တၢ်အဒိအတဲာ်လၢ လံာ်စီဆှံပူၤ–

• လူၤ ၄:၄၂-၄၄—ယ့ၣ်ၡူးတဲဝဲလၢ အဘၣ်တၢ်ဆှၢလီၤအီၤလၢ ဟီၣ်ခိၣ်ချၢ ဒ်သိး အကစံၣ်တဲၤတဲလီၤတၢ်အဂီၢ်.

• ယိၤ ၄:၃၁-၃၄—ယ့ၣ်ၡူးတဲဝဲလၢ တၢ်စံၣ်တဲၤတဲလီၤတၢ်မၤန့ၣ် လီၤဂာ်ဒ် အတၢ်အီၣ်အသိး.

တၢ်အဒိအတဲာ်လၢ လံာ်စီဆှံပူၤ–

•  ၂ စီၤပၤ ၅:၁-၄, ၁၃, ၁၄, ၁၇—ပှၤအံၣ်စရ့လးမုၣ်ဖိတဂၤ တဲဘၣ် စီၤနဧၤမၣ် အမါလၢ ဘၣ်ဃးဒီး ယဟိဝၤယွၤ အဝံအလံၤၡါအဂ့ၢ်.

• မး ၂၁:၁၅, ၁၆—ဖဲတၢ်လုၢ်ဟံၣ်ပူၤန့ၣ် ပှၤလုၢ်တၢ်ဒိၣ်အခိၣ်တဖၣ် ဒီးပှၤကွဲးလံာ်ဖိတဖၣ် ထံၣ်ဝဲလၢ ဖိသၣ်ပိာ်ခွါတဖၣ် စံးပတြၢၤဝဲ ယ့ၣ်ၡူး. ဖဲအဝဲသ့ၣ် ထံၣ်ဝဲဒ်န့ၣ်အခါ အဝဲသ့ၣ် သးဒိၣ်ထီၣ်တၢ်ဒိၣ်မး အဃိယ့ၣ်ၡူး ဘှီဘၣ်ထီၣ်က့ၤ အဝဲသ့ၣ်.

တၢ်အဒိအတဲာ်လၢ လံာ်စီဆှံပူၤ–

• မၤတၢ် ၁၆:၁၂, ၂၂-၂၄; ၁ သ့း ၂:၁, ၂—တၢ်မၢဖိပီလူး ဒီးအသကိးတဖၣ်န့ၣ် ပှၤထီဒါအဝဲသ့ၣ် ဘၣ်ဆၣ် အဝဲသ့ၣ် ဆဲးစံၣ်တဲၤတဲလီၤတၢ်ဒူဒူ.

• ၂ ကရံၣ် ၁၂:၇-၉—တၢ်မၢဖိပီလူးန့ၣ် စံၣ်တဲၤတဲလီၤတၢ်ဆူၣ်မး. ဘၣ်ဆၣ် ဘၣ်သ့ၣ်သ့ၣ် အထံၣ်ဘၣ်ဒီး တၢ်ဆူးတၢ်ဆါတခါလၢ အလီၤဂာ်ဒ်သိးဒီး ‘တၤဆှုၣ်တၤမဲလၢ အဖံးအညၣ်အကျါ.’ သနာ်က့ ယဟိဝၤယွၤ ဟ့ၣ်အီၤတၢ်ဂံၢ်တၢ်ဘါ ဒ်သိး အဆဲးစံၣ်တဲၤတဲလီၤတၢ် ကကဲအဂီၢ်.

တၢ်အဒိအတဲာ်လၢ လံာ်စီဆှံပူၤ–

• ယိၤ ၇:၁၅—ယ့ၣ်ၡူး တလဲၤမၤလိဘၣ်တၢ်လၢ တၢ်ဘူၣ်တၢ်ဘါအကၠိဘၣ်. ဘၣ်ဆၣ် ဖဲပှၤယူဒၤဖိတဖၣ် ထံၣ်ဝဲလၢ ယ့ၣ်ၡူးအိၣ်ဒီး တၢ်သ့ၣ်ညါနၢ်ပၢၢ်အါမးအခါ အဝဲသ့ၣ် ကမၢကမၣ်ဝဲဒိၣ်မး.

