Mboya

THAŨKA

Mboya

Twĩsĩ ata kana Yeova nĩwĩthukĩĩasya na akasũngĩa mboya?

Sav 65:2; 145:18; 1Yo 5:14

O na ĩngĩ sisya Sav 66:19; Mek 10:31; Avl 5:7

Ngewa syĩ Mbivilianĩ itonya kũũtethya:
- 1Asu 18:36-38—Yeova nĩwasũngĩie na mĩtũkĩ mboya ya mwathani Eliya ĩvindanĩ yĩla wakĩlanasya vinya na athani ma Mbaali Kĩĩmanĩ kya Kalimeli
- Mt 7:7-11—Yesũ nĩwatwĩkĩie vinya tũvoyae na kĩthingʼĩĩsyo na nũtũĩkĩĩthĩtye kana Yeova nũtwĩthukĩĩasya ta Ĩthe wĩ wendo

Aklĩsto maĩlĩte kũvoya ũũ e weka?

Sav 5:1, 2; 69:13; Mt 6:9; Avi 4:6

Twaĩlĩte kũvoya ĩsyĩtwanĩ yaũ?

Yoa 15:16; 16:23, 24

Yeova ethukĩĩasya mboya sya aaũ?

Mek 10:34, 35; 1Vt 3:12; 1Yo 3:22; 5:14

Nĩ mboya sya aaũ Yeova ũleaa kwĩthukĩĩsya?

Nth 15:29; 28:9; Isa 1:15; Mika 3:4; Yak 4:3; 1Vt 3:7

Ngewa syĩ Mbivilianĩ itonya kũũtethya:
- Yos 24:9, 10—Yeova ndaaĩthukĩĩsya mboya ya Mbalaamu nũndũ avoyie ũndũ ũtekwosana na kwenda kwa Ngai
- Isa 1:15-17—Yeova nĩwaleile kwĩthukĩĩsya mboya sya andũ make nũndũ nĩmalikĩtwe nĩ ũseleke na maketĩkya nthakame ĩte ĩvĩtyo

Twaĩlĩte kwasya ata ĩtina wa mboya sitũ, na nĩkĩ?

1Mav 16:36; Sav 41:13; 72:19; 89:52; 1Ko 14:16

Yo Mbivilia nĩyonanĩtye kana ve ũndũ mũna twaĩlĩte kwĩkalaa yĩla tũũvoya?

1Asu 8:54; Mko 11:25; Luk 22:39, 41; Yoa 11:41

O na ĩngĩ sisya Yona 2:1

Nĩ maũndũ amwe meva athũkũmi ma Yeova matonya kũvoya yĩla moombana kwondũ wa ũthaithi?

Mek 4:23, 24; 12:5

Ngewa syĩ Mbivilianĩ itonya kũũtethya:
- 1Mav 29:10-19—Mũsumbĩ Ndaviti nĩwavoyie mbee wa ĩkomano ya Isilaeli yĩla andũ maumisye mĩvothi na ngoo ya kwenda kwondũ wa kwaka ĩkalũ
- Mek 1:12-14—Atũmwa, ana-a-inyia ma Yesũ, Meli inyia wa Yesũ, vamwe na aka angĩ aĩkĩĩku, nĩmoombanĩie vamwe nyũmbanĩ ya ĩũlũ yaĩ Yelusaleme nĩ kana mavoye me vamwe

Nĩkĩ ũla ũkũvoya ũtaĩlĩte kwĩtũlya kana kũtata kũtanĩthya ala mamwĩthukĩĩsye?

Mt 6:5; Luk 18:10-14

Wʼo nĩ ũndũ waĩlĩte kũvoya tũtanamba kũya?

Mt 14:19; Mek 27:35; 1Ko 10:25, 26, 30, 31

Nĩkĩ twaĩlĩte kũmũvoyaa Ĩthe waitũ wa ĩtunĩ kĩla ĩvinda?

Alo 12:12; Aev 6:18; 1Th 5:17; 1Vt 4:7

Ngewa syĩ Mbivilianĩ itonya kũũtethya:
- Nda 6:6-10—Mwathani Ndanieli nĩwaendeeie kũmũvoya Yeova ũtheinĩ o ũndũ watwĩe ekaa o na ĩvinda yĩla kwĩka ũu kwaĩ kũtonya kũlikya thayũ wake mũisyonĩ
- Luk 18:1-8—Yesũ nĩwatũmĩie ngelekanyʼo ya mũsili ũtaĩ mũlũngalu weetĩkĩlile kũtetheesya mũndũ mũka waendeeie kũmwĩsũva ate kũeka nĩ kana onanyʼe ũndũ Ĩthe waitũ wa ĩtunĩ, ũla nĩ mũlũngalu, wĩthĩawa eyũmbanĩtye kũtetheesya athũkũmi make maendeea kũmwĩtya ũtethyo

Twaĩle kwĩthĩwa na woni mwaũ ethĩwa nĩtũkwenda Ngai atwĩthukĩĩsye yĩla tũũmũvoya tũimwĩtya ũekeo?

