Ngani syakwe m’Baibulo:

• 1Ay 19:1-18—Jwakulochesya Eliya pajwalagasidwaga, jwamsalile Yehofa mwajwapikanilaga mumtima mwanti ŵamlimbikasisye

• Mas 7:9-15—Yosefe ŵalagasidwe ni achalongo achimjakwe nambo Yehofa ŵapitilisye kumkamuchisya jwalakwe mwamti ŵamkulupwisye soni ŵakamulichisye masengo jwalakwe pakwakulupusya achalongo achimjakwe soni babagwe

Ngani syakwe m’Baibulo:

• 2Ay 18:17-35—Jwamkulungwa jwa asilikali ŵa mwenye jwa ku Siliya jamnyosisye Yehofa soni ŵandu ŵa ku Yelusalemu

• Luk 22:63-65; 23:35-37—Ŵandu ŵaŵamlagasyaga Yesu ŵamnyosyaga soni kumseka jwalakwe paŵaliji mkumlagasya soni pa ndaŵi jijwaliji pa chitela chakulagasichila

Ngani syakwe m’Baibulo:

• Mas 7:57–8:1—Atamose pajwasigele panandi kuwa ligongo lyakumputa mwachiwawa, Sitefano jwamŵendile Mlungu kuti jwatendele chanasa ŵanduwo ŵaŵapwatikagapo Saulo jwa ku Taliso

• Mas 16:22-34—Atamose kuti ndumetume Paulo jwaputidwe soni kuŵichidwa mnyumba ja ukayidi, jwalakwe jwamlosisye umbone mtima jwakulolela mu ndende yayamkamuchisye kuti jwalakwe ni ŵamwiŵasa mwakwe wosope aŵe ŵakulupilila

Ngani syakwe m’Baibulo:

• 2Mb 32:1-22—Mwenye jwakulupichika Hesekiya paŵajimuchilidwe ni gulu ja asilikali ŵakogoya ŵa Mwenye Senakelibu, jwalakwe jwamdalile Yehofa nambosoni jwalimbikasisye ŵandu ŵane mwamti Yehofa ŵamkamuchisye

• Ahe 12:1-3—Ŵandu ŵaŵamlagasyaga Yesu ŵatendaga yindu yakumtesya sooni nambo jwalakwe nganakunda kuti yeleyi yimtengusye

Ngani syakwe m’Baibulo:

• Yob 1:6-22; 2:1-10—Atamose kuti Yobu nganamanyililaga kuti Satana ni jwakutendekasya yakusawusya yajwasimanaga nayo nambo jwalakwe jwapitilisye kuŵa jwakulupichika kwa Yehofa yayatendekasisye kuti Mlungu achimbichikwe ni kulosya Satana kuti ali jwaunami

•  Da 1:6, 7; 3:8-30—Hananiya, Mishaele nambosoni Asaliya (Shadileki, Misheki,ni Abedenego) ŵakutumichila ŵa Mlungu ŵakulupichika ŵakundile kuti awulajidwe chiwa chakupweteka kulekangana nikuti akampikanila Yehofa yakuyichisya yakwe Mwenye Nebukadinesa jwanganamtumichilaga Mlungu jwamchimbichisye Yehofa

Ngani syakwe m’Baibulo:

• Mas 11:19-21—Aklistu ŵakusatila kumangwawo ligongo lyakulagasidwa akusawandisya ngani syambone ku madela gatililego

• Afi 1:12, 13—Ndumetume Paulo jwaliji jwakusangalala paŵamanyilile kuti kutaŵidwa kwakwe kwakamuchisye kuwandisya ngani syambone

Ngani syakwe m’Baibulo:

• Mas 19:24-29—Ku Efeso, ŵandu ŵaŵapanganyaga milungu jakusepa ŵayiwonaga kuti utenga waŵalalichilaga Aklistu wakusala kuti milunguji jangali mate chiwusokonasye malonda gawo gakusumisya milunguji myoyo ŵatandite kwalagasya Aklistuwo

• Aga 1:13, 14—Mkanaŵe kuŵa Mklistu, Paulo (Saulo) jwalipelekaga mnope mu dini jakwe ja Chiyuda mwamti ŵawulagasyaga mpingo wa Chiklistu