တၢ်အဒိအတဲာ်လၢ လံာ်စီဆှံပူၤ–

• ၁ စီၤပၤ ၁၈:၃၆-၃၈—ဖဲဝံအ့ၤလံယၤ ထီဒါလိာ်သးဒီး ဘဧၤလးအဝံတဖၣ် လၢကစၢၢ်ကၢ်မ့ၤလးအခါ ယဟိဝၤယွၤ စံးဆၢဝံအ့ၤလံယၤ အတၢ်ထုကဖၣ် လၢအဆိအချ့.

• မး ၇:၇-၁၁—ယ့ၣ်ၡူးဟ့ၣ်ဂံၢ်ဟ့ၣ်ဘါပှၤလၢ ပကဆဲးဃ့ထုကဖၣ်တၢ်ထီဘိ. ဒီးအတဲဝဲလၢ ယဟိဝၤယွၤ လီၤဂာ်ဒီး ပါလၢအအိၣ်ဒီးတၢ်အဲၣ်တၢ်ကွံ အဃိ အကဒိကနၣ် ပတၢ်ထုကဖၣ်.

တၢ်အဒိအတဲာ်လၢ လံာ်စီဆှံပူၤ–

• ၡူ ၂၄:၉, ၁၀—စီၤဘံးလၣ် အတၢ်ဃ့န့ၣ် ထီဒါလိာ်သးဒီး ယဟိဝၤယွၤ အတၢ်ဘၣ်သးအဃိ ယဟိဝၤယွၤ တဒိကနၣ် အတၢ်ထုကဖၣ်ဘၣ်.

• ၡါ ၁:၁၅-၁၇—ယဟိဝၤယွၤ အပှၤဂီၢ်မုၢ်တဖၣ် တမၤတၢ်တီတီလိၤလိၤဘၣ် ဒီးအဝဲသ့ၣ်အစုပှဲၤဒီး တၢ်သွံၣ်အဃိ ယဟိဝၤယွၤ တဒိကနၣ်အဝဲသ့ၣ် အတၢ်ထုကဖၣ်ဘၣ်.

တၢ်အဒိအတဲာ်လၢ လံာ်စီဆှံပူၤ–

• ၁ ကွဲး ၂၉:၁၀-၁၉—ဖဲပှၤအံၣ်စရ့လးဖိတဖၣ် ဟ့ၣ်လီၤတၢ်ဟ့ၣ် လၢ ပှၤကတ့ထီၣ် တၢ်လုၢ်ဟံၣ်အဂီၢ်အခါ စီၤပၤဒၤဝံး ဃ့ထုကဖၣ်လၢ အဝဲသ့ၣ်မဲာ်ညါ.

• မၤတၢ် ၁:၁၂-၁၄—ယ့ၣ်ၡူးအဒီပုၢ်ဝဲၢ်ခွါတဖၣ်, အမိနီၢ်မၤရံ ဒီးပိာ်မုၣ်တနီၤလၢ အအိၣ်ဒီးတၢ်သးတီန့ၣ် အဝဲသ့ၣ်အိၣ်ဝဲလၢ ယရူၤၡလ့ၣ်အပူၤ လၢဒၢးတဖျၢၣ်လၢ ဟံၣ်ဖီခိၣ်တတီၤ ဒီးဃ့ထုကဖၣ်တၢ်တပူၤဃီ.

တၢ်အဒိအတဲာ်လၢ လံာ်စီဆှံပူၤ–

• ဒၤ ၆:၆-၁၀—စီၤဒၤနံးယ့လး မ့ၢ်ဘၣ်သံလၢ အဃ့ဘါထုကဖၣ်လၢ ယဟိဝၤယွၤ အအိၣ်သနာ်က့ အတပျံၤတၢ်ဘၣ် ဒီးဆဲးဃ့ထုကဖၣ်ပျီပျီ.

• လူၤ ၁၈:၁-၈—ယ့ၣ်ၡူးသူဝဲ တၢ်အဒိတခါလၢ ဘၣ်ဃးဒီး စံၣ်ညီၣ်ကွီၢ်တဂၤလၢ အတပျံၤ ကစၢ်ယွၤဘၣ်န့ၣ် အဝဲစံၣ်ညီၣ်န့ၢ်တၢ်လၢ မုၣ်ကမဲတဂၤအဂီၢ် တီတီလိၤလိၤ. အဃိ ယ့ၣ်ၡူးအဲၣ်ဒိး ပာ်ဖျါထီၣ်ဝဲလၢ ယဟိဝၤယွၤန့ၣ် အတီအလိၤအဃိ ပမ့ၢ်ဆဲးဃ့တၢ်လၢ အအိၣ်န့ၣ် အကမၤစၢၤပှၤ.

