Adɩma
Ɛzɩma ɖɩlaba nɛ ɖɩna se Yehowa welisiɣ adɩma nɛ ecosuu a-yɔɔ?
Cɔnɩ ɖɔɖɔ Ke 66:19; Tʋm 10:31; Ebr 5:7
-
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
-
1Aw 18:36-38—Alɩwaatʋ ndʋ nayʋ Eliya nɛ Baalɩ nayaa paawɛ Karmɛɛlɩ Pʋʋ yɔɔ nɛ pɛkpɛzɩɣnɩ ɖama yɔ, Eliya tɩmnɩ Yehowa lɛ, ɛlɛ cosi ɛ-adɩma yɔɔ kpaagbaa
-
Mat 7:7-11—Yesu seɣti-ɖʋ se ɖɩwɛɛ tɩmʋʋ yɔɔ, nɛ ɛha-ɖʋ lidaʋ se ɖa-Caa kʋsɔɔlʋ Yehowa welisiɣni-ɖʋ
-
A-ɖeke pɩwɛɛ se Krɩstʋ mba ɩtɩmna?
A-hɩɖɛ taa pɩwɛɛ se ɖɩtɩmɩ?
Mba adɩma Yehowa welisiɣ?
Mba adɩma Yehowa eewelisiɣ?
Adu 15:29; 28:9; Iza 1:15; Mik 3:4; Yak 4:3; 1Pɩ 3:7
-
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
-
Yoz 24:9, 10—Yehowa tiwelisini Baalam, mbʋ pʋyɔɔ yɔ mbʋ Baalam pɔzɩ-ɩ yɔ pɩtaalakɩ nɔɔ kʋɖʋmaɣ nɛ ɛ-sɔɔlɩm
-
Iza 1:15-17—Yehowa kizaa se eewelisiɣ ɛ-samaɣ adɩma mbʋ pʋyɔɔ yɔ kalakɩ pɩ-tɛɛ nɛ pɩ-yɔɔ lakasɩ nɛ kɛkpɛdɩɣ calɩm
-
Ðoŋ ɖoŋ lɛ suwe ɖɩyɔɔdʋʋ nɛ ɖɩtɛzɩɣnɩ adɩma, nɛ ɛbɛ yɔɔ?
Bibl ɖʋ paɣtʋ se ɛyʋ eluŋ, ɛsɩŋ yaa ɛwɛɛ wɛtʋ natʋyʋ taa koŋ pʋcɔ nɛ ɛtɩmɩ yaa we?
1Aw 8:54; Mak 11:25; Luk 22:39, 41; Yoh 11:41
Cɔnɩ ɖɔɖɔ Yon 2:1
Yehowa sɛyaa kpeɣliɣ pe-kediɣzisi taa lɛ, ɛbɛ yɔɔ mbʋ yɔ papɩzɩɣ nɛ patɩmɩ?
-
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
-
1Kr 29:10-19—Wiyaʋ Daviid kaaɖɛ Izrayɛɛlɩ samaɣ nɔɔ nɛ ɛtɩmnɩ Yehowa alɩwaatʋ ndʋ kaha wondu se pamanɩ templo yɔ
-
Tʋm 1:12-14—Apostoloowaa, Yesu newaa, Yesu ɖoo Maarɩɩ nɛ halaa siɣsiɣ tɩnaa nabɛyɛ, paawɛ ɛsɔdaa kuduyuu nakʋyʋ tɛɛ Yeruzalɛm nɛ patɩmɩɣ nɔɔ kʋɖʋmaɣ taa
-
Ɛbɛ yɔɔ pɩtɩpɔzɩ kpa se weyi ɛtɩmɩɣ yɔ ɛkpazɩ ɛ-tɩ yaa ɛhɔ lalaa lɩmaɣza nɛ ewoni ɛ-tɩ yɔɔ?
Ɛbɛ yɔɔ pɩwɛɛ se ɖɩtɩmɩ pʋcɔ nɛ ɖɩtɔɔ tɔɔnaɣ?
Ɛbɛ yɔɔ pɩfɛyɩ kaaʋ se ɖɩla kaakendu nɛ ɖɩɩtɩmɩɣnɩ Yehowa?
Rom 12:12; Efɛ 6:18; 1Te 5:17; 1Pɩ 4:7
-
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
-
Dan 6:6-10—Nayʋ Danɩyɛɛlɩ tɩmaɣnɩ Yehowa kaɣlaa ɛzɩ ɛtɩɩlakʋʋ yɔ, paa ɛɛnawa se pɩpɩzɩɣ nɛ pɩkɔnɩ-ɩ sɩm yɔ
-
Luk 18:1-8—Yesu tɩŋnɩ tɔm hʋyʋ weyi ɛfɛyɩ siɣsiɣ ɛlɛ ɛnɩɩnɩ halʋ weyi ɛlɛ wɛ ɛ-wayɩ kaŋ kaŋ se ɛhʋʋ ɛ-tɔm siɣsiɣ yɔ ɛ-kɩɖaʋ yɔɔ nɛ ɛwɩlɩ se mba petendiɣ ɖa-Caa siɣsiɣ tʋ kaahɛzaɣ se ɛsɩnɩ-wɛ yɔ, ɛkaɣ-wɛ nɩnʋʋ
-
Adɩma wena ɖɩlakɩ se Ɛsɔ ekpeɣ-ɖʋ yɔ, ye ɖɩsɔɔlaa se ewelisi-yɛ yɔ, wɛtʋ ndʋ pɩwɛɛ se ɖɩwɛɛna?
