Ɲanmiɛn srɛlɛ
?Ngue yɛ ɔ kle kɛ Zoova tie e srɛlɛ mun naan ɔ tɛ be su-ɔ?
Nian Ju 66:19; Yol 10:31; Ebr 5:7 be nun wie.
-
Biblu’n nun ndɛ mɔ be kwla uka e’n:
-
1Fa 18:36-38—Kɛ Ɲanmiɛn nuan ijɔfuɛ Eli nin Baali i nuan ijɔfuɛ’m be yiali Kaamɛli oka’n su lɔ mɔ Eli srɛli Zoova’n, ɔ ka lɛ tɛli i su.
-
Mat 7:7-11—Zezi wlali e fanngan kɛ e srɛ Ɲanmiɛn titi naan Zoova m’ɔ ti e Si m’ɔ klo e’n ɔ́ síe i su tíe.
-
?Wan kunngba cɛ yɛ ɔ fata kɛ Klisifuɛ’m be srɛ i-ɔ?
?Wan dunman nun yɛ ɔ fata kɛ e srɛ-ɔ?
?Wan mun yɛ Zoova tie be srɛlɛ’n niɔn?
?Wan mun yɛ Zoova tieman be srɛlɛ’n niɔn?
Ɲan 15:29; 28:9; Eza 1:15; Mis 3:4; Zak 4:3; 1Pi 3:7
-
Biblu’n nun ndɛ mɔ be kwla uka e’n:
-
Zoz 24:9, 10—Zoova w’a tieman Balaamun i srɛlɛ’n, afin like ng’ɔ srɛli’n ɔ nin i klun sa’n be kɔman likawlɛ.
-
Eza 1:15-17—Kɛ mɔ Zoova i nvle nunfuɛ’m be su i gblɛ nun mɔ be kun sran mun ti’n, w’a tieman be srɛlɛ’n kun.
-
?Titi’n kɛ é srɛ́ Ɲanmiɛn’n, ndɛ benin yɛ e kan e fa guɛ i bo-ɔ? ?Yɛ ngue ti yɛ e kan sɔ-ɔ?
?Biblu’n se kɛ ɔ fata kɛ e tran ase annzɛ e jran nglo annzɛ e koto naan y’a srɛ Ɲanmiɛn?
1Fa 8:54; Mar 11:25; Lik 22:39, 41; Zan 11:41
Nian Zon 2:1 nun wie.
?Kɛ Zoova i sufuɛ’m be yia mɔ bé sú i’n, ninnge benin mun yɛ be kwla srɛ be ti-ɔ?
-
Biblu’n nun ndɛ mɔ be kwla uka e’n:
-
1Ɲo 29:10-19—Kɛ Izraɛlifuɛ’m be mannin be klunklo like naan be fa kplan Ɲanmiɛn i sua’n, Famiɛn Davidi jrannin be ɲrun srɛli Ɲanmiɛn mannin be.
-
Yol 1:12-14—Zezi i akoto mun, nin i niaan mun, nin i nin Mari, ɔ nin bla uflɛ wie mɔ be su Ɲanmiɛn kpa’n, be yiali Zerizalɛmun lɔ sua ba kun m’ɔ o nglo’n i nun be srɛli Ɲanmiɛn likawlɛ.
-
?Kɛ é srɛ́ Ɲanmiɛn’n, ngue ti yɛ ɔ fataman kɛ e yo naan sran’m be fa be ɲin be sie e su le-ɔ?
?E kwla srɛ Ɲanmiɛn ka naan y’a di like?
?Ngue ti yɛ ɔ fataman kɛ e ɲin kpa Ɲanmiɛn srɛlɛ’n su-ɔ?
Rɔm 12:12; Efɛ 6:18; 1Te 5:17; 1Pi 4:7
-
Biblu’n nun ndɛ mɔ be kwla uka e’n:
-
Dan 6:6-10—Kannzɛ bɔbɔ Ɲanmiɛn nuan ijɔfuɛ Daniɛli si kɛ sɛ ɔ srɛ Ɲanmiɛn’n be kwla kun i’n, sanngɛ w’a yacimɛn i srɛlɛ.
-
Lik 18:1-8—Sunnzun ase nga Zezi fali’n nun’n, bla kun ko wunnin jɔlɛ difuɛ kun m’ɔ timan kpa’n i wun kpɛ sunman. I waan ɔ di i ndɛ’n i kpa mɛn i. Kɛ mɔ bla’n jin i wun’n ti’n ɔ kplinnin su. Zezi fali sunnzun ase sɔ’n fa kleli kɛ e Si m’ɔ ti kpa’n, ɔ́ tɛ́ i sufuɛ mɔ be srɛ i titi’n be su.
-
?Sɛ e srɛ Ɲanmiɛn kɛ ɔ yaci e sa tɛ mun cɛ e’n, ngue yɛ ɔ fata kɛ e yo naan w’a yo sɔ sakpa-ɔ?
