Maak
Kʼaru naraj xyeebʼal li maak ut kʼaʼut nokooxchʼaʼajki chiqajunilo?
Usta ak re, naq nokoomaakobʼk, chanru naxkʼut chiqu li Santil Hu naq tooruuq xqʼaxbʼal ru?
-
Ebʼ li eetalil li naxchap ribʼ rikʼin li naʼlebʼ aʼin:
-
2Sa 11:2-5, 14, 15, 26, 27; 12:1-13. Li awabʼej David kimaakobʼk chiru li Jehobʼa ut kaw kiqʼuseʼk xbʼaan, abʼan kixyotʼ xchʼool ut kixjal xnaʼlebʼ.
-
Ro 7:15-24. Laj Pablo kaw chaq xpaabʼal ut naxloqʼoni li Yos, usta joʼkan, yook chaq xkʼebʼal xqʼe re xqʼaxbʼal ru li tzʼaj aj naʼlebʼ li naxrahi ru ut li tzʼaj aj naʼlebʼ li nachalk saʼ li xkʼaʼuxl.
-
Chanru naxbʼaanu li xmaakʼaʼil li naʼlebʼ ut li bʼalaqʼil kʼutum naq naabʼalebʼ teʼtʼaneʼq saʼ li maak?
Hch 3:17; 17:29, 30; 1Ti 1:13; 1Pe 1:14
Taawil ajwiʼ Nú 15:27-29.
Kʼaʼut qʼaxal xiwxiw naq tqayuʼami junaq li naʼlebʼ li chʼolchʼo chiqu naq nimla maak chiru li Yos?
Heb 10:26, 27; 1Jn 3:4, 8, 9
Taawil ajwiʼ Nú 15:30; Ro 1:28-32; 1Ti 5:20.
Kʼaru truuq roksinkil laj Tza re naq ebʼ li xmoos li Yos teʼtʼaneʼq saʼ li maak?
Pr 1:10, 11, 15; Mt 5:28; Snt 1:14, 15
-
Ebʼ li eetalil li naxchap ribʼ rikʼin li naʼlebʼ aʼin:
-
Gé 3:1-6. Laj Tza kiroksi jun li kʼantiʼ re raaleenkil li xʼEva, kixbʼaanu naq tixrahi ru li maawaʼ re ut kixsikʼ li us choʼq re xjunes. Li xʼEva kixkanabʼ xkʼojobʼankil xchʼool rikʼin li Jehobʼa.
-
Pr 7:6-10, 21-23. Li awabʼej Salomón kixchʼolobʼ chanru kixkʼe ribʼ chi qʼunbʼesiik jun li saaj al li maakʼaʼ xnaʼlebʼ xbʼaan jun li ixq aj yumbʼeet.
-
Chanru tooruuq xqʼaxbʼal li aaleek li naxkʼe laj Tza?
Ef 4:27; 6:10-18; Snt 4:7, 8
-
Ebʼ li eetalil li naxchap ribʼ rikʼin li naʼlebʼ aʼin:
-
Pr 5:1-14. Joʼ jun li yuwaʼbʼej li naxkʼe xnaʼlebʼ li ralal, li awabʼej Salomón kixkʼe wiibʼ oxibʼ li naʼlebʼ li chalenaq rikʼin li Yos li naxchʼolobʼ kʼaʼut ut chanru tqabʼaanu re naq inkʼaʼ tootʼaneʼq saʼ li muxuk ibʼ.
-
Mt 4:1-11. Naq li Jesús kiroksi li Raatin li Yos, kixkanabʼ jun chaabʼil eetalil chirix chanru xqʼaxbʼal li aaleek li naxkʼe laj Tza.
-
Ebʼ laj paabʼanel tento teʼxtzʼeqtaana li maakobʼk chiru li Jehobʼa, bʼar wank wiibʼ oxibʼ rehebʼ li maak aʼin?
Taawil «Yibʼ aj bʼaanuhom».
Tixye li xmaak
Kʼaʼut naq inkʼaʼ tqayal xmuqbʼal li qamaak?
Ani ajʼe tento tqaye li qamaak?
Sl 32:5; Mt 6:9-14
Li Santil Hu naxye naq wank jun aj «tenqʼahom qe» li naʼokenk chiqix chiru li Jehobʼa, chirix ani yooko chi aatinak?
