Erhunmwu
Vbe ima ya rẹn hẹ wẹẹ, e Jehova danmwehọ ima vbe ima ghaa na erhunmwu kevbe wẹẹ, ọ vbe họn erhunmwu ima?
Psm 65:2; 145:18; 1 Jọn 5:14
Vbe ya ghee Psm 66:19; Iwinna 10:31; Hib 5:7
-
Igiemwi ni rre Baibol ni gha sẹtin ru iyobọ nuẹn:
-
1 Ọba 18:36-38—Vbe ẹghẹ ne akhasẹ ighẹ Ẹlaija ya si avbe akhasẹ ọghe Bel evẹn vbe uhunmwu oke Kamẹl, e Jehova keghi họn erhunmwu Ẹlaija vbe ọwara ọkpa nọ ya naẹn
-
Mat 7:7-11—Jesu keghi gi ima rẹn wẹẹ, ọ ma khẹke ne ima gi egbe erhunmwu na na wọọ ima, ọ na vbe gi ima rẹn wẹẹ, e Jehova họn erhunmwu ima, rhunmwuda, Erha nọ hoẹmwẹ ima ẹre nọ
-
De orhunmwu ọkpa nọ khẹke ne Ivbi Otu e Kristi gha na erhunmwu gie?
De eni ọmwa ne ima ya na erhunmwu?
De erhunmwu emwa ne Jehova họn?
De erhunmwu emwa ne Jehova i họn?
Itan 15:29; 28:9; Aiz 1:15; Mai 3:4; Jems 4:3; 1 Pit 3:7
-
Igiemwi ni rre Baibol ni gha sẹtin ru iyobọ nuẹn:
-
Jọs 24:9, 10—E Jehova ma họn erhunmwu ọghe Belam, rhunmwuda, emwi nọ ghaa nọ, ma gua iho ọghe irẹn ro
-
Aiz 1:15-17—Rhunmwuda ne Ivbi Izrẹl ma na ghi gha ya ẹkoata ga e Jehova kevbe ne iran na vbe rriabe esagiẹn, e Jehova ma ghi gha danmwehọ erhunmwu iran
-
De odẹ nọ khẹke ne ima ya mu erhunmwu ọghe ima sẹ ufomwẹ? Vbọzẹ?
1 Krọ 16:36; Psm 41:13; 72:19; 89:52; 1 Kọr 14:16
E Baibol khare wẹẹ esalẹbẹ nọ ra, ne ọmwa diguẹ, ra nọ lovbiẹ, ra nọ mudia, ra nọ tota vbe ọ ghaa na erhunmwu ra?
1 Ọba 8:54; Mak 11:25; Luk 22:39, 41; Jọn 11:41
Vbe ya ghee Jon 2:1
De emwi eso ne eguọmwadia Osanobua gha sẹtin nọ Osanobua re vbe erhunmwu, vbe iran gha si egbe koko gha ga Osanobua?
-
Igiemwi ni rre Baibol ni gha sẹtin ru iyobọ nuẹn:
-
1 Krọ 29:10-19—Ọba e Devid keghi su Ivbi Izrẹl vbe erhunmwu, vbe ẹghẹ ne iran ya gha viọ emwi ne iran mwẹ ladian, ne iran ya ru iyobọ ye iwinna ọgua Osa na khian bọ
-
Iwinna 1:12-14—Avbe ukọ, etiẹn e Jesu, e Meri ne iye Jesu kevbe ikhuo eso ni ya ẹkoata ga Osanobua keghi si egbe koko vbe ughugha ọkpa nọ rre odukhunmwu vbe egedege, iran na koko gha na erhunmwu
-
Vbọzẹ nọ ma na khẹke ne ọmwa nọ na erhunmwu gha ghee egbe ẹre gidii ra nọ gha na erhunmwu vbe odẹ nọ gha ya emwa ọvbehe gha tian rẹn?
Ọ khẹke ne ima gha na erhunmwu ma ke rri evbare ra?
Vbọzẹ nọ ma na khẹke ne ima mianmian erhunmwu na na gie Erha ima nọ rre ẹrinmwi?
Rom 12:12; Ẹfis 6:18; 1 Tẹs 5:17; 1 Pit 4:7
-
Igiemwi ni rre Baibol ni gha sẹtin ru iyobọ nuẹn:
-
Dan 6:6-10—E Daniẹl ne akhasẹ ma gi egbe erhunmwu na na wọọ ọre, agharhemiẹn wẹẹ, a ghaa ya ẹmwẹ uwu ghagha ẹre
-
Luk 18:1-8—Jesu keghi zẹ erre ọghe ọbuohiẹn ọkpa nẹi mu ohan Osanobua; rhunmwuda ne okhuo ọkpa nọ dẹgbẹe na rre do gha rinmwiaẹn nọ bu ohiẹn ata nẹẹn, vbene egbe ma na wọọ ọre, okpia na keghi ru iyobọ nẹẹn. Te Jesu zẹ erre na nọ ya gi ima rẹn wẹẹ, deghẹ ima na gha nọ iyobọ vbe obọ Erha ima nọ rre ẹrinmwi vbene egbe ma na wọọ ima, ọ gha họn erhunmwu ima
-
Ma gha rinmwian Osanobua nọ ya orukhọ ọghe ima bọ ima, de uyinmwẹ nọ khẹke ne ima gha mwẹ, ne Osanobua miehe na họn erhunmwu ima?
