Panagbabawi
Akin et kailangan ya magbabawi so amin tan onkerew na panamerdona ed si Jehova?
Nengnengen met so Gaw 26:20
-
Saray alimbawa ed Biblia:
-
Luc 18:9-14—Angusar na ilustrasyon si Jesus pian idanet ya kailangan tayon ipatua iray kasalanan tayo tan kerewey tulong na Dios
-
Rom 7:15-25—Anggano sakey ya apostol si Pablo tan mabiskeg so pananisia to, siansia nin nilabanan toy tendensia ton mankasalanan
-
Antoy ibabaga na Biblia ya nalilikna nen Jehova ed saray magbabawi?
-
Saray alimbawa ed Biblia:
-
Luc 15:1-10—Angusar na saray ilustrasyon si Jesus pian ipanengneng ya manliket si Jehova tan saray anghel no magbabawi so sakey ya nankasalanan
-
Luc 19:1-10—Nagbabawi tan anguman si Zaqueo, sakey ya pangulo na saray managsingil na buis tan managkatkat, kanian sikatoy pinerdona tan niligtas
-
Panon tayon nipanengneng ya talagan magbabawi tayo?
Eze 18:21-23; Gaw 3:19; Efe 4:17, 22-24; Col 3:5-10
Nengnengen met so 1Pe 4:1-3
Panon ya makatulong so suston kakabatan pian na-realize na sakey ya kailangan toy tuan magbabawi?
Rom 12:2; Col 3:9, 10; 2Ti 2:25
-
Saray alimbawa ed Biblia:
-
Gaw 17:29-31—Impaliwawa nen apostol Pablo ed saray taga Atenas ya say panag-idolo et pakanengnengan ya anggapoy amta ra tungkol ed Dios tan pinaseseg to ran magbabawi
-
1Ti 1:12-15—Nen anggapo ni suston kakabatan nen apostol Pablo tungkol ed si Jesu-Kristo, sikatoy akagawa na ambelat iran kasalanan
-
Akin et importante so panagbabawi?
Akin et makapantiwala tayo ya no magbabawi tayo, perdonaen itayo nen Jehova anggano maminpiga tayon mankasalanan?
Antoy gawaen nen Jehova no ipatua na sakey so kasalanan to tan manguman?
Nengnengen met so “Panangasi”
Panon tayon amta ya say panagbabawi et aliwa labat ya basta panermen odino pangibagay sorry?
2Aw 7:14; Pro 28:13; Eze 18:30, 31; 33:14-16; Mat 3:8; Gaw 3:19; 26:20
-
Saray alimbawa ed Biblia:
-
2Aw 33:1-6, 10-16—Anggano amayamay so mauges ya ginawa nen Arin Manases diad dakel ya taon, impanengneng toy tuan panagbabawi nen nampaabeba, nantultuloy ya nampikasi, tan anguman
-
Sal 32:1-6; 51:1-4, 17—Talagan nagbabawi si Arin David ta nanermenan ton maong iray ginawa to, impatua toy kasalanan to, tan kinmerew na panamerdona ed si Jehova
-
No magbabawi so nankasalanan ed sikatayo, akin et perdonaen tayo?
Mat 6:14, 15; 18:21, 22; Luc 17:3, 4
Nengnengen met so “Panamerdona”
Ompan Nagustoan Mo Met
SAY PANAG-BANTAYAN—PANARALAN YA EDISYON
Talaga Kasin Inatey si Jesus Parad Siak?
Kasin abebbebay pakanengneng mod sarilim? Antoy makatulong pian nalabanan mo itan ya liknaan?
JESUS—SAY DALAN, SAY KATUAAN, SAY BILAY
Duaran Importantin Kakaukolanen—Pikakasi tan Kapaabebaan
Diad ilustrasyon nen Jesus nipaakar ed mauges a huis tan say abalon bii, indanet toy kaimportantian na sakey a kualidad.
JESUS—SAY DALAN, SAY KATUAAN, SAY BILAY
Manliket Lapud Sakey a Magbabawin Makasalanan
Binalaw na saray Fariseo tan eskriba si Jesus lapud miuulop ed saray ordinaryon totoo. Pian ebatan ira, angiter si Jesus na saray ilustrasyon pian ipanengneng no panon ya ipapasen na Dios iray makasalanan.
JESUS—SAY DALAN, SAY KATUAAN, SAY BILAY
Tinulongan Toy Duaran Bulag tan si Zaqueo
Panon tayon pantunosan iray singa mankontraan a salaysay ed Biblia nipaakar ed impamaabig nen Jesus ed sakey a bulag diad asingger ed Jerico?
NIPAAKAR ED SIKAMI
Man-request na Ombisita ed Sika
Pantongtongan so tepet mo nipaakar ed Biblia, odino amtaen ni kaaruman ya impormasyon nipaakar ed Saray Tasi nen Jehova.