-
Biblu’n nun ndɛ mɔ be kwla uka e’n:
-
2Fa 22:11-13, 18-20—Kɛ mɔ Famiɛn Zoziasi kɛnnin i wun ase m’ɔ kunndɛli kɛ ɔ́ yó Zoova i klun sa’n ti’n, Zoova sili i aunnvɔɛ yɛ ɔ yoli i ye dan.
-
2Ɲo 33:10-13—Kɛ mɔ Famiɛn Manase kɛnnin i wun ase kpatali Zoova ti’n, Zoova yacili i wun sa’n cɛli i yɛ ɔ yoli maan ɔ sɛli i sin dili famiɛn ekun.
-
?Ngue yɛ Zoova kunndɛ kɛ e yo ka naan w’a yaci e wun sa’n w’a cɛ e-ɔ?
?Kɛ é srɛ́ Ɲanmiɛn’n, ngue ti yɛ ɔ fata kɛ e kle kɛ e kunndɛ kɛ i klun sa’n kpɛn su-ɔ?
?Kɛ é srɛ́ Ɲanmiɛn’n, ngue ti yɛ ɔ fata kɛ e kle kɛ e lafi i su-ɔ?
?Ninnge benin wie mun yɛ e kwla srɛ be ti-ɔ?
Ɲanmiɛn i dunman’n yo sanwun
Ɲanmiɛn Sielɛ’n i blɛ’n ju naan ɔ sie asiɛ wunmuan’n
Zoova i klun sa’n kpɛn su
Ɔ man e ninnge nga e sa mian be wun’n
Ɔ yaci e sa tɛ mun cɛ e
Ɔ sasa e naan y’a yoman sa tɛ
E lɛ i ase
E kwla srɛ i kɛ ɔ uka e naan e si i klun sa’n kpa, yɛ ɔ man e akunndan ɔ nin ngwlɛlɛ
Nian Ju 119:34 nun wie.
-
Biblu’n nun ndɛ mɔ be kwla uka e’n:
-
1Fa 3:11, 12—Kɛ Famiɛn Salomɔn srɛli Zoova kɛ ɔ mɛn i ngwlɛlɛ’n, ɔ yoli Zoova i fɛ dan. I ti’n, ɔ mɛnnin i ngwlɛlɛ dan kpa.
-
E kwla srɛ i kɛ ɔ fɛ i wawɛ’n man e
E kwla srɛ e man e niaan Klisifuɛ mun, i wie yɛle aniaan nga be kle be yalɛ’n
E kwla mɛnmɛn i
-
Biblu’n nun ndɛ mɔ be kwla uka e’n:
-
Lik 10:21—Zezi mɛnmɛnnin i Si nzra nun afin ɔ yili ndɛ nanwlɛ’n i nglo kleli be nga be kan be wun ase’n.
-
Ngl 4:9-11—Anzi’m be manman Zoova yɛ be yi i ayɛ, afin Zoova nin i sɔ’n fata.
-
E kwla srɛ i kɛ ɔ yo naan mɛn siefuɛ’m be man e atin naan e su i fɔun nun
Nian Zer 29:7 nun wie.
?Kɛ bé yó sran kun i batɛmun’n ɔ kwla srɛ Ɲanmiɛn?
?E kwla srɛ Ɲanmiɛn e man be nga b’a kpɔnzɔ Ɲanmiɛn sulɛ nun’n?
?Ngue ti yɛ kɛ yasua’m bé srɛ́’n be kataman be ti’n su-ɔ? ?Yɛ ngue ti yɛ kɛ bla’m bé srɛ́’n ɔ ju wie’n be kata be ti’n su-ɔ?
Kannzɛ sran kun srɛ Ɲanmiɛn cɛ kpa annzɛ ɔ srɛ i jran su kpa’n sanngɛ like kun o lɛ m’ɔ ti cinnjin tra ngalɛ’n niɔn. ?Yɛle benin?
-
Biblu’n nun ndɛ mɔ be kwla uka e’n:
-
1Fa 18:25-29, 36-39—Kɛ Ɲanmiɛn nuan ijɔfuɛ Eli seli Baali i nuan ijɔfuɛ’m be kɛ be kle kɛ be ɲanmiɛn’n le tinmin’n, be kpan flɛli be ɲanmiɛn’n lelee sanngɛ ɔ yoli ngbɛn.
-
Yol 19:32-41—Efɛzi lɔ amuin sɔfuɛ wie’m be kpan flɛli be amuin bla Atemisi lele dɔ nɲɔn. I ti’n, lika’n sanngannin kpa. Sanngɛ b’a ɲanman like fi. I kpa bɔbɔ’n, kputulɛ yɛ klɔ’n nun ndɛ’m be klɛfuɛ’n kputuli be-ɔ.
-