Swikombiso swa le Bibeleni leswi nga ku pfunaka:

• 1Tih 18:36-38 — Yehovha a tekele ku xi hlamula xikhongelo xa muprofeta Eliya lweyi a a tshembekile nkama a nga khongela na a nyimisane ni vaprofeta va Bali ka Ntshava ya Karmeli

• Mat 7:7-11 — Yesu a hi kutxe swaku hi tama hi khongela a tlhela a hi tiyisekisa swaku Yehovha i Papayi lweyi a nga ni lirhandzu naswona wa hi yingisa

Swikombiso swa le Bibeleni leswi nga ku pfunaka:

• Yox 24:9, 10 — Yehovha a nga mu yingisanga Balamu hikusa leswi a nga swi kombela a swi nga fambisani ni ku rhandza ka Xikwembu

• Esa 1:15-17 — Yehovha a nga swi yingisanga swikhongelo swa xitshungu hikusa a xi kanganyisa xi tlhela xi va ni nandzu wa ngati

Swikombiso swa le Bibeleni leswi nga ku pfunaka:

• 1Tik 29:10-19 — Hosi Davhida a yendlele Vayisrayele xikhongelo nkama lowu va nga nyikela hi leswi a va li na swona swaku va seketela ka ku yaka tempele

• Min 1:12-14 — Vapostolo, vamakwavu va Yesu, Mariya (mamani wa Yesu) ni vavasati van’wani va ku tshembeka va tlhanganile ka sala la le henhla aYerusalema naswona va khongele xikan’we

Swikombiso swa le Bibeleni leswi nga ku pfunaka:

• Dan 6:6-10 — Hambileswi muprofeta Daniyele va nga mu byela swaku va ta mu dlaya, a tame a khongela ka Yehovha na a nga tifihli

•  Luk 18:1-8 — Yesu a vulavule hi xifaniso xa muyavanyisi lweyi a kalaka a nga xi hloniphi Xikwembu, lweyi a nga za a hlamula xikombelo xa wansati lweyi a a tshamela ku mu kombela swaku a mu komba wululami. Ka xikombiso lexi, Yesu a hi djondzise swaku Papayi wa hina Yehovha lweyi a nga lulama a ta hi hlamula na hina loko hi nga tshiki ku mu kombela swaku a hi pfuna

Swikombiso swa le Bibeleni leswi nga ku pfunaka:

• 2Tih 22:11-13, 18-20 — Yehovha a mu kombe timpsalu Hosi Yosiya a tlhela a mu komba wunene hi mhaka ya leswi a nga tiveka hansi a tlhela a zama ku mu tsakisa

• 2Tik 33:10-13 — Hosi Manasi a tiveke hansi a tlhela a kombela swaku Yehovha a mu rivalela, Yehovha a mu rivalelile a tlhela a mu tlhelisela wuhosi

Xikombiso xa le Bibeleni lexi nga ku pfunaka:

• 1Tih 3:11, 12 — Yehovha a xi tsakelile xikombelo xa Solomoni nkama a nga kombela swaku a mu nyika wutlharhi, naswona Yehovha a yendle swaku a va ni wutlharhi ku tlula vanhu hinkwavu va nkama wa yena

Swikombiso swa le Bibeleni leswi nga ku pfunaka:

• Luk 10:21 — Yesu a dzunise Papayi wa yena Yehovha xikarhi ka xitshungu hi mhaka ya leswi a pfunaka vanhu lava va tivekaka hansi ku fana ni swivanani kuva va tiva ntiyiso

• Nhl 4:9-11 — Tintsumi ta mu hlonipha Yehovha ti tlhela ti mu dzunisa hikusa swa mu fanela

 Swikombiso swa le Bibeleni leswi nga ku pfunaka:

• 1Tih 18:25-29, 36-39 — Nkama muprofeta Eliya a nga byela vaprofeta va Bali swaku va khongela ka xikwembu xa vona, va hete mawora ya manyingi na va vanga guwa va khongela ka xikwembu xa vona kambe a xi zanga xi va hlamula

• Min 19:32-41 — Ka doropa la Efeza, vanhu lava a va gandzela xikwembu xa xisati Artimiza, va hete mawora mambirhi na va huwelela ka xikwembu xa vona kambe lexi va nga xi kuma ku ve ku miyetiwa va tlhela va bongeliwa ntsena hi sekretariyu wa doropa