Mañakuy
¿Imaraykutaj ninchej Jehová Dios mañakuykunasninchejta uyarisqanta, kutichiwasqanchejta ima?
Leerillaytaj Sl 66:19; Hch 10:31; Heb 5:7.
Chaymanta parlaj versículos:
1Re 18:36-38. Eliasqa Carmelo orqopi Baalpa profetasninpa ñaupaqenpi Diosmanta mañakorqa, Jehovataj chay rato mañakuyninta uyarerqa.
Mt 7:7-11. Jesusqa niwanchej munakuyniyoj Tatanchej Jehovamanta mañakunallatapuni, paytaj mañakuyninchejta uyariwasqanchejta.
¿Pillamantataj mañakunanchej tiyan?
¿Pejpa sutinpitaj mañakunchej?
¿Pikunaj mañakusqankutataj Jehová uyarin?
¿Pikunaj mañakusqankutataj Jehová mana uyarinchu?
Pr 15:29; 28:9; Isa 1:15; Miq 3:4; Snt 4:3; 1Pe 3:7
Chaymanta parlaj versículos:
Jos 24:9, 10. Jehovaqa Balaamta mana uyarerqachu, imaraykuchus paypa mañakusqanqa mana Diospa munayninman jinachu karqa.
Isa 1:15-17. Jehovaqa israelitaspa mañakusqankuta mana uyarerqachu, paykuna puraj uyas kasqankurayku, makisninkupis yawarwan juntʼa kasqanrayku.
¿Imatataj ninchej mañakuyta tukuchashaspa? Chanta, ¿imaraykutaj chayta ninchej?
¿Biblia ninchu qonqoriykukuspapuni mañakuna kasqanta?
Diosta yupaychanapaj tantakushaspa, ¿imastataj Diosmanta mañakusunman?
Chaymanta parlaj versículos:
1Cr 29:10-19. Israelitasqa ni pej mañasqallan templopaj ofrendasta aparqanku. Rey Davidtaj chaypacha tukuy runaspa ñaupaqenpi Diosmanta mañakorqa.
Hch 1:12-14. Apostoleswan, Jesuspa mamanwan, hermanosninwan, Diosta kasukoj waj warmiswan ima Jerusalenpi uj wasej alto patanpi khuska Diosmanta mañakorqanku.
Diosmanta mañakushaspa, ¿imaraykutaj manapuni jatunchakunachu tiyan, nitaj wajkunata tʼukuchinapaj jinachu mañakuna tiyan?
¿Imaraykutaj manaraj mikhushaspa mañakunanchej tiyan?
¿Imaraykutaj cielopi kashaj Tatanchejmanta mañakuyta manapuni saqenanchejchu tiyan?
Ro 12:12; Ef 6:18; 1Te 5:17; 1Pe 4:7
Chaymanta parlaj versículos:
Da 6:6-10. Profeta Danielqa mana pakakuspa Jehovamanta mañakullarqapuni, chayta ruwajtin kausaynin wañuy patapi kajtinpis.
Lu 18:1-8. Jesusqa nerqa uj mana cheqan juez uj warmipaj justiciata ruwapusqanta, chay warmi kutin kutita mayta mañakusqanrayku. Jesusqa chayta nispa sutʼincharqa cheqan kajta ruwaj Tatanchej, kamachisnin mana saykʼuspa mañakusqankuta uyarisqantapuni.
Diosmanta perdonta mañakushaspa, ¿imayna sonqowantaj mañakunanchej tiyan?
Chaymanta parlaj versículos:
2Re 22:11-13, 18-20. Rey Josiasqa kʼumuykukorqa, Diosta kusichinanpajtaj kallpachakorqa, chayrayku Jehová paywan may kʼacha karqa, paymantataj khuyakorqa.
2Cr 33:10-13. Rey Manasesqa kʼumuykukoj sonqowan Diosmanta mañakorqa, chayraykutaj Jehová payta perdonarqa, watejmantataj reyta jina churarqa.
Jehová perdonanawanchejta munanchej chay, ¿imatataj ruwana tiyan pay perdonanawanchejpaj?
Diosmanta mañakushaspa, ¿imaraykutaj Diospa munaynin ruwakunanta mañakunanchej tiyan?
Diosmanta mañakushaspa, ¿imaraykutaj pay uyarinawanchejpi creenanchej tiyan?
¿Imastataj Diosmanta mañakusunman?
Sutin jatunchasqa kananta
Gobiernon jamunanta, kay jallpʼata kamachimunanta ima
Munaynin ruwakunanta
Necesitasqanchej imasta qonawanchejta
Juchasninchejta perdonanawanchejta
Ama juchaman urmajta saqenawanchejta
Agradecekusunman
Allinta entiendenapaj, yachayniyoj kanapaj, munayninmantapis yachakunapaj yanapanawanchejta
Leerillaytaj Sl 119:34.
Chaymanta parlaj versículos:
1Re 3:11, 12. Jehovaqa kusikorqa rey Salomón yachayniyoj kayta mañakusqanmanta, chay mañakusqantataj mana michʼakuspa qorqa.
Espíritu santota qonawanchejta
Hermanosninchejta yanapananta, qhatiykachasqas kashanku chay hermanostapis yanapananta
Jehovata jatunchasunman chayri alabasunman
Autoridadespa sonqonkuta kuyurichinanta, ajinamanta willanallapajpuni, sonqo tiyasqataj payta yupaychanapaj
Leerillaytaj Jer 29:7.
¿Bautizakushaspa mañakunanchej allinchu?
¿Jehovamanta karunchakushanku chaykunapaj mañapunanchej allinchu?
¿Imaraykutaj qharis Diosmanta mañakushaspa mana umankuta qhatakunkuchu? Chanta, ¿imaraykutaj warmis wakin kutis Diosmanta mañakushaspa umankuta qhatakunku?
Wakenqa ninku unayta mañakuna kasqanta chayri mayta waqaspa mañakuna kasqanta. Jinapis, ¿imatataj Diosninchej astawan qhawan?
Chaymanta parlaj versículos:
1Re 18:25-29, 36-39. Profeta Elías Baalpa profetasninta nerqa Baal cheqa dios kasqanta rikuchinankuta. Chay profetastaj ashkha horasta Baal diosninkumanta mañakorqanku, jinapis chay mañakusqankoqa qhasilla karqa.
Hch 19:32-41. Éfeso llajtamanta ashkha runasqa iskay horastapuni jatunmanta qhaparispa Ártemis diosankuta jatuncharqanku. Jinapis chay ruwasqankoqa qhasilla karqa, llajtamanta alcaldewantaj rimachikorqanku.
Kaykunatapis qhawaykurillawajtaj
JESUSMIN ÑAN, CHEQA KAJTAJ, KAUSAYTAJ
Diosmanta mañakuna, kʼumuykukoj sonqotaj kana
¿Imatataj Jesús yachacherqa mana cheqan kajta ruwaj juezmanta, viudamantawan parlaspa?
TORREMANTA QHAWAJ
Diosmanta mañakuy, ¿imaynatá yanapawanchej?
Diosmanta mañakuytapuni yachanki chay, ¿imatá suyakuwaj?
BIBLIAMANTA TAPUYKUNA
¿Uyariwanchejchu Dios paymanta mañakojtinchej?
Dios uyarinawanchejpajqa, munasqanman jina paymanta mañakunanchej tiyan.
