Mtev u sha Ican
Er nan ve i gbe u Mbakristu vea ver ishima ér a tôv ve a icana?
Shighe u i lu tôvon se a ican yô, er nan i doo u se suur sha Yehova ser a na se agee?
Ps 55:22; 2Ko 12:9, 10; 2Ti 4:16-18; Heb 13:6
-
Akav agen ken Bibilo a aa fatyô u wasen we yô:
-
1Ut 19:1-18—Shighe u i lu tôvon profeti Eliya a ican la, yange pase Yehova er ishima lu un ker la cii, nahan Yehova sur un ishima shi taver un ishima
-
Aer 7:9-15—Yange anmgbianev mba Yosev tôv un a ican kpa Yehova kende un ga, yange yima un shi er tom a na u waren tsombor na cii
-
A fatyô u tôvon se a ican sha nyi gbenda nahana?
A laha se shin a naha se tar
2Kr 36:16; Mt 5:11; Aer 19:9; 1Pe 4:4
-
Akav agen ken Bibilo a aa fatyô u wasen we yô:
-
2Ut 18:17-35—Rabeshake u lu lamen sha ityough ki tor u Ashiria la, yange laha Yehova shi naha ior i Yerusalem tar
-
Lu 22:63-65; 23:35-37—Ior mba yange ve lu tôvon Yesu a ican la yange ve laha un, shi ve naha un tar shighe u ve kôr un la, kua shighe u ve mande un sha kon la kpaa
-
Ior asev mba hen tsombor vea hendan a vese
A fatyô u kôron se zan a vese hen mbahemenev mba gomoti
A gbidye se shin a nzughul a vese
Kpilaior i toron asema ia ta num sha a vese
A wua se
Shighe u i lu tôvon Mbakristu a ican yô, doo u vea er nena?
Mt 5:44; Aer 16:25; 1Ko 4:12, 13; 1Pe 2:23
-
Akav agen ken Bibilo a aa fatyô u wasen we yô:
-
Aer 7:57–8:1—Shighe u ikpelaior i toron asema lu wuan Sefanu la, a sôn Aôndo ér a zungwe ve kua Saulu u Tarsu u lu a ve imôngo la mhôônom
-
Aer 16:22-34—Er i gbidye apostoli Paulu shi i wa un ken agbe nahan kpa, yange zungwe orkuran gaadi la mhôônom, kwagh la na yô, or shon kua ior mba hen ya na cii hingir Mbakristu
-
Ka nyi yange i er Mbakristu mbagen sha ayange a mbaapostoli laa?
Shighe u i lu tôvon se a ican yô, doo u se nenge kwagh la nena?
Ishimaverenkeghen i se lu a mi la ka i wase se shighe u i lu tôvon se a ican nena?
Er nan ve se den ser kunya u kôr se a iyol yase shin se cia gayô iyol i kpe se shighe u i lu tôvon se a ican ga, man er nan ve ka se venda ser mayange se de u civir Yehova ga?
Ps 56:1-4; Aer 4:18-20; 2Ti 1:8, 12
-
Akav agen ken Bibilo a aa fatyô u wasen we yô:
-
2Kr 32:1-22—Shighe u Tor Senakeribi va a ikyumuitya i vesen u va tan num sha Yerusalem la, Tor Hesekia suur sha Yehova shi taver ior asema, nahan a zua a injar kpishi
-
Heb 12:1-3—Yange mba ve lu tôvon Yesu a ican soo u heen un, kpa orti wa kunya ikyo ga, mayange lumun ér ve na un iyolkpen sha gbenda môm môm kpaa ga
-
Aluer ka tôvon se a ican yô, ka nyi i dedoo ia fatyô u duen kere?
Ka a tôvon se a ican kpa sea wa ishima yô, kwagh la a doo Yehova shi kwagh shon a na iti na icivir
-
Akav agen ken Bibilo a aa fatyô u wasen we yô:
-
Yob 1:6-22; 2:1-10—Er Yobu fa er lu Satan lu tôvon un a ican ga nahan kpa, Yobu venda u geman ijime a Yehova, sha nahan yô, kwagh la va Yehova a icivir shi tese wang er Satan a lu or aie yô
-
Da 1:6, 7; 3:8-30—Hanania man Mishael man Asaria (ka Shaderaki man Meshaki man Abedinego je la) yange ve kegh iyol u ungwan imo i Yehova aluer gba u vea kpe ku u vihin tsung je kpaa, kwagh la na yô, Tor Nebukadinesar wuese Yehova ken igbar er a lu Aôndo u Hemban cii yô
-
Ka a tôvon se a ican yô, ashighe agen kwagh la a bugh se gbenda u wasen ior u seer henen kwagh u Yehova
-
Akav agen ken Bibilo a aa fatyô u wasen we yô:
-
Aer 11:19-21—Mbakristu mba yange ve yevese tôvacan ve yem sha ajiir wue wue yô, za za hemen u samber a loho u dedoo sha ajiir shon
-
Fil 1:12, 13—Yange saan apostoli Paulu iyol sha ci u er i wuhe un ken purusu yô, kwagh la na ior kpishi hingir u ungwan loho u dedoo
-
Ka sea wa ishima shighe u i lu tôvon se a ican yô, kwagh la a seer taver mba se civir Yehova imôngo la ishima
Ashighe kpishi ka unô ka ve tôvon mbacivir Yehova a icana?
Yer 26:11; Mr 3:6; Yh 11:47, 48, 53; Aer 25:1-3
-
Akav agen ken Bibilo a aa fatyô u wasen we yô:
-
Aer 19:24-29—Yange ior mba ken gar u Efese mba ve gbaan ieev ve teen la nenge ér loho u Mbakristu lu pasen la ua na vea gba kpenga, nahan ve hii u tôvon Mbakristu a ican
-
Ga 1:13, 14—Cii man Paulu (Saulu) a hingir Orkristu yô, yange lu a gbashima sha kwaghaôndo u Mbayuda la kpen kpen, nahan lu tôvon Mbakristu a ican
-
Ka an nan ne ve i tôvon mbacivir Yehova a icana?
Kwagh Ugen u Alaghga Shi Una Doo U Yô
HEN AKAAINJAA KEN BIBILO
Ve Gure Inya Ga
Saderaki, Meshaki, man Abedi-nego yange ve venda u guren civir eev mbu tor u Babilon er sha zenaria la.
HEN AKAAINJAA KEN BIBILO
Ortyom u Yehova Yange Kura Hesekia
Mbaihyomov mba tar u Yuda yange ve kaa ér, Yehova una kura ior nav ga, kpa mhen ve ne lu u sha mi ga!
HEN AKAAINJAA KEN BIBILO
Orkurangaadi Fa Mimi
I ôr kwagh u jijingi u azôv man tartenger man sanker ken ngeren ne nena?
KWAGH WASE
Nger Wer I Tindi Or Nana Va Lam a We hen Ya Wou
Time sha mpin u ken Bibilo gayô seer fan kwagh u Mbashiada mba Yehova.