2Mav 7:13, 14

Ngewa syĩ Mbivilianĩ itonya kũũtethya:
- 2Asu 22:11-13, 18-20—Nũndũ Mũsumbĩ Yosia nĩweenyivisye na eekĩa kĩthito amwendeesye Yeova, Ngai nĩwamwĩwʼĩie tei na amwonyʼa ũseo
- 2Mav 33:10-13—Mũsumbĩ Manase nĩwavoyie enyivĩtye na Yeova amũekea na amũtũnga kĩvĩlanĩ kya ũsumbĩ

Yeova endaa twĩke ata ethĩwa nĩtũkwenda atũekee?

Mt 6:14, 15; Mko 11:25; Luk 17:3, 4

Nĩkĩ nĩ ũndũ wa vata tũmũtavye Ngai mboyanĩ sitũ kana nĩtwendaa kwenda kwake kwĩkĩke?

Mt 6:10; Luk 22:41, 42

Nĩkĩ mboya sitũ syaĩle kwonanyʼa kana nĩtũmũĩkĩĩe vyũ Ĩthe waitũ wa ĩtunĩ?

Mko 11:24; Avl 6:10; Yak 1:5-7

Nĩ maũndũ ta meva tũtonya kũweta mboyanĩ?

Kũekewa naĩ sitũ

Nda 9:19; Luk 11:4

Kũsũvĩanwa na matatwa

Mt 6:13

Kũtũnga mũvea

Aev 5:20; Avi 4:6; 1Th 5:17, 18

Kũkũlya tũtetheewʼe kũmanya kwenda kwa Ngai, na tũinengwa ũĩ

Nth 2:3-6; Avi 1:9; Yak 1:5

O na ĩngĩ sisya Sav 119:34

Ngewa yĩ Mbivilianĩ ĩtonya kũũtethya:
- 1Asu 3:11, 12—Yeova nĩwendeeiwʼe mũno yĩla Mũsumbĩ Solomoni wamwĩtisye ũĩ na nĩwamũathimie na ũĩ mwingĩ

Kũkũlya tũnengwe veva mũtheu

Luk 11:13; Mek 8:14, 15

Kũvoyea athaithi ala angĩ o vamwe na ala maendeee kũthĩnwʼa

Mek 12:5; Alo 15:30, 31; Yak 5:16

O na ĩngĩ sisya Ako 4:12; 2Ti 1:3

Kũmũtaĩa Yeova

Sav 86:12; Isa 25:1; Nda 2:23

Ngewa syĩ Mbivilianĩ itonya kũũtethya:
- Luk 10:21—Yesũ nĩwamũtaĩie Ĩthe wake ũtheinĩ nũndũ wa kũvuanĩsya ala meenyivĩtye ta syana nini ũwʼo ũla wĩ Maandĩkonĩ
- Ũvu 4:9-11—Mũsyĩ wa Yeova wa ĩtunĩ nũmũnengae ndaĩa na nguma ĩla ĩmwaĩle

Kũkũlya Yeova alikĩlĩĩle maũndũ nĩ kana ala me na ũkũmũ matũnenge ũthasyo wa kũmũthaitha na kũtavanyʼa

Mt 5:44; 1Ti 2:1, 2

O na ĩngĩ sisya Yel 29:7

Nĩ ũndũ waĩle kũvoya yĩla tũũvatiswa?

Luk 3:21

Wʼo nĩ ũndũ waĩle kũvoya kwondũ wa ala mataendeee nesa kĩ-veva?

Yak 5:14, 15

Nĩkĩ aũme mavoyaa matavwʼĩkĩte mũtwe, na nĩkĩ mavinda amwe aka mavoyaa mavwʼĩkĩte mũtwe?

1Ko 11:2-16

Nĩ kyaũ kĩthĩawa kĩ kya vata kwĩ ũasa wa mboya sitũ kana ũndũ tũkwĩwʼa ngoonĩ yĩla tũũvoya?

Iĩo 3:41; Mt 6:7

Ngewa syĩ Mbivilianĩ itonya kũũtethya:
- 1Asu 18:25-29, 36-39—Ĩvinda yĩla Eliya weeie athani ma Mbaali maĩkĩĩthye kana Mbaali nĩ ngai wa wʼo, athani asu nĩmeekaĩlile Mbaali masaa maingĩ, ĩndĩ mayaakwata ũsũngĩo
- Mek 19:32-41—Athaithi ma mĩvwʼanano ma Eveso nĩmookĩlilye wasya maitaĩa ngai yoo nga yeetawa Alitemi, ĩndĩ mayaatetheka. Vandũ va ũu meekie kwĩwa nĩ mũandĩki wa ndũa kana maendeee kũkĩlya kĩthokoo