Ovolandu Embimbiliya a kuete esilivilo lialua:

• 1Ol 19:1-18—Eci uprofeto Eliya a kala oku lambalaliwa, wa sanda ekuatiso ku Yehova kuenje wa tambula evetiyo lelembeleko.

• Ovl 7:9-15—Yosefe wa lambalaliwile la vahuvaye, pole, Yehova wamamako oku kala laye kuenda wa talavaya laye oco a popele epata liaye.

Ovolandu Embimbiliya a kuete esilivilo lialua:

• 2Ol 18:17-35—Ravesiake kapitiya kasoma yo ko Asuria, wa popia lãvi Yehova kumue lomanu va kala ko Yerusalãi.

• Luk 22:63-65; 23:35-37—Yesu wa popiwa lãvi lovanyãli vaye osimbu a kala oku kangisiwa kuenda eci a valeliwa kuti wekangiso.

Ovolandu Embimbiliya a kuete esilivilo lialua:

• Ovl 7:57–8:1—Ndaño okuti Stefano wa kala oku panda kolofa omo liowiñi wo ñualelapo, eye wa pinga ku Yehova oco a lekise ohenda yaye ku vana va kala oku u lambalala, oku kongelamo Saulu wo ko Tarso.

• Ovl 16:22-34—Upostolo Paulu ndaño okuti wa tipuiwa loku kapiwa vokayike, eye wa lekisa ohenda ku kalei kovokayike kuenje eye kumue lepata liaye, va linga Akristão.

Ovolandu Embimbiliya a kuete esilivilo lialua:

• 2As 32:1-22—Eci Soma Senakeriva a iñila vo Yerusalãi lolohoka vialua viasualali, Soma Hesekiya wa kolela ku Yehova kuenda wa pamisa omanu; kuenje wa sumũlũisiwa calua.

• Hev 12:1-3—Vana va lambalala Yesu va sanda oku u kutisa osõi, pole, eye ka ecelelele okuti osõi yaco yi tepulula ekolelo liaye.

Ovolandu Embimbiliya a kuete esilivilo lialua:

• Yov 1:6-22; 2:1-10—Yovi ndaño ka kũlĩhĩle okuti Satana eye wa kala oku u kokela ovitangi, eye wamamako oku kolela ku Yehova. Poku ci linga, wa lekisa okuti Satana ohembi kuenje wa sivaya Yehova.

• Dan 1:6, 7; 3:8-30—Omo okuti Hananiya, Misaeli kuenda Asariya (Sadrake, Mesake kuenda Aved-Nego) va nõlelepo oku fa okuti ka va sinĩla Yehova, ca vetiya Soma Nevukandesa oku sivayela Yehova pokati kowiñi.

Ovolandu Embimbiliya a kuete esilivilo lialua:

• Ovl 11:19-21—Akristão va sanduiwile kolonepa vikuavo, vamamako oku kunda olondaka viwa kolonepa viosi.

• Flp 1:12, 13—Upostolo Paulu wa kuata esanju lialua omo okuti, eci a kala vokayike wa kundila omanu olondaka viwa.

Ovolandu Embimbiliya a kuete esilivilo lialua:

• Ovl 19:24-29—Ko Efeso omanu vamue va enda oku panga oviteka, va simaile okuti esapulo Akristão va enda oku kunda lia enda oku va pumbisa oku kuata olombongo, omo liaco va fetika oku lambalala Akristão.

• Gal 1:13, 14—Paulu (Saulu) osimbu ka lingile Ukristão, wa kolelele calua ketavo lia va Yudea, omo liaco wa fetika oku lambalala Akristão.