Talanoa Fakatohitapu mahuʻinga:

• 1 Tuʻi 19:​1-18—ʻI hono fakatangaʻi ʻa e palōfita ko ʻIlaisiaá, ʻokú ne huaʻi atu hono lotó kia Sihova pea maʻu ʻa e fakalototoʻa mo e fakafiemālie

• Ngā. 7:​9-15—ʻOku fakatangaʻi ʻa Siosifa ʻe hono fanga tokouá, ka ʻoku nofoʻaki mateaki pē ʻa Sihova kiate ia, fakahaofi ia, pea ngāueʻaki ia ke ne fakahaofi hono fāmilí

Talanoa Fakatohitapu mahuʻinga:

• 2 Tuʻi 18:​17-35—Ko e Lapisaké, ko ha tangata-lea ʻa e tuʻi ʻAsīliá, ʻokú ne laukovi kia Sihova pea manukiʻi ʻa e kakai ʻo Selusalemá

• Luke 22:​63-65; 23:​35-37—Ko e kau fakatanga ʻo Sīsuú ʻoku nau laukovi mo fakakataʻaki ʻa Sīsū lolotonga hono puke iá pea mo ʻene ʻi he ʻakau fakamamahí

Talanoa Fakatohitapu mahuʻinga:

• Ngā. 7:57–8:1—Neongo ʻa e mei mate ʻa e ākonga ko Sitīvení ʻi hano ʻohofi fakamālohi ʻe ha fuʻu kakai, ʻokú ne kole ki he ʻOtuá ke ne fakahāhā ʻa e meesi ki hono kau fakatangá, ʻa ia naʻe kau ai ʻa Saula ʻo Tāsusí

• Ngā. 16:​22-34—Neongo ʻoku haha ʻa e ʻapositolo ko Paulá pea fakamaʻu hono vaʻé ʻi ha ʻakau-kiiʻi, ʻokú ne fakahāhā ʻa e anga-ʻofa ki he selá, ʻo taki atu ai ʻa e tangatá mo e kotoa hono fāmilí ke nau hoko ko e kau tui

Talanoa Fakatohitapu mahuʻinga:

• 2 Kal. 32:​1-22—ʻI he fehangahangai ʻa e tuʻi faitōnunga ko Hesekaiá mo e fakamanamana ʻo hano ʻohofi ia ʻe he fuʻu kau tau tokolahi ʻa Tuʻi Senakalipé, ʻokú ne falala kia Sihova pea fakaivimālohiʻi ʻa e kakaí; pea ʻoku fakapaleʻi lahi ia

• Hep. 12:​1-3—ʻOku feinga ʻa e kau fakatangá ke nau fakamaaʻi ʻa Sīsū, ka ʻokú ne tukunoaʻi ia, pea ʻikai ke ne fakaʻatā ia ke ne fakalotosiʻiʻi ia ʻi ha faʻahinga founga

Talanoa Fakatohitapu mahuʻinga:

• Siope 1:​6-22; 2:​1-10—Neongo ʻoku ʻikai ke ʻiloʻi ʻe Siope ko Sētane ʻoku teke mui ʻi hono ngaahi ʻahiʻahi fakamamahí, ʻoku fakafisi ʻa Siope ke tafoki ʻo fakafepaki kia Sihova, ʻo ne fakalāngilangiʻi ai ʻa e ʻOtuá pea fakamoʻoniʻi ko Sētané ko ha tokotaha loi

• Tan. 1:​6, 7; 3:​8-30—Ko e kau faitōnunga ko Henania, Misaeli mo ʻAsalaiá (Setaleki, Mēsake mo ʻApitenikō) ʻoku nau loto-lelei ke fehangahangai mo ha mate fakalilifu kae ʻikai talangataʻa kia Sihova; ko hono olá, ʻoku fakalāngilangiʻi ʻe he tuʻi pangani ko Nepukanesá ʻa Sihova ʻi he ʻao ʻo e kakaí

Talanoa Fakatohitapu mahuʻinga:

• Ngā. 11:​19-21—Ko e kau Kalisitiane naʻa nau movete atu tupu mei he fakatangá ʻoku hokohoko atu ʻenau fakamafola ʻa e ongoongo leleí ʻi he ngaahi feituʻu lahi

• Fil. 1:​12, 13—ʻOku fiefia ʻa e ʻapositolo ko Paulá ʻi he hoko hono tuku pilīsone iá ko ha meʻa ke ne ʻai ke laka ki muʻa ʻa e ongoongo leleí

Talanoa Fakatohitapu mahuʻinga:

• Ngā. 19:​24-29—ʻI ʻEfesō, ko e faʻahinga ʻoku nau ngaohi ʻa e ngaahi fale toputapu ʻo ʻĀtemisí ʻoku nau vakai ki he pōpoaki faka-Kalisitiane fekauʻaki mo e tauhi ʻaitolí ko ha fakamanamana ki heʻenau fefakatauʻakí, ko ia ʻoku nau fakatangaʻi ʻa e kau Kalisitiané

• Kal. 1:​13, 14—Ki muʻa ke hoko ʻa Paula (Saula) ko ha Kalisitiané, ʻoku tākiekina ia ʻe heʻene mateaki ki he lotu faka-Siú, ko ia ʻokú ne fakatangaʻi ʻa e fakatahaʻangá