Diosman mañakushun
¿Imanötan musyantsik mañakunqantsikta Jehovä wiyanqanta?
Kë textukunatapis leyi: Sl 66:19; Hch 10:31; Heb 5:7.
-
Bibliachö willakunqan:
-
1Rë 18:36-38. Carmëlu jirkachö Baal niyanqan santuta adoraqkunawan këkarmi Elïasqa Jehoväman mañakurqan, y Jehoväqa jinan höram mañakunqanta rurarqan.
-
Mt 7:7-11. Jesusqa mañakur sïguinapaqmi nimantsik, y kuyakoq Teytantsik karnin Jehovä wiyamänapaq kaqtam nimantsik.
-
¿Pillamantan cristiänukunaqa mañakuyanman?
¿Pipa jutinchötan mañakunantsik?
¿Pikuna mañakuyanqantataq Jehoväqa wiyan?
¿Pikuna mañakuyanqantataq Jehoväqa wiyantsu?
Pr 15:29; 28:9; Is 1:15; Miq 3:4; Snt 4:3; 1Pë 3:7
-
Bibliachö willakunqan:
-
Jos 24:9, 10. Jehoväqa manam Balaam mañakunqanta wiyarqantsu voluntänimpa contran kaptin.
-
Is 1:15-17. Israelïtakuna mana allikunata rurayaptin y nuna mayinkunata wanutsiyaptinmi Jehoväqa mañakuyanqanta wiyarqantsu.
-
Mañakur usharirqa, ¿imatataq nintsik y imanir?
¿Bibliachöqa ninku imëpis qonqurikuykur-raq Diosman mañakunapaq?
Diosta adoranapaq juntakarqa, ¿imakunatataq mañakushwan?
-
Bibliachö willakunqan:
-
1Cr 29:10-19. Jehoväpa templumpaq qarëkunata apar ushariyaptinmi Davidqa llapan israelïtakunapa puntanchö Jehoväman mañakurqan.
-
Hch 1:12-14. Apostolkuna, Jesuspa mamänin, Jesuspa wawqinkuna y atska warmikunam juk wayipa altusninchö mañakuyaq.
-
¿Imanirtan jukkuna rikämänata o alabamänantsikta munarllaqa mañakunantsiktsu?
¿Imanirtan mikunapaqqa imëpis mañakunantsik?
¿Imanirtan Jehoväman mañakuytaqa qonqanantsiktsu?
Ro 12:12; Ef 6:18; 1Te 5:17; 1Pë 4:7
-
Bibliachö willakunqan:
-
Da 6:6-10. Vïdan peligruchö kaptimpis Danielqa manam Diosman mañakuyta dejarqantsu.
-
Lü 18:1-8. Jesusmi willakurqan juk viuda justiciata rurayänanta munar juk juezman kutin kutin ëwanqanta, tsënöpam tsë mana alli juez justiciata rurarqan. Tsënömi Jesusqa rikätsikurqan Teytantsik Jehoväman kutin kutin mañakushqaqa masraq wiyamänapaq kaqta.
-
¿Imanötan mañakunantsik Jehovä perdonamänapaq?
-
Bibliachö willakunqan:
-
2Rë 22:11-13, 18-20. Humildi kaptin y Jehovä mandanqankunata cäsukunampaq kallpachakuptinmi Jehoväqa gobernanti Josïasta llakiparqan y shumaq tratarqan.
-
2Cr 33:10-13. Manasesqa humildi karmi perdonëkunampaq Jehoväta mañakurqan, tsëmi Jehoväqa perdonarqan y yapë gobernanti kanampaq churarqan.
-
¿Imatataq ruranantsik Jehovä perdonamänata munarqa?
¿Imanirtan mañakurninqa Jehoväpa voluntänin cumplikänampaq mañakushwan?
¿Imanirtan mañakunqantsikta Diosnintsik wiyamänapaq kaqman confiakushwan?
¿Imakunapaqtan mañakushwan?
Alli entiendeq kanapaq, yachaq kanapaq y Jehoväpa voluntänin ima kanqanta musyanapaq
Kë textutapis leyi: Sl 119:34.
-
Bibliachö willakunqan:
-
1Rë 3:11, 12. Gobernanti Salomonqa alli yachaq kanampaqmi Jehoväta mañakurqan, y tsënö mañakunqanqa Jehoväta alläpam gustarqan, tsëmi yachaq kanampaq yanaparqan.
-
Cristiänu mayintsikkunata yanapëkunampaq, y masqa chikir sufritsiyaptin
Diospa Gobiernun Patsata gobernamunampaq
Diospa jutin respetashqa kanampaq
Jehoväpa voluntänin cumplikänampaq
Jehoväta agradecikunapaq
Jehoväta alabanapaq
Jehoväta sirwinata autoridäkuna permitimänapaq
Kë textutapis leyi: Jer 29:7.
Jutsaman mana ishkinapaq yanapëkamänapaq
Jutsantsikkunata Jehovä perdonamänapaq
Kawanapaq necesitanqantsikkuna mana faltamänapaq
Santu espïritunwan yanapamänapaq
¿Alliku kanman bautizakunqantsik höra Jehoväman mañakushqa?
¿Mañakushwanku Jehoväta sirwiyanqanchö mana alli këkaqkunapaq?
¿Imanirtan ollqukunaqa mañakurnin peqankunata o umankunata tsapakuyantsu? Y warmikuna mañakurninqa, ¿imanirtan höraqa peqankunata tsapakuyan?
Wakinkunaqa pensayan atska hörakunapa y waqar-raq mañakunqantsik mas alli kanqantam, ¿peru Jehoväpaqqa imatan masqa välin?
-
Bibliachö willakunqan:
-
1Rë 18:25-29, 36-39. Baal niyanqan santuta adoraqkunaqa tardiyanqanyaqmi mañakuyarqan, peru tsë santunkunaqa manam mañakuyanqanta wiyayarqantsu ni cäsuyarqantsu.
-
Hch 19:32-41. Ëfesuchö nunakunaqa ishkë höram Artemis niyanqan santunkunaman büllata rurar mañakuyarqan, tsëmi tsë markachö alcaldiqa alläpa büllata rurayaptin qayaparqan.
-
Capaz këkunapis gustashunki
JESUSMI NÄNI, RASUMPA KAQ Y KAWËQA
Diosman mañakï y humildi këqa alläpam precisan
Mana allita ruraq juezpita y viudapita willakurmi, Jesusqa rikätsikurqan juk alläpa precisaq yachatsikïta.
TÄPAKOQ
¿Imanirtan Jesuspa jutinchö Jehoväman mañakunantsik?
Wanukunampaqqa Jesus kë Patsachö këkarmi, Dioswan amïgu kanapaq juk mushoq nänita kicharqan.
REQIYÄMË
¿Munankimanku visitayänaqta?
¿Munankiku Bibliapita maslla yachakuyta o Jehoväpa testïgunkuna imanö kayanqanta musyëta?
