Mehlala ya batho ba ka Beibeleng yeo e ka go thušago:

• 1Dik 18:​36-38—Moporofeta Eliya o rapela Jehofa a le Thabeng ya Karamele gomme o nyaka go bontšha baporofeta ba Baali gore Jehofa ke yena Modimo a nnoši wa nnete. Ka gona, Jehofa o mo araba kapelapela

• Mat 7:​7-11—Jesu o re kgothaletša go phegelela thapelong e bile o re kgonthišetša gore Jehofa o tlo re theetša ka ge a re rata

 Mehlala ya batho ba ka Beibeleng yeo e ka go thušago:

• Jos 24:​9, 10—Jehofa ga a theetše thapelo ya Bileama ka gobane o kgopela seo se sa dumelelanego le thato ya gagwe

• Jes 1:​15-17—Jehofa ga a theetše dithapelo tša setšhaba sa gagwe ka ge se sa botege e bile se na le molato wa madi

Mehlala ya batho ba ka Beibeleng yeo e ka go thušago:

• 1Kr 29:​10-19—Kgoši Dafida o rapela pele ga setšhaba sa Isiraele ka morago ga gore se ntšhetše Jehofa moneelo wa go aga tempele

• Dit 1:​12-14—Baapostola, bana babo Jesu, Maria mmago Jesu le basadi ba bangwe bao ba botegago ba ka phaphošing ya ka godimo kua Jerusalema gomme ba a rapela

Mehlala ya batho ba ka Beibeleng yeo e ka go thušago:

• Dan 6:​6-10—Le ge moporofeta Daniele a tšhošetšwa ka gore o tlo bolawa, o tšwela pele a rapela Jehofa a le moo batho ba bangwe ba ka kgonago go mmona

• Lu 18:​1-8—Jesu o diriša papišo ya moahlodi yo a sa lokago, yoo a ilego a thuša mosadi yo a bego a dula a mo kgopela gore a kgonthišetše gore o swarwa ka toka. O dirile papišo yeo go bontšha gore Tatago rena yo a lokilego o dula a ikemišeditše go theetša bahlanka ba gagwe bao ba dulago ba mo kgopela thušo

Mehlala ya batho ba ka Beibeleng yeo e ka go thušago:

• 2Dik 22:​11-13, 18-20—Ka ge Kgoši Josia a ikokobetša e bile a nyaka go dira dilo tšeo di kgahlago Jehofa, Jehofa o a mo gaugela e bile o mo swara ka botho

• 2Kr 33:​10-13—Kgoši Manase o rapela Jehofa a ikokobeditše gomme Jehofa o a mo lebalela e bile o mmušetša gore e be kgoši gape

Mehlala ya batho ba ka Beibeleng yeo e ka go thušago:

• 1Dik 3:​11, 12—Jehofa o kgahlwa ke gore Kgoši Solomone o mo kgopela gore a mo fe bohlale gomme yena a mo dira gore a be bohlale kudu

Mehlala ya batho ba ka Beibeleng yeo e ka go thušago:

• Lu 10:21—Jesu o tumiša Tatagwe pele ga batho ka ge a dirile gore batho bao ba ikokobeditšego go swana le bana ba tsebe nnete

• Kut 4:​9-11—Barongwa ba hlompha Jehofa le go mo nea letago

 Mehlala ya batho ba ka Beibeleng yeo e ka go thušago:

• 1Dik 18:​25-29, 36-39—Baporofeta ba Baali ba fetša diiri tše dintšhi ba rapela modimo wa bona e le ge ba nyaka go bontšha Eliya gore o fošitše, eupša modimo yoo wa bona ga a ba arabe

• Dit 19:​32-41—Barapedi ba medimo ya diswantšho ba Efeso ba fetša diiri tše pedi ba goeletša modimo wa bona e lego Aratemise, eupša ga a ba kwe gomme ka morago bangwaledi ba motse ba ba laela gore ba homole