Tshilejilu tshia mu Bible:

• 1Bk 18:36-38—Pavua muprofete Eliya muenze disambila pa mukuna wa Kâmele kumpala kua baprofete ba Bâla, Yehowa wakamuandamuna diakamue

• Mat 7:7-11—Yezu udi utukankamija bua kusuminyina mu disambila, utujadikila ne: bu mudi Yehowa Tatu wa dinanga, udi ututeleja

Tshilejilu tshia mu Bible:

• Yos 24:9, 10—Yehowa kakateleja Balâma to, bualu tshivuaye mulombe tshivua tshibengangana ne disua diende

• Yes 1:15-17—Bu muvua bena Isalele balue bena lubombo, bikale ne dibanza dia mashi, Yehowa kavua uteleja masambila abu to

Tshilejilu tshia mu Bible:

• 1Ku 29:10-19—Mukalenge Davidi wakasambila kumpala kua bena Isalele pavuabu bafila bintu ku budisuile bua kuibaka nabi ntempelo

• Bz 1:12-14—Bapostolo, bana babu ne Yezu, Mariya mamuende wa Yezu, ne bantu bakaji bakuabu ba lulamatu bavua mu nzubu wa kuulu mu Yelushalema basambila pamue

Tshilejilu tshia mu Bible:

• Dan 6:6-10—Danyele wakatungunuka ne kusambila muaba uvua bakuabu mua kumumona nansha muvuabu mua kumushipa

• Luk 18:1-8—Yezu wakafila tshilejilu tshia mulumbuluishi mubi wakambuluisha mukaji mukuabu uvua musuminyine ne kumulomba bua akose tshilumbu tshiende biakane. Wakafila tshilejilu atshi bua kuleja ne: Tatu wetu neatuteleje petu tuetu tutungunuka ne kumusambila

Tshilejilu tshia mu Bible:

• 2Bk 22:11-13, 18-20—Bu muvua mukalenge Yoshiya mudipuekeshe mukebe bua kusankisha Yehowa, Yehowa wakamufuila luse ne wakamuenzela malu mimpe

• 2Ku 33:10-13—Mukalenge Manashe wakadipuekesha kulombaye Yehowa luse. Yehowa wakamufuila luse kumupingajaye mu bukalenge

Tshilejilu tshia mu Bible:

• 1Bk 3:11, 12—Yehowa wakasanka pavua mukalenge Solomo mumulombe meji, wakamupeshawu a bungi

Tshilejilu tshia mu Bible:

• Luk 10:21—Yezu wakatumbisha Tatu wende kumpala kua bantu bua muvuaye musokoluele bena budipuekeshi bavua bu bana batekete bulelela

• Bua 4:9-11—Banjelu batu bapesha Yehowa bunême ne butumbi bidi bimukumbanyine

Tshilejilu tshia mu Bible:

• 1Bk 18:25-29, 36-39—Baprofete ba Bâla bakenza tshivua Eliya mubambile, kusambilabu nzambi wabu misangu ne misangu kadi kakabandamuna to

• Bz 19:32-41—Batendeledi ba mpingu ba ku Efeso bakabila nzambi mukaji Atemise munda mua mêba abidi, kadi kakabandamuna to; nunku mufundi munene wa mu tshimenga wakabatandisha