Kpɔdekpɔdeyɛlɛ
Duzu ati a ɔwɔ kɛ Kilisienema maa bɛ nye da kɛ bɛbayɛ bɛ kpɔdekpɔde a?
Saa bɛyɛ yɛ kpɔdekpɔde a, duzu ati a ɔwɔ kɛ yɛkpondɛ moalɛ yɛfi Gyihova ɛkɛ a?
Ed 55:22; 2Kɔ 12:9, 10; 2Ti 4:16-18; Hi 13:6
-
Baebolo kɛlɛtokɛ mɔɔ boa:
-
1Ar 19:1-18—Mɔɔ bɛlɛyɛ ngapezonli Yilaegya kpɔdekpɔde la, ɔhanle ye ahonle nu edwɛkɛ ɔhilele Gyihova na ɔmaanle ye anwosesebɛ na ɔkyekyele ɔ rɛle
-
Gyi 7:9-15—Dwosefi amediema ne mɔ yɛle ye kpɔdekpɔde noko Gyihova hɔle zo lile nɔhalɛ maanle ye, ɔliele ye na ɔluale ɔ nwo zo ɔliele ye abusua ne ngoane
-
Kpɔdekpɔdeyɛlɛ bie mɔ a le boni?
Aholobabɔlɛ
2Ek 36:16; Mt 5:11; Gyi 19:9; 1Pi 4:4
-
Baebolo kɛlɛtokɛ mɔɔ boa:
-
2Ar 18:17-35—Relabehyaki mɔɔ le Aselea belemgbunli ne kpɔmavolɛ la bɔle Gyihova aholoba na ɔgolole Gyɛlusalɛmma anwo
-
Lu 22:63-65; 23:35-37—Mɔɔ bɛhyele Gyisɛse nee mekɛ mɔɔ bɛhendale ye baka ne azo la, bɛbɔle ye aholoba yɛɛ bɛgolole ɔ nwo
-
Yɛ mbusuafoɔ mɔɔ dwazo tia yɛ
Bɛkye yɛ na bɛ nee yɛ kɔ tumivolɛma nyunlu
Ɛbolɛ
Menli dɔɔnwo mɔɔ yɛ basabasa
Ɛhunlɛ
Saa bɛyɛ Kilisienema kpɔdekpɔde a, duzu a ɔwɔ kɛ bɛyɛ a?
Mt 5:44; Gyi 16:25; 1Kɔ 4:12, 13; 1Pi 2:23
-
Baebolo kɛlɛtokɛ mɔɔ boa:
-
Gyi 7:57–8:1—Mɔɔ menli ekpunli bie mɔɔ Sɔɔlo mɔɔ vi Taasɛse boka nwo la ɛlɛku Sitivin la, Sitivin hanle hilele Nyamenle kɛ ɔva bɛ ɛtane ɔhyɛ bɛ
-
Gyi 16:22-34—Bɛbole ɛzoanvolɛ Pɔɔlo na bɛbɔle ye baka nu ɛdeɛ, noko ɔlale atiakunlukɛnlɛma ali ɔhilele pilizama sinzavolɛ ne na ɛhye maanle ɔ nee ye sua nu amra amuala rayɛle diedima
-
Duzu a dole ɛvoya mɔɔ limoa Kilisienema bie mɔ a?
Adwenle kpalɛ boni a ɔwɔ kɛ yɛnyia ye wɔ kpɔdekpɔdeyɛlɛ nwo a?
Kɛzi kenle bie anyelazo mɔɔ yɛlɛ la maa yɛ anwosesebɛ wɔ mekɛ mɔɔ bɛlɛyɛ yɛ kpɔdekpɔde la ɛ?
Duzu ati a ɔnle kɛ yɛmaa kpɔdekpɔdeyɛlɛ maa yɛse nyiane, yɛsulo anzɛɛ yɛ sa nu to a, na duzu ati a yɛngyakyi kɛ yɛbazonle Gyihova a?
Ed 56:1-4; Gyi 4:18-20; 2Ti 1:8, 12
-
Baebolo kɛlɛtokɛ mɔɔ boa:
-
2Ek 32:1-22—Mɔɔ Belemgbunli Sɛnakɛlebe nee ɛlɔnema dɔɔnwo rale Gyɛlusalɛm anwo zo la, Belemgbunli Hɛzikaya mɔɔ di nɔhalɛ la vale ɔ nwo dole Gyihova anwo zo na ɔmaanle menli ne anwosesebɛ; bɛyilale ye kpole kpalɛ
-
Hi 12:1-3—Dwazotiama bɔle mɔdenle kɛ bɛgua Gyisɛse anyunlu aze, noko yeandwenle anyiemgba nwo yɛɛ yeammaa ɔ sa nu ando
-
Debie kpalɛ boni a bahola avi kpɔdekpɔdeyɛlɛ nu ara a?
Saa yɛgyinla kpundii a, ɔmaa Gyihova anye die yɛɛ ɔwula ye duma ne anyunlunyia
-
Baebolo kɛlɛtokɛ mɔɔ boa:
-
Dwb 1:6-22; 2:1-10—Ɛnee Dwobu ɛnze kɛ Seetan a ɛlɛfa sɔnea ara ɔ nwo zo a, noko ɔhɔle zo ɔlile nɔhalɛ ɔmaanle Gyihova, na ɛhye wulale Nyamenle anyunlunyia na ɔmaanle Seetan yɛle adalɛ
-
Da 1:6, 7; 3:8-30—Ɛnee Hananaya, Mehyeeyɛle nee Azalaya (Hyeedelake, Mihyake nee Abɛdenɛgo) mɔɔ di nɔhalɛ la kulo kɛ bɛwu tɛla kɛ bɛbayɛ Gyihova anwo anzosesebɛ: na ɔlua zo Belemgbunli Nɛbukadenɛza mɔɔ sonle awozonle la wulale Gyihova anyunlunyia wɔ bagua nu
-
Bie a kpɔdekpɔdeyɛlɛ bamaa yɛanyia adenle yɛali daselɛ
-
Baebolo kɛlɛtokɛ mɔɔ boa:
-
Gyi 11:19-21—Kilisienema mɔɔ kpɔdekpɔdeyɛlɛ maanle bɛbɔle asande la hɔle zo hanle edwɛkpa ne wɔ ɛleka dɔɔnwo
-
Fe 1:12, 13—Ɛzoanvolɛ Pɔɔlo anye liele kɛ ye efiadelalɛ ne maanle edwɛkpa ne dɛlɛle la
-
Saa bɛyɛ yɛ kpɔdekpɔde na yɛgyinla kpundii a ɔkola ɔmaa yɛ mediema diedima anwosesebɛ
Nwane mɔ a ta maa bɛyɛ Gyihova azonvolɛ kpɔdekpɔde a?
Gyɛ 26:11; Mk 3:6; Dwɔn 11:47, 48, 53; Gyi 25:1-3
-
Baebolo kɛlɛtokɛ mɔɔ boa:
-
Gyi 19:24-29—Wɔ Ɛfɛsɛse, menli bie mɔɔ yɛ ananze tɔne ye la nyianle adwenle kɛ edwɛkɛ mɔɔ Kilisienema ne ɛlɛka la bazɛkye bɛ gyima, ɔti bɛkpɔle Kilisienema ne
-
Ga 1:13, 14—Kolaa na Pɔɔlo (Sɔɔlo) ayɛ Kilisienenli la, Dwuuma ɛzonlenlɛ nwo mɔdenlebɔlɛ maanle ɔkpɔle Kilisienema
-
Nwane a maa bɛyɛ Gyihova azonvolɛ kpɔdekpɔde a?