Pitsandzo pya m’Bhibhlya pyakuti pinatiphedza:

• 1Am 18:36-38—Mu ndzidzi ukhaketesana Eliya na aprofeta a Bhaale Paphiri ya Karmelo, Yahova atawira mwakucimbiza phembero ya mprofeta wace wakukhulupirika.

• Mat 7:7-11—Yezu atiwangisa toera tipitirize kucita phembero, pontho atipasa cinyindiro cakuti Yahova ndi Baba waufuni wakuti asabvesera maphembero athu.

Pitsandzo pya m’Bhibhlya pyakuti pinatiphedza:

• Yos 24:9, 10—Yahova nee abvesera Bhalamu thangwi pidaphemba iye nee pikhabverana na cifuno ca Mulungu.

• Iza 1:15-17—Yahova nee abvesera maphembero a mbumba yace thangwi iwo akhali ampfakafaka, pontho akhali na mulando wa ciropa.

Pitsandzo pya m’Bhibhlya pyakuti pinatiphedza:

• 1Kr 29:10-19—Mambo Dhavidhi aimirira mbumba ya Izraeli mbacita phembero pidamala iwo kucita pyakupereka toera kumanga templo.

• Mab 1:12-14—Apostolo, abale ace Yezu, Mariya (mai wace Yezu) na akazi anango akukhulupirika agumanyikana mu sala yandzulu mu Yerusalemu mbacita phembero pabodzi.

Pitsandzo pya m’Bhibhlya pyakuti pinatiphedza:

• Dha 6:6-10—Maseze mprofeta Dhanyeli akhali pangozwi yakuphiwa, iye apitiriza kucita phembero pakweca kuna Yahova.

• Luk 18:1-8—Yezu alonga pya nyakutonga miseru wakuti nee akhagopa Mulungu adaphedza nkazi wakuti akhapitiriza kuphemba kucitirwa ulungami, toera kupangiza kuti Babathu wakulungama anatawira maphembero athu tingapitiriza kum’phemba.

Pitsandzo pya m’Bhibhlya pyakuti pinatiphedza:

• 2Am 22:11-13, 18-20—Yahova akhali wakukoma ntima, pontho abvera ntsisi Mambo Yosiya thangwi iye akhali wakucepeseka mbacita pikhakomeresa Yahova.

• 2Kr 33:10-13—Mambo Manase acepeseka mbadembetera Yahova toera amulekerere, natenepa Yahova amulekerera mban’khazikisa pontho ninga mambo.

Citsandzo ca m’Bhibhlya cakuti cinatiphedza:

• 1Am 3:11, 12—Pidaphemba Mambo Salomoni udziwisi, Yahova atsandzaya, pontho ancitisa kukhala munthu waudziwisi kakamwe mu ndzidzi unoyu.

Pitsandzo pya m’Bhibhlya pyakuti pinatiphedza:

• Luk 10:21—Yezu asimba Babace pakweca thangwi iye asapangiza undimomwene kuna anthu akucepeseka ninga anang’ono.

• Apo 4:9-11—Aanju asalemedza, pontho asapasa mbiri Yahova yakuti ndiye basi adathema kuipaswa.

Pitsandzo pya m’Bhibhlya pyakuti pinatiphedza:

• 1Am 18:25-29, 36-39—Mu ndzidzi ukhacita iwo pidalonga mprofeta Eliya, aprofeta a Bhaale akhuwa toera kucemera mulungu wawo, mbwenye nkhabe adaatawira.

• Mab 19:32-41—Ku Efesi, ale akhalambira Artemi mulungu wankazi amala midzidzi miwiri mbakakhuwa nee kutawirwa, pontho asandikwa na nkulu wa nzinda thangwi ya pikhacita iwo.