Примероря анда Библия

• 1Цр 19:1—18. Кала лэ Ильяс ӷонинас, во мангляпэ лэ Иеговасти и росԥэндя, со лэстэ по ди. О Дэл подритярдя лэс и придя лэсти зор.

• Дл 7:9—15. Лэ Иосифос вэрыцынас лэстирэ чаче ԥрала, но о Иегова вся и время сас паша лэстэ, фэрияс лэс и посли поможысардя лэсти тэ спасый пэстирэ чачен лэ боқалимастар.

Примероря анда Библия

• 2Цр 18:17—35. О рабсако, саво авеля тэ ԥэнэн и алава лэ ассирийсконэ царёстар, найдраго дэлас дума пала Иегова и приасаласпэ лэ манушэндар анда Иерусалимо.

• Лк 22:63—65; 23:35—37. Кала лэ Исусос допушэнас и казнинас, и мануша ԥэнэнас найлашэ алава пэр лэстэ и приасанаспэ лэстар.

Примероря анда Библия

• Дл 7:57—8:1. По Стефано динэ бут мануша, и машкар лэндэ сас о Савло анда Тарсо. Андо Стефано линэ тэ шувидэн и бара, и англа кода сар тэ мэрэл, во мангля лэ Дэвлэс тэ простий кодэлэн, ко лэс умарэлас.

• Дл 16:22—34. Лэ Павлос мардэ и шутэ андо баруно, ай лэстирэ пэрнэ заԥандадэ андэ каш, но во ковлэс обжыляпэ кодэлэса, ко диқэлас пала баруно, и важ када во и вся лэско ери ашэлэ христианоря.

Примероря анда Библия

• 2Лт 32:1—22. Кала о царё Синаххерибо и лэско баро войско камлэ тэ дэн по Иерусалимо, о царё Езекия мангля помощь лэ Иеговастар и придя зор лэ народости. О Иегова блаӷословисардя лэс важ када.

• Евр 12:1—3. Кодэла, ко ӷонинас лэ Исусос, камэнас, кай лэсти тэ ашэл лажаво, но во на умэкля и вас через када.

Примероря анда Библия

• Иов 1:6—22; 2:1—10. Хоть о Иово на ӷанэнас, кай всаворэ биды лэстэ сас лэ Сатанастар, во ашэляпэ предано лэ Иеговасти. Кадэлэса во доԥэндя, кай о Сатана хохавно, ай лэ Иеговаско алав ашэля ашунгло.

• Дан 1:6, 7; 3:8—30. О Ханания, о Мисаило и о Азария (о Шадрахо, о Мешахо и о Аведнего) сас ӷотови тэ кандэн лэ Иеговас, дажэ если лэн умардоп пала када. Блаӷодаря кадэлэсти о царё Навуходоносоро, саво сас язычнико, прижангля, кай о Иегова — само Баро Дэл.

Примероря анда Библия

• Дл 11:19—21. И христианоря, савэнди прижыляпэ тэ нашэн через кода, кай лэн ӷонинас, линэ тэ росԥэнэн пала Дэл котэ, кай линэ тэ жувэн.

• Фп 1:12, 13. О апостало Павло лошавэлас кодэлэсти, кай андо баруно моӷ тэ росԥэнэн пала Дэл бутэ манушэнди.

Примероря анда Библия

• Дл 19:24—29. Андо Ефесо и мануша, савэ терэнас «цынёне ла Артемидатирэ храморя», гиндонас, кай лэндэ на авэла затеримос через и новость, сави росԥэнэнас и христианоря, важ када вонэ стидэ против лэндэ бутэ манушэн.

• Гл 1:13, 14. Англа кода сар тэ ашэл христианино, о Павло (Савло) фартэ подритярэлас о иудаизмо, и важ када холяса ӷонияс лэ Исусостирэ учениконэн.