Kumwaza Mphangwa Zadidi
Thangwi yanji Akristu onsene andimomwene asalonga na anango thangwi ya pinakhulupira iwo?
Ndi citsandzo cipi cidakhazikisa Yezu m’basa yakumwaza mphangwa?
-
Pitsandzo pya m’Bhibhlya pyakuti pinatiphedza:
-
Luk 4:42-44—Yezu alonga kuti atumwa mbabwera pa dziko yapantsi toera kudzamwaza mphangwa.
-
Ju 4:31-34—Yezu alonga kuti kumwaza mphangwa zadidi kukhali ninga cakudya kuna iye.
-
Amuna akuti ali na miyai yakutumikira mu mpingo ndiwo basi ali na basa yakumwaza mphangwa zadidi?
Mas 68:11; 148:12, 13; Mab 2:17, 18
-
Pitsandzo pya m’Bhibhlya pyakuti pinatiphedza:
-
2Am 5:1-4, 13, 14, 17—Ntsikana wang’ono wa ku Izraeli apanga nkazi wa Namani thangwi ya mprofeta wa Yahova, Elizeu.
-
Mat 21:15, 16—Yezu nee aphedzera akulu a anyantsembe na apfundzisi a mwambo, mu ndzidzi ukhasandika iwo anang’ono akuti akhasimba Yezu mu templo.
-
Ayang’aniri Acikristu anacitanji toera kupfundzisa anango mu mpingo kuti amwaze mphangwa zadidi na kupfundzisa?
Kodi Yahova na Yezu asatiphedza tani toera kucita basa yakumwaza mphangwa?
-
Pitsandzo pya m’Bhibhlya pyakuti pinatiphedza:
-
Mab 16:12, 22-24; 1At 2:1, 2—Maseze akhatsalakanwa mwakuipa, mpostolo Paulu na andzace apitiriza kumwaza mphangwa mwacipapo na ciphedzo ca Mulungu.
-
2Ak 12:7-9—Maseze akhali na “munga m’manungo” mwace, wakuti panango ukhali utenda, mpostolo Paulu apaswa mphambvu na Yahova toera apitirize kumwaza mphangwa mwaphinga.
-
Mbani peno ninji cinacitisa Akristu kukhala akuthema toera kumwaza mphangwa?
Tisadziwa tani kuti Yahova asafuna kuti ife tipfundzise anango toera adziwe kumwaza mphangwa na kupfundzisa?
Mar 1:17; Luk 8:1; Aef 4:11, 12
-
Pitsandzo pya m’Bhibhlya pyakuti pinatiphedza:
-
Iza 50:4, 5—Mbadzati kubwera pa dziko yapantsi, Mesiya apfundziswa na Yahova Mulungu.
-
Mat 10:5-7—Pikhali iye pa dziko yapantsi, mwakupirira Yezu apfundzisa anyakupfundzace toera apitirize na basa yakumwaza mphangwa.
-
Tisafunika kuona tani basa idapaswa ife yakumwaza mphangwa zadidi?
Ndi api mabvero anakhala na ife tingamwaza mphangwa?
Basa yakumwaza mphangwa isaphatanizanji?
Mat 24:14; 28:19, 20; Mab 26:20; Apo 14:6, 7
Pontho onani Iza 12:4, 5; 61:1, 2.
Thangwi yanji Akristu asalonga pakweca pipfundziso pyauthambi?
-
Pitsandzo pya m’Bhibhlya pyakuti pinatiphedza:
-
Mar 12:18-27—Yezu aphatisira Malemba toera kupangiza kuti Asadhuki akhali na maonero akuphonyeka thangwi ya kulamuswa kwa anthu muli akufa.
-
Mab 17:16, 17, 29, 30—Mpostolo Paulu aphedza anthu a ku Atena toera adziwe kuti kulambira madzimunthu ndi kwakuipa.
-
Basa yakumwaza mphangwa isacitwa tani?
Thangwi yanji tisamwaza mphangwa m’mbuto ziri na anthu azinji?
Ju 18:20; Mab 16:13; 17:17; 18:4
Pontho onani Mis 1:20, 21.
Mu ndzidzi unamwaza ife mphangwa, thangwi yanji tisafunika kukhala akupirira mbatikhonda kubwerera nduli?
Ndi nkhombo zipi zinakhala na ife tingamwaza mphangwa?
Thangwi yanji Akristu asafunika kukhala akukhunganyika toera kumwaza mphangwa m’mbuto zonsene?
-
Pitsandzo pya m’Bhibhlya pyakuti pinatiphedza:
-
Ju 4:6, 7, 13, 14—Maseze Yezu akhadaneta, mbwenye iye amwaza mphangwa zadidi kuna nkazi wa ku Samariya pa ncera ukhatunga anthu azinji madzi.
-
Afi 1:12-14—Ngakhale mpostolo Paulu akhadaikhwa nkaidi thangwi ya cikhulupiro cace, mbwenye iye akhabandza miyai yonsene toera kupereka umboni mbawangisa anango.
-
Kodi anthu onsene anatawira mphangwa zinamwaza ife?
Ju 10:25, 26; 15:18-20; Mab 28:23-28
-
Pitsandzo pya m’Bhibhlya pyakuti pinatiphedza:
-
Yer 7:23-26—Yahova aphatisira Yeremiya toera kulonga kuti mbumba yace yakhonda mwakubwereza-bwereza kubvera pikhalonga aprofeta Ace.
-
Mat 13:10-16—Yezu alonga kuti ninga pikhacitika mu ndzidzi wa Izaiya, anthu azinji mbadabva mphangwa, mbwenye mbadazikhonda.
-
Thangwi yanji nee tisafunika kudzumatirwa tingaona kuti anthu azinji ali akuphatika kakamwe mbakhonda kufuna kutibvesera?
Ninji pinapangiza kuti anthu anango anabva mphangwa, mbathamburuka pang’ono, buluka penepo mbabwerera nduli?
Ninji pinatiphedza toera tikhonde kudzumatirwa anango angatcinga basa yathu yakumwaza mphangwa?
Tisacitanji basa yathu yakumwaza mphangwa ingatcingwa?
Thangwi yanji tinakwanisa kukhala na cinyindiro cakuti anthu anango anatawira mphangwa zadidi?
Ninji pinadikhira Mulungu kuna ale anadziwa mphangwa zadidi?
Mab 20:26, 27; 1Ak 9:16, 17; 1Ti 4:16
Pontho onani Eze 33:8.
Thangwi yanji tisafunika kumwaza mphangwa kuna anthu a mauphemberi onsene, a madziko onsene peno a madzindza onsene?
Mat 24:14; Mab 10:34, 35; Apo 14:6
Pontho onani Mas 49:1, 2.
Kodi mphyakuthema kumwaza mphangwa ntsiku zonsene za sumana, kuphatanizambo Sabudu?
Ndi pitsandzo pipi pinapangiza kuti mphyakuthema kumwaza mphangwa kuna onsene, mwakukhonda tsalakana khala ali na Bhibhlya peno uphemberi?