefa o tlaišwa ke bana babo, eupša Jehofa o dirišana le yena ka potego, o a mo phološa e bile o mo diriša gore a phološe ba lapa la gabo

Mehlala ya batho ba ka Beibeleng yeo e ka go thušago:

• 2Dik 18:​17-35—Rabashake yoo e lego mmoleledi wa kgoši ya Asiria o roga Jehofa e bile o kwera batho ba Jerusalema

• Lu 22:​63-65; 23:​35-37—Batho bao ba tlaišago Jesu ba a mo roga le go mo kwera ge a golegilwe le ge a le koteng ya tlhokofatšo

Mehlala ya batho ba ka Beibeleng yeo e ka go thušago:

• Dit 7:57–8:1—Le ge Stefano a le kgauswi le go hwa ka ge a hlasetšwe ke sehlopha sa batho, o kgopela Modimo gore a gaugele batho bao ba mo tlaišago, bao yo mongwe wa bona e lego Saulo wa Tareso

• Dit 16:​22-34—Le ge moapostola Paulo a bethilwe e bile a tsentšwe setokising, o bontšha mohlapetši wa kgolego botho gomme seo se feleletša ka gore mohlapetši wa kgolego le ba lapa la gagwe ba fetoge Bakriste

Mehlala ya batho ba ka Beibeleng yeo e ka go thušago:

• 2Kr 32:​1-22—Ge mašole a mantšhi a Kgoši Sanheribe a tšhošetša Kgoši Hesekia yo a botegago ka gore a tlo mo hlasela, Kgoši Hesekia o ithekga ka Jehofa e bile o matlafatša setšhaba. Jehofa o mo putsa kudu ka baka la seo

• Heb 12:​1-3—Batho bao ba tlaišago Jesu ba nyaka gore a lewe ke dihlong, eupša Jesu ga a lewe ke dihlong e bile ga a ba dumelele gore ba mo nyamiše ka tsela le ge e le efe

Mehlala ya batho ba ka Beibeleng yeo e ka go thušago:

• Job 1:​6-22; 2:​1-10—Le ge Jobo a sa tsebe gore o tlaišwa ke Sathane, o dula a botegela Jehofa. Se se hlatsela gore Sathane o bolela maaka e bile se dira gore Jehofa a hlomphiwe

•  Dan 1:​6, 7; 3:​8-30—Hanania, Mishaele le Asaria (bao ba tsebjago e le Shaderaka, Meshaka le Abedinego) bao ba botegago ba ikemišeditše go hwa lehu le sehlogo go e na le gore ba se kwe Jehofa. Ka gona seo se dira gore Kgoši Nebukadinetsara wa moheitene a rete Jehofa batho ba mo theeditše

Mehlala ya batho ba ka Beibeleng yeo e ka go thušago:

• Dit 11:​19-21—Bakriste bao ba gašanego ka baka la go tlaišwa ba tšwela pele ba bolela ditaba tše dibotse kgole le kgauswi

• Fil 1:​12, 13—Moapostola Paulo o thabišwa ke gore go golegwa ga gagwe go dirile gore batho ba bantšhi ba kwe ditaba tše dibotse

Mehlala ya batho ba ka Beibeleng yeo e ka go thušago:

• Dit 19:​24-29—Batho bao ba dirago medingwana ya Aratemise kua Efeso ba bona eka molaetša wo o bolelwago ke Bakriste o tla dira gore ba se sa hwetša tšhelete, ka gona ba tlaiša Bakriste bao

• Gal 1:​13, 14a—Paulo (goba Saulo) o fišegela bodumedi bja Bojuda kudu pele a ka fetoga Mokriste. Ka gona o tlaiša Bakriste