Sibi
Sibi ki nto mañi, mi ki kabakalañi mañi ni mañi waluna hanani sibi?
Bibele ilutusa cwañi kulemuha kuli lwakona kulwanisa litakazo zaluna za kueza sibi?
-
Mitala ya mwa Bibele yekona kulutusa:
-
2 Sam. 11:2-5, 14, 15, 26, 27; 12:1-13 —Mulena Davida ueza libi zetuna, ufiwa kalimelo yetuna, mi ueza mwakonela kaufela kucinca linzila zahae
-
Maro. 7:15-24—Muapositola Paulusi, yali mutala omunde wa mutu yanani tumelo ni yasaba Mulimu, utalusa za ndwa yanani yona ya kulwanisa litakazo zahae za kueza sibi
-
Ki kabakalañi batu babañata habaezanga sibi?
Ki kabakalañi kueza sibi ka bomu haili nto yefosahalile hahulu?
Satani ukona kuitusisa lika mañi kuli akukueze batanga ba Mulimu kueza sibi?
Liprov. 1:10, 11, 15; Mat. 5:28; Jak. 1:14, 15
-
Mitala ya mwa Bibele yekona kulutusa:
-
Gen. 3:1-6—Ka kuitusisa noha, Satani ulika Eva ka kumukukueza kukulisa litakazo zahae ni kufokolisa sepo yahae ku Jehova
-
Liprov. 7:6-10, 21-23—Mulena Salumoni utalusa mo mutangana yasina ngana apalelelwa kutiyela kukuezo ya musali wa lihule
-
Lukona kuhanyeza cwañi litiko za Satani?
Maef. 4:27; 6:10-18; Jak. 4:7, 8
-
Mitala ya mwa Bibele yekona kulutusa:
-
Liprov. 5:1-14—Mulena Salumoni, sina mushemi, ufa kelezo yesusumelizwe ki moya wa Mulimu yebonisa libaka haluswanela kuambuka muzamao wa buhule ni molukona kuezeza cwalo
-
Mat. 4:1-11—Jesu ulutomela mutala omunde hahulu wa mwakuhanyeza litiko za Satani ka kuitinga fa Linzwi la Mulimu
-
Ki libi zecwañi zetuna zebaswanela kuambuka Bakreste?
Mubone taba yeli, “Likezo Zemaswe”
Kuipulela libi
Ki kabakalañi halusa swaneli kulika kupata libi zaluna?
Ki ku mañi koluswanela kuipulela libi kaufela?
Ki mañi yaswana sina “mutusi” yaluyemela fapilaa Jehova?
Kana mutu yaezize sibi wakona kubonisa kuli ubakile ka likezo zahae?
Mubone ni taba yeli, “Kubaka”
-
Mitala ya mwa Bibele yekona kulutusa:
-
Exo. 22:1-12—Mwatasaa Mulao wa Mushe, lisholi ulibelelwa kukutiseza mutu ya uzwelize, lika zelikana ni lika zauzwize
-
Luka 19:8, 9—Zakia, nduna wa batelisi, ubonisa kuli ubakile ka kucinca linzila zahae ni kukutiseza batu kaufela zababukuzi
-
Ki kabakalañi halukona kukolwa kuli Jehova uka luswalela?
Mubone taba yeli, “Kuswalela”
Ki litukiso mañi zaezize Jehova kuli atuse ni kusileleza puteho muta mutu yomuñwi aeza sibi sesituna?
Mubone ni Lik. 20:28; Magal. 6:1
Sibi sesituna sikona kuama cwañi babañwi mwa lubasi lwaluna kamba mwa puteho?
Mubone ni Deut. 29:18
-
Mitala ya mwa Bibele yekona kulutusa:
-
Josh. 7:1-13, 20-26—Akani utahiseza sicaba sa Isilaele kaufela butata ka kueza sibi sesituna ni kulika kupata sibi seo
-
Jona. 1:1-16—Bakeñisa kukwenuhela Jehova, mupolofita Jonasi ubeya mwa lubeta bupilo bwa batu kaufela babali mwa sisepe
-
1 Makor. 5:1-7—Muapositola Paulusi upatulula taba ya sibi sesituna mwa Korinte, ili sibi sesitahiseza puteho kaufela butata
-
Ki kabakalañi kusaba kufiwa kalimelo hakusa swaneli nihanyinyani kulupaleliswa kukupa tuso kwa baana-bahulu?
Ki kabakalañi haluswanela kukolwa kuli Mulimu uluswalezi kufita kuzwelapili kuikutwa bumaswe kabakala mafosisa ane luezize kwamulaho?
Mubone taba yeli, “Kuswalela”
Haiba luziba za sibi sesituna saezize mutu yomuñwi, ki kabakalañi haluswanela kubona teñi kuli mutu yaezize sibi yo wataluseza baana-bahulu?
-
Mitala ya mwa Bibele okona kulutusa:
-
Deut. 13:6-9; 21:18-20—Mulao wa Mushe utokwa kuli mutu abihe sibi sesituna saezize mutu yomuñwi nihaiba wa lubasi kamba mutu yomuñwi yalata
-
Hape Mwendi Mwakona Kutabela Litaba Ze
TAWALA YA MULIBELELI
Kana Mulao wa Naa File Mulimu Kwa Maisilaele ne li O Lukile?
Likuka zee ne za butokwa hahulu ne li tusize baatuli mwa Isilaele.
ZEMUKONA KUITUTA MWA BIBELE
Mulena Davida Ueza Sibi
Katulo yemaswe itahiseza Davida kukena mwa butata.
KA ZA LUNA
Mukupe Kuli Mutu Yomuñwi Ato Mipotela
Munyakisise puzo yeñwi ka za taba ya mwa Bibele, kamba muitute zeñata ka za Lipaki za Jehova.
