Bobe
Bobe bwe nde nje e, ne̱ni pe̱ bo manane̱no̱ mō̱ ńasu te̱ e?
Njika mbaki Bibe̱l e mabolano̱ biso̱ ná je ná janane̱ k’asu ni le̱le̱m o bola bobe e?
-
Myango ma Bibe̱l mi mongwane̱:
-
2Sa 11:2-5, 14, 15, 26, 27; 12:1-13—Kiṅe̱ David a boli myobe minde̱ne̱, a ko̱kisabe̱ na ngińa, a we̱ pe̱ na ngińa o tukwa bedangwedi bao
-
Ro 7:15-24—Ńamuloloma Paulo, a ta a be̱ne̱ dube̱ dinde̱ne̱ a tingame̱ pe̱ na Loba, nde a ta ana na ngińa o buka mo̱nge̱le̱ na bepuledi ba bobe
-
Ońola nje bato jita ba mabolano̱ bobe e?
Bbl 3:17; 17:29, 30; 1Ti 1:13; 1Pe 1:14
Ombwa pe̱ Mis 15:27-29
Ońola nje yeno̱ bobe jita o benga bola nje e si te̱nge̱n na m’boṅsan e?
Ombwa pe̱ Mis 15:30; Ro 1:28-32; 1Ti 5:20
Nje Satan a mabolane̱no̱ o keka tute̱le̱ baboledi ba Loba o bola bobe e?
Min 1:10, 11, 15; Mt 5:28; Yak 1:14, 15
-
Myango ma Bibe̱l mi mongwane̱:
-
Bbt 3:1-6—Satan a bolane̱ nde ńama-bwaba o tute̱le̱ Eva ná ombweye nde bwam ba mo̱me̱ne̱, a si lakisane̱ pe̱ to̱ Yehova
-
Min 7:6-10, 21-23—Kiṅe̱ Salomo a bolane̱ eyembilan o langwa ne̱ni eso̱mb’a moto ewo̱ y’elem’ā e kwedino̱ o makekisan ma mut’a mbamba
-
Ne̱ni jeno̱ ná di lembe̱ makekisan ma Satan e?
-
Myango ma Bibe̱l mi mongwane̱:
-
Min 5:1-14—Kapo̱ ka sango nu makwalisane̱ bana bao, Kiṅe̱ Salomo a boli malea ma bwam ma ne̱ni samba musonje na ońola nje bola nika
-
Mt 4:1-11—Yesu a boli eyembilan a ke̱nge̱nge̱ ya ne̱ni se̱me̱ye̱ n’Eyal’a Loba o lembe̱ makekisan ma Satan
-
Njika myobe mō̱ minde̱ne̱ kriste̱n ńangame̱nno̱ samba e?
Ombwa “Beboledi ba bobe”
Puse̱le̱ la myobe
Ońola nje di s’angame̱nno̱ keka wuta bobe di bolino̱ e?
Nja jangame̱nno̱ puse̱le̱ myobe me̱se̱ e?
Nja ńe “mongwanedi” nu mato̱peye̱ biso̱ oboso ba Yehova e?
Ne̱ni moto eno̱ ná a lee̱le̱ ná ate̱le̱ ońola myobe a bolino̱ e?
Ombwa pe̱ “Jate̱le̱”
-
Myango ma Bibe̱l mi mongwane̱:
-
Bbu 22:1-12—Owas’a Mbend’a Mose, mwibedi a ta angame̱n sawea mube̱nedi nje yena ibino̱
-
Lu 19:8, 9—Sakeo, mwaned’a bako̱tedi, a lee̱le̱ ná ate̱le̱ ninka ná a tuko bedangwedi bao, a timbise̱le̱ nje a no̱ngo̱ne̱no̱ bato na mińakisan
-
Ońola nje jeno̱ ná di be̱ mbaki ná Yehova a me̱nde̱ lakise̱ biso̱ e?
Ombwa “Lakise̱”
Ba nja Yehova a te̱se̱no̱ o wana jongwane̱ na tata pe̱ mwemba ke̱ moto a boli bobe bonde̱ne̱ e?
Ombwa pe̱ Bbl 20:28; Ga 6:1
Ne̱ni bobe bonde̱ne̱ bweno̱ ná bo takise̱ bane̱ o mbia masu to̱ o mwemba e?
Ombwa pe̱ Ndi 29:18
-
Myango ma Bibe̱l mi mongwane̱:
-
Yos 7:1-13, 20-26—Akan a wanedi Israel ńe̱se̱ mbeu a ńolo ońola bobe bonde̱ne̱ a bolino̱ nde a keka pe̱ wuta mo̱
-
Yon 1:1-16—Kana muto̱ped’a mudī Yona a tano̱ a banga wala we̱ni Yehova a lomno̱ mo̱, be̱se̱ bena ba ta o bo̱lo̱ ba ta ba mábo̱lo̱ne̱ longe̱ ońol’ao
-
1Ko 5:1-7—Ńamuloloma Paulo a to̱pedi ońola bobe bonde̱ne̱ o mwemba ma Korinto bwena bo ta bo máńamse̱ mwemba mwe̱se̱
-
Ońola nje bo̱ngo̱ ba beko̱kisedi bo s’angame̱nno̱ jeka biso̱ o wasa jongwane̱ la batudu e?
Ońola nje jangame̱nno̱ be̱ mbaki ná Yehova a lakise̱ biso̱ o mulopo ma benga bwa ndutu ońola bobe di bolino̱ o mińa mi tombi e?
Ombwa “Lakise̱”
Yete̱na di bi ná moto a boli bobe bonde̱ne̱, ońola nje jangame̱nno̱ bakise̱ ná nu moto e̱ne̱ batudu o mwemba e?
-
Myango ma Bibe̱l mi mongwane̱:
-
Ndi 13:6-9; 21:18-20—Mbend’a Mose e ta e kwala ná moto a bi te̱ ná elong’ao ya mbia to̱ ńandolo mō̱ a boli bobe bonde̱ne̱ a bīse̱ nika
-
