Talanoa Fakatohitapu mahuʻinga:

• 1 Tuʻi 18:​36-38—ʻOku tali vave ʻe Sihova ʻa e lotu ʻa e palōfita ko ʻIlaisiaá ʻi he Moʻunga Kāmelí lolotonga ʻene fehangahangai mo e kau palōfita ʻa Pēalí

• Māt. 7:​7-11—ʻOku fakalototoʻaʻi kitautolu ʻe Sīsū ke tau kīvoi ʻi he lotú pea fakapapauʻi mai ko Sihova ko ha Tamai ʻofa ʻokú ne fanongo mai kiate kitautolu

Talanoa Fakatohitapu mahuʻinga:

• Sios. 24:​9, 10—ʻOku fakafisi ʻa Sihova ke fanongo kia Pēlami koeʻuhí ko e meʻa ʻokú ne kolé ʻoku fepaki ia mo e finangalo ʻo e ʻOtuá

• ʻAi. 1:​15-17—ʻOku fakafisi ʻa Sihova ke fanongo ki he ngaahi lotu ʻene kakaí koeʻuhí naʻa nau mālualoi mo halaia ʻi he toto

Talanoa Fakatohitapu mahuʻinga:

• 1 Kal. 29:​10-19—Ko Tuʻi Tēvita ʻokú ne tataki ʻa e fakatahaʻanga ʻIsilelí ʻi he lotu ʻi he taimi ʻoku tānaki ai ʻa e ngaahi foaki loto-tauʻatāina ʻa e kakaí ki he langa ʻo e temipalé

• Ngā. 1:​12-14—Ko e kau ʻapositoló, ko e fanga tokoua ʻo Sīsuú, ko Mele ko e faʻē ʻa Sīsuú mo e niʻihi ʻo ha kau fefine faitōnunga ʻoku nau lotu fakataha ʻi ha loki ʻi ʻolunga ʻi Selusalema

Talanoa Fakatohitapu mahuʻinga:

• Tan. 6:​6-10—Naʻa mo e ʻi he fakamanamana ʻo e maté, naʻe hokohoko atu ʻa e palōfita ko Tanielá ʻi he meʻa naʻá ne anga ki ai ko e lotu fakahāhā kia Sihova

• Luke 18:​1-8—ʻOku ngāueʻaki ʻe Sīsū ʻa e fakatātā ʻo ha fakamaau taʻemāʻoniʻoni naʻá ne tali ʻa e toutou kōlenga ha fefine ki he fakamaau totonú ke fakatātaaʻiʻaki ʻetau Tamai māʻoniʻoní te ne tali loto-lelei ʻa e toutou kōlenga ʻene kau sevānití ki ha tokoní

Talanoa Fakatohitapu mahuʻinga:

• 2 Tuʻi 22:​11-13, 18-20—Koeʻuhi ko hono fakatōkilaloʻi ʻe Tuʻi Siosaia ʻa ia tonu pea feinga ke fakahōifuaʻi ʻa Sihová, naʻe mātuʻaki faimeesi mo anga-lelei ʻa Sihova kiate ia

• 2 Kal. 33:​10-13—ʻOku lotu anga-fakatōkilalo ʻa Tuʻi Manase, ʻo taki atu ai ki hono maʻu ʻa e fakamolemole ʻa Sihová pea mo hono toe fakafoki ia ki he taloní

Talanoa Fakatohitapu mahuʻinga:

• 1 Tuʻi 3:​11, 12—ʻOku hōifua ʻa Sihova ʻi he kole ʻa Tuʻi Solomone ki ha potó pea ʻoku Ne foaki kiate ia ha poto lahi

Talanoa Fakatohitapu mahuʻinga:

• Luke 10:21—ʻOku fakahīkihikiʻi fakahāhaaʻi ʻe Sīsū ʻene Tamaí ki hono fakaeʻa ʻa e ngaahi moʻoni fakalaumālié ki he faʻahinga ʻoku anga-fakatōkilalo ʻo hangē ko e fānaú

• Fkh. 4:​9-11—ʻOku ʻoatu ʻe he fāmili fakahēvani ʻo Sihová kiate ia ʻa e fakaʻapaʻapa mo e lāngilangi ʻoku taau mo iá

Talanoa Fakatohitapu mahuʻinga:

• 1 Tuʻi 18:​25-29, 36-39—ʻI he tali ʻa e kau palōfita ʻa Pēalí ki hono poleʻi kinautolu ʻe he palōfita ko ʻIlaisiaá, naʻa nau kalanga ki honau ʻotuá ʻi ha laui houa—ka naʻe ʻikai ke ne tali mai

• Ngā. 19:​32-41—ʻOku toutou kaikaila hokohoko ʻa e kau tauhi ʻaitoli ʻi ʻEfesō ki he ʻotua fefine ko ʻĀtemisí ʻi he houa ʻe ua, pea ko e meʻa pē naʻe hokó ko hono taʻofi kinautolu ʻe he pule ʻo e koló