Chanru truuq xkʼutbʼesinkil jun laj paabʼanel li kimaakobʼk chiru li Jehobʼa naq kixyotʼ xchʼool ut kixjal xnaʼlebʼ?
Taawil ajwiʼ «Xyotʼ xchʼool ut xjal xnaʼlebʼ».
-
Ebʼ li eetalil li naxchap ribʼ rikʼin li naʼlebʼ aʼin:
-
Éx 22:1-12. Saʼ li Xchaqʼrabʼ laj Moisés naxye chaq naq tenebʼanbʼil saʼ xbʼeen laj elqʼ xqʼaxtesinkil li relqʼ ut xkʼebʼal xtzʼaqobʼ.
-
Lu 19:8, 9. Laj Zaqueo jun rehebʼ li najolomink rehebʼ li nekeʼxchʼutubʼ li toj choʼq re li awabʼej kixkʼutbʼesi naq kixyotʼ xchʼool ut kixjal xnaʼlebʼ naq kixkanabʼ xbʼaanunkil li yibʼ aj naʼlebʼ ut naq kixqʼaxtesi chixjunil li relqʼ.
-
Kʼaʼut chʼolchʼo chiqu naq li Jehobʼa tixkuy qamaak?
Taawil «Kuyuk maak».
Anihebʼ kixxaqabʼ li Jehobʼa chi xtenqʼankil ut xkolbʼal li chʼuut naq naʼuxk li maakobʼk?
Taawil ajwiʼ Hch 20:28; Gál 6:1.
Wi nokoomaakobʼk chiru li Jehobʼa, chanru tixchʼaʼajki aʼin li qajunkabʼal malaj li chʼuut?
Taawil ajwiʼ Dt 29:18.
-
Ebʼ li eetalil li naxchap ribʼ rikʼin li naʼlebʼ aʼin:
-
Jos 7:1-13, 20-26. Laj Acán kixkʼam chaq jun nimla chʼaʼajkilal saʼ xbʼeen li tenamit Israel naq kimaakobʼk chiru li Jehobʼa ut naq kixyal xmuqbʼal li xmaak.
-
Jon 1:1-16. Kachʼin chik ma xeʼkamk li wankebʼ saʼ li jukubʼ rochbʼeen laj Jonás xbʼaan naq inkʼaʼ kiʼabʼink chiru li Jehobʼa.
-
1Co 5:1-7. Li apóstol Pablo kixye chi kutankil naq jun li qas qiitzʼin yook chi maakobʼk chiru li Yos ut aʼin yook xchʼaʼajkinkil chixjunil li chʼuut re Corinto.
-
Kʼaʼut maajunwa raj tqakanabʼ xsikʼbʼal qatenqʼ rikʼinebʼ li cheekel winq usta naqaxuwa li qʼuseʼk?
Pr 3:11, 12; Heb 12:5-7, 11; Snt 5:14, 15
Kʼaʼut tento tqakʼulubʼa naq li Yos ak kixkuy qamaak chiru naq yal yooqo xjultikankil li xqabʼaanu chaq?
Taawil «Kuyuk maak».
Wi xqanaw naq jun laj paabʼanel xmaakobʼk chiru li Yos, kʼaʼut chʼolchʼooq chiqu naq kixye li xmaak rehebʼ li cheekel winq?
Le 5:1
-
Ebʼ li eetalil li naxchap ribʼ rikʼin li naʼlebʼ aʼin:
-
Dt 13:6-9; 21:18-20. Li Xchaqʼrabʼ laj Moisés naxye chaq naq tenebʼanbʼil saʼ xbʼeenebʼ laj Israel xyeebʼal ani li qas qiitzʼin xmaakobʼk usta xjunkabʼal malaj ramiiw.
-
Maare twulaq ajwiʼ chaawu
EBʼ LI NAʼLEBʼ LI NINTZOL SAʼ LI SANTIL HU
Namaakobʼk li awabʼej David
Naq inkʼaʼ nakʼoxlamank rubʼelaj kʼaru tento xbʼaanunkil naqakʼe qibʼ saʼ naabʼal li chʼaʼajkilal.
CHIQIX
Patzʼ naq tateʼrulaʼani
Aatinan chirix junaq li naʼlebʼ saʼ li Santil Hu malaj tzol xkomon aanaʼlebʼ chirix ebʼ laj Testiiw.