• မၤတၢ် ၄:၁၃—ပှၤတနီၤထံၣ်ဝဲလၢ ယ့ၣ်ၡူးအတၢ်မၢဖိတဖၣ်န့ၣ် အဝဲသ့ၣ်မ့ၢ် ပှၤမုၢ်ဆ့ၣ်မုၢ်ဂီၤဖိ ဒီးအတၢ်ကူၣ်ဘၣ်ကူၣ်သ့ တအိၣ်ဘၣ်. ဘၣ်ဆၣ် တၢ်မၢဖိတဖၣ်န့ၣ် တပျံၤတၢ်ဘၣ် ဒီးစံၣ်တဲၤတဲလီၤတၢ်လၢ တၢ်သးဒူအပူၤ.

တၢ်အဒိအတဲာ်လၢ လံာ်စီဆှံပူၤ–

• ၡါ ၅၀:၄, ၅—တချုးလၢ မ့းၡံအၤ ဟဲလၢဟီၣ်ခိၣ်ချၢဒံးဘၣ်န့ၣ် ယဟိဝၤယွၤ သိၣ်လိပာ်စၢၤအီၤဂ့ၤဂ့ၤ.

• မး ၁၀:၅-၇—ဖဲယ့ၣ်ၡူးအိၣ်လၢ ဟီၣ်ခိၣ်ချၢအခါ လၢတၢ်သးစူၤအပူၤ အဝဲသိၣ်လိ အပျဲၢ်အဘီၣ်တဖၣ် ဒ်သိးအဝဲသ့ၣ် ကဆဲးစံၣ်တဲၤတဲလီၤတၢ်အဂီၢ်.

တၢ်အဒိအတဲာ်လၢ လံာ်စီဆှံပူၤ–

• မၢ် ၁၂:၁၈-၂၇—ပှၤစးဒူၤကဲတဖၣ် တဲဝဲလၢ တၢ်ဂဲၤဆၢထၢၣ်သမူထီၣ်က့ၤ တအိၣ်ဘၣ်. ဘၣ်ဆၣ် ယ့ၣ်ၡူးသူဝဲ လံာ်စီဆှံအဆၢတဖၣ် ဒ်သိး ကပာ်ဖျါထီၣ်ဝဲလၢ တၢ်လၢအဝဲသ့ၣ်တဲဝဲန့ၣ် ကမၣ်.

• မၤတၢ် ၁၇:၁၆, ၁၇, ၂၉, ၃၀—တၢ်မၢဖိပီလူး တဲတၢ်ဒီး ပှၤအၤသ့ၣ်ဖိတဖၣ် ဒီးတဲပၠးအဝဲသ့ၣ်လၢ တၢ်ဘါတၢ်ဂီၤတၢ်ဖှီၣ်န့ၣ် မ့ၢ်တၢ်လၢအကမၣ်.

တၢ်အဒိအတဲာ်လၢ လံာ်စီဆှံပူၤ–

• ယိၤ ၄:၆, ၇, ၁၃, ၁၄—ယ့ၣ်ၡူးလီၤဘှံးဝဲဘၣ်ဆၣ် အဝဲစံၣ်တဲၤတဲလီၤဝဲ ပှၤၡၤမရံမုၣ်တဂၤ ဖဲထံကမျၢကပၤ.

• ဖံလံး ၁:၁၂-၁၄—တၢ်မၢဖိပီလူး လီၤဘၣ်လၢဃိာ်ပူၤဘၣ်ဆၣ် အဟံန့ၢ်တၢ်ခွဲးတၢ်ယာ်လၢ ကစံၣ်တဲၤတဲလီၤတၢ် ဒီးဟ့ၣ်ဂံၢ်ဟ့ၣ်ဘါပှၤဂၤ.

 တၢ်အဒိအတဲာ်လၢ လံာ်စီဆှံပူၤ–

• ယံး ၇:၂၃-၂၆—ယဟိဝၤယွၤ သူဝဲဝံယံးရမံယၤ ဒီးတဲဖျါထီၣ်ဝဲလၢ အပှၤဂီၢ်မုၢ်တဖၣ်န့ၣ် တဒိကနၣ်ဝဲ ဝံအါဂၤအကလုၢ်ဘၣ်.

• မး ၁၃:၁၀-၁၆—ယ့ၣ်ၡူးတဲဝဲလၢ ဒ်ဝံယၡါယၤအစိၤအသိး ပှၤအါဂၤန့ၣ် နၢ်ဟူဘၣ် ဘီမုၢ်တၢ်သးခုကစီၣ်ဘၣ်ဆၣ် အဝဲသ့ၣ် တဒိကနၣ်ဝဲဘၣ်.