Beten
Hau yumi save olsem Jehova i save harim na bekim ol beten bilong yumi?
Lukim tu Sg 66:19; Ap 10:31; Hi 5:7
-
Ol eksampel long Baibel:
-
1Ki 18:36-38—Hariap tasol Jehova i bekim beten bilong profet Elaija long Maunten Karmel taim em i laik pruvim long ol profet bilong Bal olsem Jehova em i God tru
-
Mt 7:7-11—Jisas i kirapim yumi long beten oltaim bikos gutpela Papa bilong yumi Jehova i wok long putim yau long yumi
-
Ol Kristen i mas beten long husat wanpela tasol?
Yumi save beten long nem bilong husat?
Jehova i save harim beten bilong husat?
Jehova i no save harim beten bilong husat?
Pr 15:29; 28:9; Ai 1:15; Mai 3:4; Jem 4:3; 1Pi 3:7
-
Ol eksampel long Baibel:
-
Jos 24:9, 10—Jehova i no putim yau long beten bilong Balam, bikos samting em i askim long en i no stret wantaim laik bilong God
-
Ai 1:15-17—Lain bilong Jehova i kamap olsem ol man bilong tupela maus na ol i gat asua long blut bilong ol man, olsem na Jehova i no harim beten bilong ol
-
Yumi save tok wanem long pinis bilong beten, na bilong wanem?
Yu ting Baibel i makim stret wanem posisen yumi mas stap bilong mekim beten?
Wanem sampela samting em ol wokman bilong Jehova i ken beten long en taim ol i bung bilong mekim lotu?
-
Ol eksampel long Baibel:
-
1St 29:10-19—King Devit i go pas long beten long ai bilong lain Israel taim ol i kam givim ol donesen bilong sanapim tempel
-
Ap 1:12-14—Ol aposel, ol brata bilong Jisas, Maria em mama bilong Jisas, na ol arapela bilipmeri i bung long wanpela rum antap long Jerusalem na beten wantaim
-
Taim wanpela brata i beten, wai na em i no ken litimapim em yet o bilasim tumas ol tok bilong amamasim ol narapela?
Wai na yumi mas beten paslain long kaikai?
Wai na yumi no ken lusim pasin bilong beten long Papa bilong yumi long heven?
Ro 12:12; Ef 6:18; 1Te 5:17; 1Pi 4:7
-
Ol eksampel long Baibel:
-
Da 6:6-10—Profet Daniel i wok yet long beten long Jehova long hap we ol man inap lukim em, maski ol inap kilim em i dai long dispela
-
Lu 18:1-8—Jisas i tok piksa long wanpela jas, maski em i no stretpela man, em i mekim samting em wido meri i askim planti taim long en, olsem tasol, Papa bilong yumi i save mekim stretpela pasin na em i redi long bekim beten bilong ol gutpela wokman bilong em husat i wok long askim em planti taim long helpim ol
-
Yumi mas i gat wanem pasin sapos yumi laik bai God i harim beten bilong yumi na fogivim yumi?
-
Ol eksampel long Baibel:
-
2Ki 22:11-13, 18-20—King Josaia i daunim em yet na wok strong long amamasim Jehova, olsem na Jehova i marimari na mekim gutpela pasin long em
-
2St 33:10-13—King Manase i daunim em yet na beten, olsem na Jehova i fogivim em na larim em i mekim gen wok king
-
Yumi mas mekim wanem sapos yumi laik bai Jehova i fogivim yumi?
Wai na yumi mas beten na tokim Jehova olsem yumi laik bai laik bilong em i mas kamap?
Wai na beten bilong yumi i mas soim olsem yumi bilip tru long Papa bilong yumi long heven?
Wanem sampela samting yumi ken beten long en?
Mekim holi nem bilong God
Kingdom Bilong God i mas kam na bosim graun
Laik bilong Jehova i mas kamap
Askim long ol samting yumi nidim
Fogivim ol sin bilong yumi
Kisim bek yumi long ol traim
Tok tenkyu
Askim long kisim save long laik bilong God, long kliagut long ol samting, na long kisim savetingting
Lukim tu Sg 119:34
-
Ol eksampel long Baibel:
-
1Ki 3:11, 12—Jehova i amamas long King Solomon i askim long savetingting na em i givim bikpela savetingting long em
-
Askim long kisim holi spirit
Beten bilong helpim ol wanbilip na ol bratasista em ol birua i mekim nogut long ol
Ol beten bilong preisim God
-
Ol eksampel long Baibel:
-
Lu 10:21—Jisas i preisim Papa bilong em long ai bilong ol man bikos Em i kamapim klia tok i tru long ol man i gat pasin olsem bilong ol pikinini
-
Re 4:9-11—Famili bilong Jehova long heven i givim em ona na glori we i stret long em i kisim
-
Beten askim Jehova long stiaim ol gavman long larim yumi stap fri long lotuim Em na long autim tok long ol manmeri
Lukim tu Jer 29:7
Yu ting i stret long yumi beten long taim yumi kisim baptais?
Yu ting i stret long beten bilong helpim ol lain i sik long sait bilong bilip?
Wai na ol man i no save karamapim het taim ol i beten, na wai na sampela taim ol meri i save karamapim het taim ol i beten?
Wanem samting i bikpela samting moa long beten bilong yumi winim longpela bilong beten o pasin yumi bihainim bilong mekim beten?
-
Ol eksampel long Baibel:
-
1Ki 18:25-29, 36-39—Ol profet bilong Bal i laik pruvim long profet Elaija olsem Bal em i god tru, olsem na ol i singaut long Bal inap planti aua, tasol em i no bekim beten bilong ol
-
Ap 19:32-41—Ol lain bilong lotuim imis long Efesus, ol i singaut long god meri Artemis inap 2-pela aua, tasol i no gat wanpela samting i kamap, na ol ofisa bilong taun i stopim ol bikos ol i kamapim planti trabel
-
Ating Yu Bai Laikim Tu
JISAS—EM I ROT, TOK I TRU, NA LAIP
Beten na Pasin Daun i Bikpela Samting
Long tok piksa bilong wido na jas nogut, Jisas i kamapim olsem em i bikpela samting long beten planti taim.
WASTAUA
Pasin Bilong Beten Inap Long Helpim Yu
Olsem wanem pasin bilong beten oltaim inap long helpim yu?
MIPELA OL WITNES
Askim Long Wanpela i Ken Kam Lukim Yu
Kisim bekim bilong wanpela askim bilong Baibel, o kisim sampela save moa long Ol Witnes Bilong Jehova.
