Mo-yõsã welgre
Ned sã n maan bũmb n sãam d sũuri, bõe yĩng tɩ d pa segd n yik d sũuri, bɩ n dok d sũuri?
Yel. 20:22; 24:29; Rom. 12:17, 18; Zak 1:19, 20; 1 Pɩy. 3:8, 9
-
Biiblã kibay sẽn tõe n sõng-yã:
-
1 Sãm. 25:9-13, 23-35: A Naball sẽn tʋʋs a Davɩɩd ne a nebã la a zãgs t’a kõn sõng-bã, a Davɩɩd yɩɩ yãg-yãg n yãk yam n na n tɩ kʋ a Naball la a zakã rapã fãa. La a Abigayɩll sẽn kõ a Davɩɩd sagls sẽn yaa sõma wã kɩtame t’a Davɩɩd pa paam n daag zɩɩm n dok a sũur ye.
-
Yel. 24:17-20: Wẽnnaam kɩtame tɩ rĩm a Salomo keoog a nin-buiidã, n wilg-b tɩ Wẽnnaam pa rat tɩ d maan sũ-noogo, d bɛɛbã sã n namsdẽ ye. D kɩsa sɩd t’a Zeova na n wa sɩbga nin-wẽnsã.
-
Kiris-ned sã n wa tar mo-yõsr ne neda, a segd n talla sũ-kẽk ne a soabã, la a pa le gomd ne-a bɩ?
Maan. 19:17, 18; 1 Kor. 13:4, 5; Efɛɛ. 4:26
-
Biiblã kibay sẽn tõe n sõng-yã:
-
Mat. 5:23, 24: A Zeezi wilgame tɩ ned sã n maan bũmb n sãam d sũuri, d segd n maana d sẽn tõe fãa n bao tɩ laafɩ zĩnd tõnd ne a soabã sʋka.
-
Ned sã n maana bũmb n sãam d sũuri, bõe la d segd n maane?
Bõe yĩng tɩ d segd n kõ neb nins sẽn beeg tõnd naoor wʋsgã sugri, sã n mikame tɩ b sɩd teka yam n kos sugri?
Ned sã n beeg-d tɩ d getẽ tɩ yaa wẽng wʋsgo, hal tɩ d pa tõe n bas taale, wala makre, a sã n kãnega tõnd bɩ a sã n zãmb-d lame, ãnd n segd n gom ne ned ning sẽn beeg-a tõndã, la bõe yĩnga?
Ges-y Zak 5:20.
Tõnd sã n tɩ gom ne ned sẽn kãneg tõnd bɩ sẽn zãmb tõnd t’a zãgs t’a kõn tek yam n kos sugri, bõe la d segd n maane?
Découvrez aussi…
TALL-Y B TẼEBÃ BUUDU
A Abigayill tʋma ne yam
A Abigayill kãadmã sẽn da yaa to-to wã zãmsda tõnd bõe?
GŨUSG GASGÃ
“Yam soab sũur ka yikd tao-tao ye”
Bũmb sẽn maan Israyɛll rĩm a Davɩɩd vɩɩmã sasa n tõe n sõng-y tɩ y sũur sã n wa yik bɩ y tõog y menga.
A ZEEZI YAA SORE, LA SƖDA, LA VƖƖM
Sugr kũun yaa tɩlɛ
A Zeezi goma yamb a ye sẽn ka zoe a yem-taag nimbãanega, sẽn na yɩl n wilg tɩ Wẽnnaam nifẽ, d sã n sakd n kõt d taabã sugri, tara yõod wʋsgo.
KIBAY TÕND ZUGU
Kos-y t’a Zeova Kaset soab wa kaag-yã
Bao-y n bãng-y bũmb Biiblã zug wall a Zeova Kaset rãmbã zug n paase.
