Mwakukumishila Vikokojwola
Kachi nge mukwetu natwivwisa kupihya, mwomwo ika nachipwila chamwaza etu kuhona kupihilila chipwe kulinga sambanjinga?
Vis 20:22; 24:29; Lom 12:17, 18; Yak 1:19, 20; 1Pe 3:8, 9
Mijimbu yamuMbimbiliya yize nayimikafwa:
1Sa 25:9-13, 23-35—Omu Navale asawile Ndavichi navangamba jenyi hakukana kuvahana vyuma vapwile nakusakiwa, Ndavichi ajinyine kujiha Navale namalunga vosena vakuzuvo yenyi. Oloze, vyuma ahanjikile Avingayile vyakafwile Ndavichi ahone kulinga sambanjinga
Vis 24:17-20—Mwangana Solomone vamuhwiminyinyine ahuhumune vatu jaKalunga hakwamba ngwenyi, Kalunga eji kwivwanga kupihya kachi nge natuwahilila nge muka-kole wetu mwahukana. Shikaho, twafwelela ngwetu Yehova ikiye mwakasopesa vatu vakuhuka
Kachi nge muka-Kulishitu nalikokojwesa namukwavo, kutala nachipwa chamwaza kuhona kuhanjikisa mutu kana chipwe kumulamina kokoko tahi?
Lev 19:17, 18; 1Ko 13:4, 5; Efw 4:26
Mijimbu yamuMbimbiliya yize nayimikafwa:
Mat 5:23, 24—Yesu alumbunwine ngwenyi twatela kulinga kala vyeshovyo tunahase, mangana tutwama mukuunda nandumbwetu uze natwivwisa kupihya
Vyuma muka twatela kulinga kachi nge vanatwivwisa kupihya?
Mwomwo ika twatela kutwalaho lika kukonekela vakwetu nge vanapihilila nakwalumuka, kuhakilako vene navaze vanatwivwisa kupihya mapapa kakavulu?
Kachi nge mukwetu muka-Kulishitu natwivwisa kupihya, chakutalilaho nge natuvangijikila kaha tunakuhona kuvulyamako vyuma kana, veya vatela kuhanjika namutu kana kaha mujila muka?
Vyuma muka twatela kulinga nge mutu uze natuvangijikila mwakana kupihilila nakwalumuka kachi nge tunahanjika nenyi kupenge?