Àpẹẹrẹ inú Bíbélì:

• 1Ọb 18:36-38—Nígbà táwọn wòlíì Báálì ń ta ko Èlíjà lórí Òkè Kámẹ́lì, ó gbàdúrà sí Jèhófà nípa ọ̀rọ̀ náà, Jèhófà sì dá a lóhùn lẹ́sẹ̀kẹsẹ̀

• Mt 7:7-11—Jésù ní ká tẹra mọ́ àdúrà, ó sì fi dá wa lójú pé Jèhófà Bàbá wa onífẹ̀ẹ́ máa dá wa lóhùn

Àpẹẹrẹ inú Bíbélì:

• Joṣ 24:9, 10—Jèhófà kò dáhùn àdúrà Báláámù torí pé ohun tó béèrè ò bá ìfẹ́ rẹ̀ mu

• Ais 1:15-17—Jèhófà ò gbọ́ àdúrà àwọn èèyàn ẹ̀ torí pé wọ́n ti di alágàbàgebè, ẹ̀jẹ̀ sì kún ọwọ́ wọn

Àpẹẹrẹ inú Bíbélì:

• 1Kr 29:10-19—Ọba Dáfídì gbàdúrà níwájú àwọn ọmọ Ísírẹ́lì nígbà tí wọ́n fi tinútinú ṣètìlẹyìn fún kíkọ́ tẹ́ńpìlì

• Iṣe 1:12-14—Àwọn àpọ́sítélì, àwọn arákùnrin Jésù, Màríà ìyá Jésù àtàwọn obìnrin olóòótọ́ míì kóra jọ sí yàrá òkè ní Jerúsálẹ́mù, wọ́n sì ń gbàdúrà pa pọ̀

Àpẹẹrẹ inú Bíbélì:

• Da 6:6-10—Wọ́n halẹ̀ mọ́ wòlíì Dáníẹ́lì pé wọ́n máa pa á, síbẹ̀ ó ń bá a lọ láti máa gbàdúrà sí Jèhófà nínú yàrá tó wà lórí òrùlé rẹ̀

• Lk 18:1-8—Jésù sọ àpèjúwe kan nípa adájọ́ tí kò bẹ̀rù Ọlọ́run, tó pa dà gbọ́ ẹjọ́ obìnrin opó kan torí pé obìnrin náà ò yéé wá sọ́dọ̀ ẹ̀. Ó lo àpèjúwe náà láti kọ́ wa pé Jèhófà máa dáhùn àdúrà wa tá ò bá jẹ́ kó sú wa

Àpẹẹrẹ inú Bíbélì:

• 2Ọb 22:11-13, 18-20—Jèhófà ṣàánú Ọba Jòsáyà, ó sì fi inúure hàn sí i torí pé ó rẹ ara rẹ̀ sílẹ̀, ó sì wá Jèhófà

• 2Kr 33:10-13—Ọba Mánásè rẹ ara ẹ̀ sílẹ̀, ó sì bẹ Jèhófà pé kó dárí ji òun. Jèhófà dárí jì í, ó sì dá a pa dà sórí ìtẹ́

Àpẹẹrẹ inú Bíbélì:

• 1Ọb 3:11, 12—Ọba Sólómọ́nì sọ pé kí Jèhófà fún òun ní ọgbọ́n, Jèhófà sì fún un lọ́gbọ́n tí kò láfiwé

Àpẹẹrẹ inú Bíbélì:

• Lk 10:21—Jésù yin Jèhófà ní gbangba torí pé ó fún àwọn onírẹ̀lẹ̀ láǹfààní láti mọ òtítọ́

• Ifi 4:9-11—Àwọn áńgẹ́lì máa ń fún Jèhófà ní ọlá àti ògo tó tọ́ sí i

Àpẹẹrẹ inú Bíbélì:

• 1Ọb 18:25-29, 36-39—Nígbà tí wòlíì Èlíjà pe àwọn wòlíì Báálì níjà, léraléra làwọn wòlíì náà ń pe ọlọ́run wọn, àmọ́ kò dá wọn lóhùn

• Iṣe 19:32-41—Nǹkan bíi wákàtí méjì làwọn abọ̀rìṣà tó wà nílùú Éfésù fi ń ké pe òrìṣà Átẹ́mísì, àmọ́ kò dá wọn lóhùn, ni akọ̀wé ìlú náà bá fẹ̀sùn kàn wọ́n pé wọ́n ń da ìlú rú