Àpẹẹrẹ inú Bíbélì:

• Lk 4:42-44—Jésù sọ pé torí iṣẹ́ ìwàásù ni Ọlọ́run ṣe rán òun wá sáyé

• Jo 4:31-34—Jésù sọ pé ńṣe ni wíwàásù ìhìn rere náà dà bí oúnjẹ fún òun

Àpẹẹrẹ inú Bíbélì:

• 2Ọb 5:1-4, 13, 14, 17—Ọ̀dọ́bìnrin kan tó jẹ́ ọmọ Ísírẹ́lì sọ̀rọ̀ nípa wòlíì Jèhófà fún ọ̀gá ẹ̀ tó jẹ́ ìyàwó Náámánì, ará Síríà

• Mt 21:15, 16—Nígbà táwọn ọmọkùnrin kan ń yin Jésù torí àwọn nǹkan tó ṣe, àwọn olórí àlùfáà àtàwọn akọ̀wé òfin bẹ̀rẹ̀ sí í bínú, àmọ́ Jésù tọ́ wọn sọ́nà

Àpẹẹrẹ inú Bíbélì:

• Iṣe 16:12, 22-24; 1Tẹ 2:1, 2—Àwọn alátakò fìyà jẹ àpọ́sítélì Pọ́ọ̀lù àtàwọn tí wọ́n jọ ń wàásù, síbẹ̀ Jèhófà ràn wọ́n lọ́wọ́ kí wọ́n lè máa fìtara bá iṣẹ́ ìwàásù náà lọ

• 2Kọ 12:7-9—Àpọ́sítélì Pọ́ọ̀lù ní ‘ẹ̀gún kan nínú ara rẹ̀,’ ó ṣeé ṣe kó jẹ́ àìsàn kan tó ń ṣe é; àmọ́, Pọ́ọ̀lù ṣì ń fìtara bá iṣẹ́ ìwàásù ẹ̀ lọ torí pé Jèhófà fún un lókun

Àpẹẹrẹ inú Bíbélì:

• Jo 7:15—Ó ya àwọn èèyàn lẹ́nu pé Jésù ní ìmọ̀ tó pọ̀ gan-an, bó tiẹ̀ jẹ́ pé kò lọ sílé ẹ̀kọ́ àwọn rábì

• Iṣe 4:13—Àwọn èèyàn gbà pé gbáàtúù àtàwọn tí kò kàwé làwọn ọmọ ẹ̀yìn Jésù, síbẹ̀ wọ́n ń kọ́ni lọ́nà tó já fáfá, wọ́n sì ń fìtara wàásù

Àpẹẹrẹ inú Bíbélì:

• Ais 50:4, 5—Ọ̀pọ̀ nǹkan ni Jésù ti kọ́ lọ́dọ̀ Jèhófà kó tó di pé ó wá sáyé

• Mt 10:5-7—Nígbà tí Jésù wà láyé, ó fara balẹ̀ kọ́ àwọn ọmọ ẹ̀yìn ẹ̀ nípa bí wọ́n á ṣe máa bá iṣẹ́ ìwàásù náà lọ

Àpẹẹrẹ inú Bíbélì:

• Mk 12:18-27—Jésù lo Ìwé Mímọ́ láti fèròwérò pẹ̀lú àwọn Sadusí kí wọ́n lè mọ̀ pé kò bọ́gbọ́n mu bí wọn ò ṣe gbà pé àjíǹde wà

• Iṣe 17:16, 17, 29, 30—Àpọ́sítélì Pọ́ọ̀lù bá àwọn ará ìlú Àténì fèròwérò, ó ṣàlàyé fún wọn pé ìbọ̀rìṣà ò dáa

Àpẹẹrẹ inú Bíbélì:

• Jo 4:6, 7, 13, 14—Bó tiẹ̀ jẹ́ pé ó ti rẹ Jésù, ó wàásù ìhìn rere fún obìnrin ará Samáríà tó pàdé nídìí kànga

• Flp 1:12-14—Nígbà tí wọ́n fi àpọ́sítélì Pọ́ọ̀lù sẹ́wọ̀n torí ohun tó gbà gbọ́, ó ṣe gbogbo ohun tó lè ṣe kó lè wàásù, ó sì fún àwọn míì lókun

Àpẹẹrẹ inú Bíbélì:

• Jer 7:23-26—Jèhófà sọ nípasẹ̀ wòlíì Jeremáyà pé léraléra lòun ń rán àwọn wòlíì sí àwọn èèyàn òun, àmọ́ wọn ò fetí sílẹ̀

• Mt 13:10-16—Jésù sọ pé bíi ti ìgbà ayé wòlíì Àìsáyà, ọ̀pọ̀ èèyàn máa gbọ́ ìhìn rere náà àmọ́ wọn ò ní fara mọ́ ọn