-
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
-
2Aw 22:11-13, 18-20—Yehowa na Wiyaʋ Yoziyaasɩ pʋtɔdɩyɛ siŋŋ nɛ ɛlabɩ-ɩ camɩyɛ lakasɩ mbʋ pʋyɔɔ yɔ, eluzi ɛ-tɩ nɛ ɛñaɣ pana se ɛ-tɔm ɛkɛdɩnɩ Yehowa
-
2Kr 33:10-13—Wiyaʋ Manaasee luzi ɛ-tɩ nɛ ɛtɩmnɩ Yehowa lɛ, ɛlɛ kpaɣ nɛ ekpeɣ-i nɛ ɛpɩsɩnɩ-ɩ e-kewiyitu
-
Ɛbɛ Yehowa pɔzʋʋ-ɖʋ se ɖɩla pʋcɔ nɛ ɛkpaɣ nɛ ekpeɣ-ɖʋ?
Ɛbɛ yɔɔ pɩwɛɛ se ɖɩtɩmɩ se Ɛsɔ sɔɔlɩm ɛla?
Ɛbɛ yɔɔ pɩcɛyaa se ɖa-adɩma ɩwɩlɩ se ɖɩɩpɩtɩɣ ɖa-Caa weyi ɛwɛ ɛsɔdaa yɔ ɛ-yɔɔ?
Ɛbɛ ɖɩpɩzɩɣ nɛ ɖɩpɔzɩ ɖa-adɩma taa?
Ðɩpɔzɩ se Ɛsɔ hɩɖɛ yɔɔ ɛñalɩ
Ðɩpɔzɩ se Ɛsɔ Kewiyaɣ ɛkɔɔ nɛ keɖiyi tɛtʋ kpeekpe
Ðɩpɔzɩ se Yehowa sɔɔlɩm ɛla
Ðɩpɔzɩ se Ɛsɔ ɛha-ɖʋ mbʋ pɩpɔzʋʋ-ɖʋ tomnaɣ yɔɔ yɔ
Ðɩpɔzɩ se Ɛsɔ ekpeɣ-ɖʋ ɖa-kɩwɛɛkɩm
Ðɩpɔzɩ se Ɛsɔ ɛkandɩyɩ ɖɔ-yɔɔ nɛ ɖɩtaatɔlɩ takɩm taa
Ðɩwɩlɩ Ɛsɔ ɖɛ-ɛsɩmɩyɛ
Ðɩpɔzɩ se Ɛsɔ ɛsɩnɩ-ɖʋ nɛ ɖɩtɩlɩ ɛ-sɔɔlɩm, ɖɩwɛɛnɩ tɔm taa nɩʋ lɛɣtʋ nɛ lɔŋsɩnɖɛ
Cɔnɩ ɖɔɖɔ Ke 119:34
-
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
-
1Aw 3:11, 12—Wiyaʋ Salomɔɔ pɔzɩ Yehowa se ɛha-ɩ lɔŋsɩnɖɛ lɛ, pɩkɛdɩnɩ Yehowa nɛ ɛlɛ ha-ɩ ɖɩ sakɩyɛ
-
Ðɩpɔzɩ fezuu kiɖeɖeu
Ðɩtɩmɩ ɖo-koobiya yɔɔ, pɩkpɛndɩnɩ mba pɛwɛ nazɩm taa yɔ pɔ-yɔɔ
Ðɩtɩmɩ nɛ ɖɩsa Ɛsɔ
-
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
-
Luk 10:21—Yesu sam ɛ-Caa kaɣlaa mbʋ pʋyɔɔ yɔ ɛwɩlɩ toovenim tɔm mba pɛwɛnɩ tɩ luzuu ɛzɩ piya yɔ
-
Nat 4:9-11—Ɛsɔ tiyiyaa haɣ Yehowa samtʋ nɛ hɩɖɛ ɖʋʋ mbʋ ɛmʋnaa yɔ
-
Ðɩpɔzɩ se eseɣti ñʋndɩnaa nɛ paha-ɖʋ waɖɛ nɛ ɖɩsɛɛ Yehowa laŋhɛzɩyɛ taa nɛ ɖisusi ɛyaa tɔm
Cɔnɩ ɖɔɖɔ Yer 29:7
Pɩmʋnaa se ɖɩtɩmɩ alɩwaatʋ ndʋ pamɩyɩsɩɣ-ɖʋ lɩm yɔ?
Pɩmʋnaa se ɖɩtɩmɩ mba pɩwɩɣ-wɛ fezuu taa yɔ pɔ-yɔɔ?
Ðoŋ ɖoŋ lɛ ɛbɛ yɔɔ abalaa iihuuzuu pa-ñʋŋ yɔɔ alɩwaatʋ patɩmɩɣ yɔ, nɛ ɛbɛ yɔɔ pɩpɔzʋʋ nabʋyʋ taa se halaa ite pa-ñʋŋ alɩwaatʋ ndʋ patɩmɩɣ yɔ?
Ɛbɛ tɔm cɛyaa nɛ pɩkɩlɩ ɖa-adɩma ɖaɣlɩkɩŋ yaa tɔm ndʋ ɖɩyɔɔdʋʋ a-taa yɔ?
-
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
-
1Aw 18:25-29, 36-39—Nayʋ Eliya nɛ Baalɩ nayaa pɛkpɛzaɣnɩ ɖama lɛ, Baalɩ nayaa tɩmnɩ pɛ-ɛsɔ ñɩɣtʋ sakɩyɛ ɛlɛ eticosi
-
Tʋm 19:32-41—Sɩɩnaa layaa mba paawɛ Efɛɛzɩ yɔ, paamabɩ kubusi nɛ peteɣ hendu ɛsɔ halɩñɩnʋ Arɩtemiisi ñɩɣtʋ 2, nɛ pɩtɛmna se tɛtʋ taa ñʋndɩnaa heyi-wɛ se peyele labʋ ñam ñam lakasɩ
-