Panangurnos iti Di Pagkikinnaawatan
No adda mangpasakit kadatayo, apay a saantayo koma nga agpungtot wenno agibales?
Pr 20:22; 24:29; Ro 12:17, 18; San 1:19, 20; 1Pe 3:8, 9
-
Makatulong a salaysay iti Biblia:
-
1Sm 25:9-13, 23-35—Idi ininsulto ni Nabal ni David ken dagiti tattaona ken saanna a tinulongan ida, nakapungtot ni David ket nagdesision a patayenna ni Nabal ken dagiti lallaki iti sangakabbalayanna. Ngem gapu iti nainsiriban a balakad ni Abigail, naliklikan ni David ti agbasol iti dara
-
Pr 24:17-20—Imbaga ni Ari Solomon iti ili ti Dios a kagura ni Jehova no maragsakanda iti panagrigat dagiti kabusorda, ipabiangtayo ti hustisia ken Jehova
-
No adda nakariri ti maysa a Kristiano, liklikanna kadin dayta a tao wenno agipempen iti sakit ti nakem?
Le 19:17, 18; 1Co 13:4, 5; Efe 4:26
-
Makatulong a salaysay iti Biblia:
-
Mt 5:23, 24—Inlawlawag ni Jesus a masapul nga aramidentayo ti amin a kabaelantayo a makikappia iti maysa a kabsat a nasakit ti nakemna kadatayo
-
Ania ti kasayaatan nga aramidentayo no napasaktantayo?
Apay a masapul a pakawanentayo uray dagiti maulit-ulit a nakabasol kadatayo no naimpusuan nga agbabbabawida?
No nakaro ti naaramid kenka ti maysa a kabsat ket saanmo a mapalabas, kas koma no pinadpadakes wenno sinaurnaka, asino ti makisarita kenkuana ken iti ania a panggep?
No kinasaritatayon ti kabsat a nangpadakes wenno nangsaur kadatayo ngem saanna a pinagbabawyan ti inaramidna, ania ti masapul nga aramidentayo?