Bya Kupwisha Makatazho na Bakwetu
Inge muntu wituzhingijisha, mambo ka o twafwainwa kuchinuzhukila kuzhingila nangwa kukeba kushinkanya?
Man 20:22; 24:29; Lo 12:17, 18; Ya 1:19, 20; 1Pe 3:8, 9
-
Mashimikila a mu Baibolo:
-
1Sa 25:9-13, 23-35—Nabala byo aambijile byatama Davida ne bantu banji ne kukana kupana bukwasho, Davida wazhingijile ne kukeba kumwipaya ne bonse ba mu nzubo yanji. Pakuba byambo byaambile Abigaila byakwashishe bingi Davida kubula kwikala na mambo a mashi
-
Man 24:17-20—Mfumu Solomone bamutangijile ku mupashi wazhila kujimunako bantu ba Lesa kuba’mba Yehoba kechi ukeba atweba kusekela inge balwanyi betu babena kumanama ne. Mambo twayuka’mba Yehoba ye ukazhachisha bantu babi
-
Inge mulongo nangwa nyenga bezhingijisha na mukwabo, nanchi wafwainwa kuleka kwisambanga nanji nangwa kwikala na mfika nyi?
Le 19:17, 18; 1Ko 13:4, 5; Ef 4:26
-
Mashimikila a mu Baibolo:
-
Mat 5:23, 24—Yesu walumbulwile’mba twafwainwa kwibikako kubwezha mutende na mulongo nangwa nyenga witulenga mambo
-
Ñanyi kintu kyo twafwainwa kuba inge mukwetu wituzhingijisha?
Mambo ka o twafwainwa kulekelangako mambo betulenga mambo javula inge kya kuba balapila kya kine?
Inge mulongo nangwa nyenga witulenga mambo kabiji kitukatazha kulubako, kampe witubepela nangwa kwitujiila bintu, ñanyi wafwainwa kwisamba nanji kabiji mambo ka?
Twafwainwa kuba byepi inge muntu witubepela nangwa kwitujiila bintu wakana kumvwa kimye kyo twisamba nanji bubiji bwetu?
Mwakonsha Kutemwa
KYAMBA KYA USOPA
“Maana a Muntu Afwomona Bukaji Bwanji”
Bintu byamwekejile Davida, mfumu wa mu Isalela byakonsha kwimukwasha kuyuka bya kuba inge mwazhingila
YESU?—YE JISHINDA, BUKINE, NE BUMI
Wafunjishe bya Kwilekelako Mambo
Yesu waingijishe kishimpi kya muzha wabujile lusa pa kumwesha Lesa byo amona kwilekelako mambo.
BAKAMONYI BA KWA YEHOBA
Lombai Lufunjisho lwa Baibolo
Ikalai na lufunjisho lwa Baibolo lwatutu pa kimye ne mpunzha yo mukeba.
