Be sa kacilɛ
?Ngue ti yɛ ɔ fata kɛ sran’m be kwlaa be kpata Zoova yɛ be kaci be sa-ɔ?
Nian Yol 26:20 nun wie.
-
Biblu’n nun ndɛ mɔ be kwla uka e’n:
-
Lik 18:9-14—Zezi fali sunnzun ase kun fa kleli kɛ ɔ fata kɛ e di e sa tɛ’m be nanwlɛ e kle Ɲanmiɛn naan e srɛ i kɛ ɔ uka e.
-
Rɔm 7:15-25—Kannzɛ Pɔlu ti akoto naan ɔ lafi Ɲanmiɛn su kpa’n, sanngɛ i akunndan’n sanngannin afin ɔ ju wie’n ɔ yo sa tɛ.
-
?Biblu’n waan wafa sɛ yɛ Zoova bu sa tɛ yofuɛ nga be kaci be sa’n niɔn?
-
Biblu’n nun ndɛ mɔ be kwla uka e’n:
-
Lik 15:1-10—Zezi fali sunnzun ase kun fa kleli kɛ, kɛ sa tɛ yofuɛ kun kaci i sa’n, Zoova nin anzi’m be klun jɔ.
-
Lik 19:1-10—Zase m’ɔ ti lapo defuɛ’n be su kpɛn kun’n, ɔ wua sran mun. Sanngɛ ɔ kacili i sa. I ti’n Ɲanmiɛn yacili i wun sa’n cɛli i.
-
?Wafa sɛ yɛ e kwla kle kɛ e kacili e sa sakpa-ɔ?
Eze 18:21-23; Yol 3:19; Efɛ 4:17, 22-24; Kol 3:5-10
Nian 1Pi 4:1-3 nun wie.
?Wafa sɛ yɛ Ɲanmiɛn ndɛ’n i silɛ’n kwla uka sran kun naan w’a kaci i sa-ɔ?
Rɔm 12:2; Kol 3:9, 10; 2Ti 2:25
-
Biblu’n nun ndɛ mɔ be kwla uka e’n:
-
Yol 17:29-31—Akoto Pɔlu seli Atɛninfuɛ’m be kɛ, kɛ mɔ be siman Ɲanmiɛn’n i ti yɛ be sɔ amuin-ɔn. Ɔ wlali be fanngan kɛ be kaci be sa.
-
1Ti 1:12-15—Kɛ mɔ laa akoto Pɔlu siman Zezi Klisi’n ti’n, ɔ yoli sa tɛtɛ wie mun.
-
?Ngue ti yɛ ɔ ti cinnjin kɛ sa tɛ yofuɛ’m be kaci be sa-ɔ?
?Kannzɛ bɔbɔ e fɔnnin kpɛ sunman’n, sanngɛ ngue ti yɛ e kwla lafi su kɛ sɛ e kaci e sa’n Zoova yáci cɛ́ e-ɔ?
?Be nga be di be sa tɛ’m be nanwlɛ mɔ be kaci be sa’n, Zoova yo be sɛ?
Nian ndɛ “Aunnvɔɛ silɛ” i nun wie.
?Sɛ sran kun yo sa tɛ naan ɔ se kɛ ɔ yo i nsisɔ’n, ngue ti yɛ i sɔ ngunmin kleman kɛ w’a kaci i sa sakpa-ɔ?
2Ɲo 7:14; Ɲan 28:13; Eze 18:30, 31; 33:14-16; Mat 3:8; Yol 3:19; 26:20
-
Biblu’n nun ndɛ mɔ be kwla uka e’n:
-
2Ɲo 33:1-6, 10-16—Famiɛn Manase yoli sa tɛtɛ mun cɛli kpa. Sanngɛ ɔ kleli kɛ w’a kaci i sa sakpa. Afin ɔ kɛnnin i wun ase, ɔ srɛli Ɲanmiɛn kpɛ sunman, yɛ w’a yoman sa tɛ kun.
-
Ju 32:1-6; 51:1-4, 17—Famiɛn Davidi kleli kɛ i sa tɛ’m be yo i nsisɔ sakpa. Afin ɔ srɛli Zoova yɛ ɔ dili i sa tɛ’m be nanwlɛ kleli i.
-
?Sɛ sran kun yo e sa naan ɔ kaci i sa’n, ngue ti yɛ ɔ fata kɛ e yaci e cɛ i-ɔ?
Mat 6:14, 15; 18:21, 22; Lik 17:3, 4
Nian ndɛ “Sa yaci cɛlɛ” i nun wie.