2 Krọ 7:13, 14
-
Igiemwi ni rre Baibol ni gha sẹtin ru iyobọ nuẹn:
-
2 Ọba 22:11-13, 18-20—Rhunmwuda ne Ọba e Josaia na mu egbe rriotọ kevbe nọ na gha hoo nọ ru emwi nọ gha ya ẹko rhiẹnrhiẹn e Jehova, e Jehova keghi tohan rẹn
-
2 Krọ 33:10-13—Ọba e Manasẹ keghi mu egbe rriotọ na erhunmwu gie Jehova, rhunmwuda ọni, e Jehova keghi yabọe, ọ na werriegbe muẹn ye ukpo ọba
-
De emwi ne Jehova hoo ne ima ru deghẹ ima hoo nọ yabọ ima?
Ma ghaa na erhunmwu, vbọzẹ nọ na khẹke ne ima tama Osanobua wẹẹ, ma hoo ne emwi hia gha ye vbene ọ gua iho ọghẹe ro?
Vbọzẹ nọ na khẹke nọ dewarorua vbe erhunmwu ne ima na wẹẹ, ma mu ẹtin yan Erha ima nọ rre ẹrinmwi?
De emwi eso nọ khẹke ne ima gha ya unu kaẹn vbe ima ghaa na erhunmwu?
Gi eni Osanobua gha re na kpe huan
Gi Arriọba Osanobua rre, nọ do gha kha yan uhunmwu otagbọn
Gia gha ru emwi ne Jehova hoo
Ne Osanobua kpemehe ne ima
Ne Osanobua ya orukhọ ọghe ima bọ ima
Dan 9:19; Luk 11:4
Ne ima ghẹ de ye edanmwẹ
Ma ghi kpọnmwẹ Osanobua
Ma ghi rinmwian Osanobua nọ ru iyobọ ne ima ya rẹn emwi ne irẹn hoo, ma ghi vbe rinmwiaẹn nọ rhie irẹnmwi kevbe ẹwaẹn ne ima
Itan 2:3-6; Fil 1:9; Jems 1:5
Vbe ya ghee Psm 119:34
-
Igiemwi nọ rre Baibol nọ gha sẹtin ru iyobọ nuẹn:
-
1 Ọba 3:11, 12—Erhunmwu ne Ọba e Sọlomọn naẹn nọ na we ne Jehova rhie ẹwaẹn ne irẹn keghi yẹẹ e Jehova; e Jehova keghi ya ẹwaẹn we ẹre ẹsẹsẹmwẹse
-
Ma sẹtin rinmwian e Jehova nọ rhie orhiọn nọhuanrẹn ne ima
Ma sẹtin na erhunmwu ne etẹn ne ima gba ga, ya sẹ egbe etẹn na zẹ kpokpo
Ma sẹtin rhie urhomwẹ ne Jehova
Psm 86:12; Aiz 25:1; Dan 2:23
-
Igiemwi ni rre Baibol ni gha sẹtin ru iyobọ nuẹn:
-
Luk 10:21—Jesu keghi rhie urhomwẹ ne Erhae sirra emwa, rhunmwuda ne Erhae na ru ẹre, ne emwa ni mu egbe rriotọ gha mwẹ irẹnmwi ọghe ẹmwata
-
Arhie 4:9-11—Ẹgbẹe ọghe Jehova nọ rre ẹrinmwi keghi rhie uyi kevbe urhomwẹ nẹẹn
-
Ma sẹtin rinmwian e Jehova nọ ya obọ kaẹn ekhọe ọghe emwa ni rre ọdakha, ne iran gi ima gha rhie ugamwẹ ne Jehova vbe ọfunmwegbe, ne iran vbe gi ima gha kporhu
Vbe ya ghee Jer 29:7
Ọ khẹke ne ima na erhunmwu vbe ima gha khian dinmwiamẹ ra?
Ọ khẹke ne ima gha na erhunmwu ne emwa ni khian rree ne Jehova ra?
Vbọzẹ ne ikpia i na ya emwi gue uhunmwu vbe iran ghaa na erhunmwu? Vbọzẹ ne ikhuo na zẹdia ya emwi gue uhunmwu vbe iran gha khian na erhunmwu?
Ẹmwata nọ wẹẹ, ọ ma de emwi nọ rhia deghẹ a na na erhunmwu nọ taẹn, ra deghẹ a na gha viẹ ma Osanobua vbe a ghaa na erhunmwu, sokpan, de emwi nọ ghi ru ekpataki sẹ vbe ima ghaa na erhunmwu?
Eve 3:41; Mat 6:7
-
Igiemwi ni rre Baibol ni gha sẹtin ru iyobọ nuẹn:
-
1 Ọba 18:25-29, 36-39—Ẹlaija ne akhasẹ ghi si avbe akhasẹ ọghe Bel evẹn nẹ, iran kegha go tie ẹbọ ọghe iran vbe ọwara ughaẹdẹ eso, sokpan, ọ ma khuẹnniẹn iran
-
Iwinna 19:32-41—Ọwara ughaẹdẹ eva ẹre emwa ni ga ẹbọ na tie ẹre Atẹmis vbe Ẹfisọs ya gha go tie ẹbọ ọghe iran, sokpan, iran ma miẹn emwi fiangbua; ọkaolotu ọghe ẹvbo nii, na ghi tama iran ne iran ghẹ ghi go
-
You May Also Like
NỌ DEKAAN IMA
Tama Ima Ne Ima Do Gu Ruẹ Gha Ruẹ E Baibol Vbe Ọghe Ọhẹ
Gha ruẹ e Baibol vbe ẹghẹ kevbe ehe nọ gha yẹẹ ruẹ.