တၢ်အဒိအတဲာ်လၢ လံာ်စီဆှံပူၤ–

• ၂ စီၤပၤ ၂၂:၁၁-၁၃, ၁၈-၂၀—စီၤပၤယိၤၡံယၤ ဆီၣ်လီၤအသး ဒီးမၤတၢ်လၢအဘၣ် ယဟိဝၤယွၤ အသးအဃိ ယဟိဝၤယွၤ ပာ်ဖျါထီၣ်တၢ်သးကညီၤ ဒီးတၢ်သူၣ်ဂ့ၤသးဝါ လၢအဖီခိၣ်.

• ၂ ကွဲး ၃၃:၁၀-၁၃—စီၤပၤမနၤၡ့ၤ ဆီၣ်လီၤအသး ဒီးဃ့ကညးဝဲလၢ ယဟိဝၤယွၤ ကပျၢ်ကွံာ်အတၢ်ကမၣ်. ဒီးယဟိဝၤယွၤ ပျၢ်ကွံာ်အတၢ်ကမၣ် ဒီးပာ်ထီၣ်က့ၤအီၤလၢစီၤပၤ.

တၢ်အဒိအတဲာ်လၢ လံာ်စီဆှံပူၤ–

• ၁ စီၤပၤ ၃:၁၁, ၁၂—စီၤပၤၡလိၤမိၤ ဃ့ဝဲလၢ ယဟိဝၤယွၤ ကဟ့ၣ်အီၤတၢ်ကူၣ်သ့. ဒီးယဟိဝၤယွၤ ဘၣ်သူၣ်ဘၣ်သးဝဲ အတၢ်ဃ့အဃိ ယဟိဝၤယွၤ ဟ့ၣ်အီၤတၢ်ကူၣ်သ့ ဒီးတၢ်သ့ၣ်ညါနၢ်ပၢၢ်အါမး.

တၢ်အဒိအတဲာ်လၢ လံာ်စီဆှံပူၤ–

• လူၤ ၁၀:၂၁—ပှၤလၢအဆီၣ်လီၤအသး ဒ်ဖိသၣ်အသိးန့ၣ် ယဟိဝၤယွၤ ပာ်ဖျါထီၣ်န့ၢ်အဝဲသ့ၣ် လၢတၢ်မ့ၢ်တၢ်တီ. အဃိ ယ့ၣ်ၡူးစံးပတြၢၤဝဲ အပၢ်ယဟိဝၤယွၤ.

• လီၣ် ၄:၉-၁၁—ယဟိဝၤယွၤန့ၣ် အကြၢးဒီးတၢ်လၤတၢ်ကပီၤအဃိ မူခိၣ်ကလူးတဖၣ် မၤလၤကပီၤအီၤ.

တၢ်အဒိအတဲာ်လၢ လံာ်စီဆှံပူၤ–

• ၁ စီၤပၤ ၁၈:၂၅-၂၉, ၃၆-၃၉—ဝံအ့ၤလံယၤ တဲဆဲးအဲး ဘဧၤလး အဝံတဖၣ် အဃိ ဘဧၤလး အဝံတဖၣ် ဃ့ထုကဖၣ်တၢ် ဒီးအဝဲသ့ၣ် ကိးထီၣ်အကစၢ်ယွၤ ဘဧၤလး လၢအနၣ်ရံၣ်တဖၣ် တုၤလီၤလၢ ဟါခီသနာ်က့ ဘဧၤလး တစံးဆၢအဝဲသ့ၣ်ဘၣ်.

• မၤတၢ် ၁၉:၃၂-၄၁—ပှၤဘူၣ်ထီၣ်ဘါထီၣ် တၢ်ဂီၤတၢ်ဖှီၣ်လၢ ဝ့ၢ်အ့းဖ့းစူးအပူၤန့ၣ် ကိးပသူထီၣ်ဝဲ ကစၢ်မုၣ် နီၢ်အၢ်တ့းမံၤ အမံၤခံနၣ်ရံၣ်ညါ ဘၣ်ဆၣ် တၢ်တကဲထီၣ် နီတမံၤဘၣ်. တကးဒံးဘၣ် ပှၤဘၣ်မူဘၣ်ဒါတဂၤ ဒူအဝဲသ့ၣ်.