Ovolandu Embimbiliya a kuete esilivilo lialua:

• 1Ol 18:36-38—Yehova wa tambulula lonjanga ohutililo yuprofeto Eliya Komunda Karimele eci a kala oku liyaka lovitangi.

•  Mat 7:7-11—Yesu wa tu vetiya oku pandikisa poku likutilila kuenda wa tu likuminya okuti Yehova omo Isia umue ukuacisola, o yeva olohutililo vietu.

Ovolandu Embimbiliya a kuete esilivilo lialua:

• Yeh 24:9, 10—Yehova ka yevele ohutililo ya Balaka, momo ovina a pinga ka via likuatele locipango ca Suku.

• Isa 1:15-17—Omo okuti afendeli va Yehova va kala vakuambambe kuenda va kuata eko liosonde, eye ka yevele olohutililo viavo.

Ovolandu Embimbiliya a kuete esilivilo lialua:

• 1As 29:10-19—Soma Daviti wa likutilila kovaso yekongelo lia va Isareli, eci va kala oku eca ovina vioku kuatisa koku tunga onembele.

• Ovl 1:12-14—Ovaposto, vamanji a Yesu, Maria ina ya Yesu kuenda akãi vakuavo vakuekolelo, va kasi vohondo yimue ko Yerusalãi oku likutilila kumosi.

Ovolandu Embimbiliya a kuete esilivilo lialua:

• Dan 6:6-10—Ndaño loku saluisiwa lolofa, uprofeto Daniele wamamako locituwa caye coku likutilila lutima wosi ku Yehova.

• Luk 18:1-8—Yesu wa tukula ulandu wonganji yimue ka ya sungulukile okuti, ya kuatisa ukãi umue wa kala oku pinga kokuayo esunga, oco a lekise okuti Isietu ukuesunga o tambulula olohutililo viafendeli vaye va lipilika oku pinga ekuatiso kokuaye.

Ovolandu Embimbiliya a kuete esilivilo lialua:

• 2Ol 22:11-13, 18-20—Omo okuti Soma Yosiya wa liketisa kuenda wa sanda oku sanjuisa Yehova, eye wa tatiwa lohenda kuenda locikembe.

• 2As 33:10-13—Soma Manase wa likutilila lumbombe kuenje co kuatisa oku tambula ongecelo ya Yehova loku tumbulula ocalo caye cuviali.

Ovolandu Embimbiliya a kuete esilivilo lialua:

• 1Ol 3:11, 12—Yehova wa sanjukila epingilo liolondunge lia Soma Salomone kuenje wo wĩha olondunge vialua.

Ovolandu Embimbiliya a kuete esilivilo lialua:

• Luk 10:21—Yesu eca esivayo ku isiaye powiñi poku situluila ocili ku vana vomboka ndomãla.

• Esi 4:9-11—Epata lia Yehova kilu, lieca esivayo kuenda ulamba kokuaye.

Ovolandu Embimbiliya a kuete esilivilo lialua:

• 1Ol 18:25-29, 36-39—Ohutililo Eliya a linga yatiamẽla koseteko yaye ya tambuluiwa. Ovaprofeto va Baale va vilikiya olosuku viavo vokuenda kuolowola vialua, pole, ka va tambuluiwile.

•  Ovl 19:32-41—Vakuakufendela oviteka ko Efeso, va fetika oku kalukila osuku yavo Artemisi londaka yimuamue vokuenda kuolowola vivali. Pole, ocina ca pitako ceci okuti kalei wa va sapuila okuti, va kala oku koka ovitangi.