Biblia mli sane ni baanyɛ awa bo:

• 1Ma 18:​36-38—Be ni gbalɔ Elia kɛ Baal gbalɔi lɛ kpe yɛ Karmel Gɔŋ lɛ nɔ koni akɛtao mɛi ni jáa anɔkwa Nyɔŋmɔ lɛ, Elia sɔle, Yehowa bo esɔlemɔ lɛ toi ni etsu he nii oya nɔŋŋ

• Mat 7:​7-11—Yesu wo wɔ hewalɛ koni wɔya nɔ wɔsɔle be fɛɛ be, ni ewo wɔ shi akɛ, Yehowa, ni ji Tsɛ ni yɔɔ suɔmɔ lɛ boɔ wɔsɔlemɔ lɛ toi

 Biblia mli sane ni baanyɛ awa bo:

• Yos 24:​9, 10—Yehowa booo nɔ ni Bileam bi ni efee lɛ toi, ejaakɛ nɔ ni ebi lɛ teɔ shi ewoɔ Nyɔŋmɔ suɔmɔnaa nii

• Yes 1:​15-17—Be ni Yehowa webii lɛ batsɔmɔ osatofoi ni amɛye la yi sɔ̃ lɛ, ekpoo akɛ ebaabo amɛsɔlemɔ toi

Biblia mli sane ni baanyɛ awa bo:

• 1Kr 29:​10-19—Be ni Israelbii lɛ jɛ amɛtsuiŋ amɛkɛ nibii hã koni akɛma sɔlemɔ shĩa lɛ, Maŋtsɛ David nyiɛ asafo muu lɛ fɛɛ hiɛ kɛsɔle

• Bɔf 1:​12-14—Bɔfoi lɛ, Yesu nyɛmimɛi hii lɛ, Yesu mami Maria, kɛ yei anɔkwafoi krokomɛi kpe yɛ ŋwɛi asa ko nɔ yɛ Yerusalem ni amɛfee ekome kɛsɔle

Biblia mli sane ni baanyɛ awa bo:

• Dan 6:​6-10—Gbalɔ Daniel le akɛ kɛ́ esɔle lɛ abaanyɛ agbe lɛ, shi fɛɛ sɛɛ lɛ, etee nɔ esɔle ehã Yehowa yɛ faŋŋ mli

• Luk 18:​1-8—Yesu gba nɔkwɛmɔnɔ ko akɛ, kojolɔ ko ni ebuuu gbɔmɔ ehãaa nɔ ko lɛ tsu yoo okulafo ko ni tee eŋɔɔ shii abɔ koni aye jalɛ sane ahã lɛ lɛ nibimɔ lɛ he nii; Yesu kɛ nɔkwɛmɔnɔ lɛ tsɔɔ akɛ, wɔ-Tsɛ ni yeɔ jalɛ sane lɛ baatsu etsuji anibimɔi ahe nii ehã amɛ kɛ́ amɛtee nɔ amɛsɔle kɛhã yelikɛbuamɔ

 Biblia mli sane ni baanyɛ awa bo:

• 2Ma 22:​11-13, 18-20—Akɛni Maŋtsɛ Yosia ba ehe shi ni ebɔ mɔdɛŋ efee nibii ni sa Yehowa hiɛ hewɔ lɛ, Yehowa ná lɛ mɔbɔ ni ekɛ lɛ ye yɛ mlihilɛ mli

• 2Kr 33:​10-13—Maŋtsɛ Manase jɛ heshibaa mli esɔle ni no hã Yehowa kɛ ehe eshai lɛ ke lɛ, ni sɛɛ mli lɛ, Yehowa hã awo lɛ maŋtsɛ ekoŋŋ

 Biblia mli sane ni baanyɛ awa bo:

• 1Ma 3:​11, 12—Be ni Maŋtsɛ Solomon sɔle koni Yehowa ahã lɛ hiɛshikamɔ lɛ, Yehowa ná he miishɛɛ ni ehã lɛ nɔ ni fe nakai po

Biblia mli sane ni baanyɛ awa bo:

• Luk 10:21—Yesu sɔle kɛjie e-Tsɛ lɛ yi yɛ mɛi ahiɛ akɛ ehã heshibalɔi ebale anɔkwale lɛ

• Kpo 4:​9-11—Ŋwɛibɔfoi lɛ jieɔ Yehowa yi ni amɛkɛ woo hãa lɛ

Biblia mli sane ni baanyɛ awa bo:

• 1Ma 18:​25-29, 36-39—Be ni gbalɔ Elia kɛ ewebii lɛ kɛ Baal jálɔi lɛ kpe koni atao kui enyɔ nɛɛ ateŋ mɔ ni jáa anɔkwa Nyɔŋmɔ lɛ, Baal jálɔi lɛ bolɔ waa ŋmɛlɛtswai abɔ kɛtsɛ amɛnyɔŋmɔ lɛ, shi anuuu ehe

• Bɔf 19:​32-41—Wɔŋjalɔi ni yɔɔ Efeso lɛ bolɔ ŋmɛlɛtswai enyɔ sɔŋŋ amɛtsɛ amɛnyɔŋmɔyoo Artemi lɛ, shi nɔ ko jɛɛɛ mli kɛbaaa, moŋ lɛ, maŋ onukpa ko fã amɛ koni amɛkpa nɔ ni amɛfeɔ lɛ